မြို့စားကြီးအိမ်​တော်မှဆန်ကုန်​​မြေ​လေး || Volume 1

Chapter 33: You (8)

အခန်း (၃၃): မင်း (၈)

Words Count: 6716

UNICODE

အိမ်ရှိဘယ်သူကမှ Cale တစ်​ယောက်ရုတ်တရက်ကြီးအပြင်သွားဖို့ပြင်သည်ကို ထူးဆန်းသည်ဟုမထင်ခဲ့ကြ။ Ron ကိုလည်းဘယ်မှာမှရှာမ​တွေ့ မိသည့်အတွက် အပြင်သို့ကိစ္စဖြင့်ထွက်သွားတာသာဖြစ်ရပါမည်။

ဆို​တော့ကား Hans တွင်​မေးရန်ရှိသည်က Cale တစ်​ယောက်သွားမည့်​နေရာသာရှိ​တော့သည်။

'သခင်​​လေး..ဘယ်ကိုသွားမလဲဆိုတာကျွန်​တော်သိလို့ရမလား?'

'ရတယ်...မင်းစိတ်ပူစရာမလိုဘူး'

'ဟုတ်ကဲ့! ...ဒါ​ပေမယ့် အခုကမြို့​တော်ကို​သခင်​လေး​ရောက်တာ ပထမဆုံး​နေ့ဆို​တော့ အရက်ပုလင်းတစ်ပုလင်းမှကိုမခွဲဘဲအိမ်ပြန်လာလို့ရမလားဗျာ?'

'...မင်းဒီလိုပဲစည်း​ကျော်​နေ​တော့မှာလား...Hans?'

'အဲ့လိုလုံးဝမဟုတ်ရပါဘူး...​အန္တရာယ်ကင်းကင်းနဲ့သခင်​​လေးအိမ်ပြန်​ရောက်လာဖို့ကို ကျွန်​တော်​မျှော်လင့်မိတာမို့ပါဗျာ...'

ရထားလုံး​ပေါ် သို့တက်လိုက်ရင်း ခဏခဏစည်း​ကျော်​နေသည့် လက်​ထောက်အိမ်ထိန်း Hans ကိုဘယ်လိုမျိုးကိုင်တွယ်ရမလဲဆိုသည်ကိုစတင်​စဥ်းစားမိသည်။

ထိုသို့ သူစဥ်းစားခန်းဖွင့်​နေစဥ်မှာပဲရထားလုံးသည် ဘု​ရား​ကျောင်း​ရှေ့သို့ဆိုက်​ရောက်ခဲ့သည်။

"သွားကြမယ်"

"ဟုတ်ကဲ့"

ရထားလုံး​ပေါ် မှဆင်းရန် Cale က​နေရာမှထရပ်လိုက်သည်။ Choi Han မှာသူတို့ရထားလုံးထဲ​ရောက်သည့်အချိန်တည်းက မဟုတ်​သေး Cale အခန်းထဲမှထွက်လာသည့်အချိန်တည်းက နူတ်ဆိတ်​နေခဲ့သည်ဖြစ်သည်။ ​မြောက်များစွာလှ​သောစိတ်ခံစားချက်တို့အစုံမှာ ယခု သူ့​ခေါင်းထဲတွင်​ရောပြွန်း​ပွေရူပ်လို့​နေ​လောက်သည်။

Choi Han ၏အကျင့်စရိုက်အကြောင်းကို Cale 'သူရဲ​ကောင်းတစ်​ယောက်​မွေးဖွားလာခြင်း' စာအုပ်၏အတွဲငါးအထိသာသိရှိထားသည်ဖြစ်သည်။ သို့​သော်လည်း Cale ကျိန်း​သေ​သေချာသိသည့်အရာတစ်ခုရှိ​ပါသည်။