အမုန္းမွသည္...ခ်စ္ျခင္းဆီသို႔(နာက်ည္းခ်က္မ်ားႏွင့္ အခ်စ္ကိုဖန္ဆင္းမည္)

🍂Part-59🍂

(Unicode)(Part 59)

မာန် မျက်ဝန်းတို့ပွင့်လာချိန်တွင် ပထမဆုံးမြင်လိုက်ရသည်က ဟောင်းနွမ်းကာ အက်ကွဲနေသော အင်္ဂတေများနှင့် အခန်းပတ်ဝန်းကျင်။အခန်းထောင့်တို့တွင်လည်း ပင့်ကူမျှင်များဖြင့် ရှုပ်ယှက်ခက်နေသည်။ တစ်ခန်းလုံးတွင်လည်း ပြတင်းပေါက် တစ်ခုသာရှိနေကာ ထိုပြတင်းပေါက်မှ တစ်ဆင့် ဆည်းဆာရောင် ညနေခင်း၏အလှနဲ့အတူ အနောက်ဘက်သို့ ခိုဝင်မှေးစက်နေသော နေဝန်းနီနီကြီးအား ထင်ရှားစွာ မြင်နေရသည်။

မာန် အခန်းအား ဝေ့၀ဲကြည့်နေရင်း မတ်တပ်ရပ်ရန် ကြိုးစားလိုက်စဉ်မှာပင် ကိုယ်ကို တုပ်နှာင်ထားသော အနှောင်အဖွဲ့များကို သတိထားမိသွားရတော့သည်။ သူအား ခုံတစ်ခုတွင် ထိုင်လျက်သားဖြင့် လက်များကို  အနောက်ဘက်သို့လှန်ကာ ကြိုးချည်ထားပြီး ခြေထောက်များကိုလည်း ခုံနဲ့တွဲရက်ချည်ထားသည်။ မာန် ကြုံနေရသော အခြေအနေများကို ထူးဆန်းနေပြီး ဤအခန်းထဲသို့ မည်သို့ရောက်လာခဲ့ကြောင်းကို မှတ်ဉာဏ်ပြန်ခေါ်နေရသည်။

ပထမဆုံး ကြယ်စင်ဆေးရုံကို လာနေသည်ကြောင့် လင်းသာက ကြယ်စင့်ကိုခေါ်ရန် ထွက်သွားချိန် မာန်တစ်ယောက်တည်း အခန်းထဲတွင် ကျန်ရှိခဲ့သည်။ အခန်းထဲ ကြယ်စင်တို့အား စောင့်နေစဉ် တံခါးဖွင့်သံကြားသည်ကြောင့် ကြယ်စင်တို့ ပြန်လာပြီအထင်နဲ့ မာန်ကြည့်လိုက်တော့ သူတစ်ခါမှမမြင်ဖူးသည့်လူကို တွေ့လိုက်ရသည်။မာန်လည်း သတိအနေအထားဖြင့် ထိုလူအား စိုက်ကြည့်လိုက်ပြီး

"ခင်ဗျားက ဘယ်သူလဲ"

မာန့်အမေးကို ပြန်မဖြေပဲ ထိုလူက မာန့်အနားလျှောက်လို့လာသည်။ ထို့နောက် ဘာစကားမှမပြောပဲ မာန့်အား ဖုန်းတစ်ခုကိုကမ်းပေးသည်။ မာန်လည်း ကြောင်အစွာနဲ့ပင် ထိုလူအားကြည့်နေတော့ ထိုလူကြီးက စိတ်မရှည်သည့်အလား မာန့်လက်ထဲ ဖုန်းကိုထိုးပေးကာ အခန်းထဲမှ ထွက်သွားခဲ့သည်။

ထိုလူက သူ့အား ဘာကြောင့် ဤဖုန်းအားပေးသွားခဲ့သည်ကို နားမလည်ပဲရှိရသည်။ ခဏအကြာမှာပဲ ထိုလူပေးသွားသော ဖုန်းထံမှ message ဝင်သံကြားရသည်ကြောင့် မာန်ယူကြည့်လိုက်မိတော့ လူနှစ်ယောက်အား အကွယ်တစ်နေရာကနေ ရိုက်ယူထားသည့် videoနှစ်ခုကို တွေ့လိုက်ရသည်။ ထိုvideoနှစ်ခုတွင် ပါဝင်နေသည့် လူများက ခွန်းဆက်နဲ့ ဦးခွန်းမြတ်မဟာတို့ပင်ဖြစ်သည်။ မာန် ထိုvideoများအား ကြည့်နေစဉ်မှာပင် message တစ်စောင်ထပ်ဝင်လာသည်။