(Unicode)(Part 12)
ခွန်းဆက် အိပ်ရာမှနိုးတော့ မိုးတောင် တော်တော်လင်းနေပြီဖြစ်သည်။ နာရီကိုကြည့်မိတော့ ၉ နာရီတောင်ခွဲတော့မည်။ အိပ်ရာမှထကာ ရေချိုးခန်းဆီသို့ ဦးတည်လိုက်သည်။ မျက်နှာသစ်သွားတိုက်ရင်း ရေပါ တစ်ခါတည်း ချိုးလိုက်တော့သည်။ ထို့နောက် အဝတ်အစားလဲကာ အောက်ထပ်သို့ဆင်းခဲ့တော့သည်။
"သား ခွန်းဆက်...ရေတောင် ချိုးပြီးသွားတာလား"
"ဟုတ်ကဲ့ အန်တီမိုး"
"လာ သား...မနက်စာ အဆင်သင့်ပဲ... စားလိုက်တော့"
ခွန်းဆက်လည်း ခေါင်းညိတ်ပြကာ ထမင်းစားပွဲတွင် ဝင်ထိုင်လိုက်တော့သည်။
"အန်တီမိုး ဟိုဟာလေ"
"ဘယ်ဟာလဲ သား"
"ဟို အပေါ်က တစ်ယောက် ရုံးသွားလိုက်ပြီလား"
"သားမာန်လား... ဟုတ်တယ်... အစည်းအဝေးရှိတယ်ဆိုပြီး အစောကြီးထွက်သွားတာ...မနက်စာတောင် စားမသွားဘူးလေ...ဘာလို့လဲ သား"
"ဘာမှမဟုတ်ပါဘူး... ဒီတိုင်းပဲ မေးကြည့်တာ"
"အန်တီလေ သားမာန့်ကို ကြည့်ရတာ အားမရဘူး... ပိန်ပိန်သေးသေးလေး... အားရှိတာတွေချက်ကျွေးအုံးမှပါ"
"အဟွတ်!...အဟွတ်!!"
အန်တီမိုး၏ စကားကြောင့် ခွန်းဆက် စားနေတာတွေပင် သီးသွားတော့သည်။
"သားရလား... ရော့ ရေသောက်လိုက်သား"
"အဟွတ်!...ဟုတ်... ဟုတ်ကဲ့"
မာန်က လူသာပိန်တာ အားက ဆင်ဆယ်ကောင်ထက် သာတယ် အန်တီမိုးရ...သားကို သနားပါဗျာ.....
ထိုစကားများကိုတော့ ခွန်းဆက်စိတ်ထဲ၌သာ ပြောမိသည်။ ခွန်းဆက် မနက်စာစားပြီး ခြံထောင့်နားက ကံ့ကော်ပန်းပင်အောက်တွင်ရှိသော ဒန်းအဖြူလေးပေါ်၌ သာ အချိန်ဖြုန်းနေတော့သည်။ ဒန်းပေါ်ထိုင်၍ ဖုန်းသုံးနေစဉ် ခြေထောက်တစ်ဖက်အား လာထိသော အထိအတွေ့လေးကြောင့် ခွန်းဆက်ငုံ့ကြည့်လိုက်တော့ သူ့ခြေထောက်အား ပွတ်သီးပွတ်သပ်လုပ်နေပါသော အဝါကောင်လေး။ တစ်နည်းအားဖြင့် ကြောင်ဖေဖေကြီးမာန်၏ သမီးတော်လေး။
YOU ARE READING
အမုန္းမွသည္...ခ်စ္ျခင္းဆီသို႔(နာက်ည္းခ်က္မ်ားႏွင့္ အခ်စ္ကိုဖန္ဆင္းမည္)
RomanceStart Date-1.11.2023 End Date-27.5.2024 မိဘတွေမတရားခံရမှုအတွက် ကလဲ့စားချေမယ့်ကောင်လေးတစ်ယောက် အမုန်းတရားတွေကနေလွတ်မြောက်နိုင်ပြီး ချစ်ခြင်းကိုရှာဖွေတွေ့ရှိနိုင်မလား..... မိဘေတြမတရားခံရမွုအတြက္ ကလဲ့စားေခ်မယ့္ေကာင္ေလးတစ္ေယာက္ အမုန္းတရားေတြကေနလြတ္ေျမာက...
