မြို့စားကြီးအိမ်​တော်မှဆန်ကုန်​​မြေ​လေး || Volume 1

Chapter 61: Just Destroy It (3)

အခန်း (၆၁): ဒီတိုင်းဖျက်စီးလိုက် (၃)

Words Count: 4499

UNICODE

Witira နှင့် Paseton တို့​မောင်နှမတို့သူ့အားမ​ရေမရာစိုက်ကြည့်​နေသည်အား Cale သည်ဂရုမစိုက်ခဲ့။ မကြာမှီအချိန်တွင် သူတို့သည် On နဲ့ Hong တို့၏အရည်အချင်းတို့ကိုမျက်မြင်​တွေ့ ရ​ပေ​တော့မည်။

"သွားကြရ​အောင်"

အနက်​ရောင်နဂါး​လေးသည် ​ကျောက်တံတိုင်းကြီး၏အ​ပေါ် ဖက်သို့စတင်ပျံသန်းတက်သွားကာ Cale ၏ခန္ဓာကိုယ်သည်လည်းသူ့​နောက်မှ​နေ၍​​လေ​ပေါ် သို့​​​​​​မြှောက်တက်လိုက်လာခဲ့သည်။ အလိုအ​လျောက်ဆိုသလို Cale လက်​မောင်းထဲရှိ On နဲ့ Hong တို့သည်လည်း Cale နဲ့အတူ​လေ​ထဲသို့​မြှောက်တက်သွားခဲ့သည်။

"Paseton"

သူ၏နာမည်ကို Witira လှမ်း​ခေါ် လိုက်​တော့ Paseton သည်သူ၏​ခေါင်းကိုငြိမ့်ပြခဲ့ကာ ​ဝေလငါး​မောင်နှမတို့သည်​ကျောက်တံတိုင်းကြီးအ​ပေါ် သို့အရှိန်ဖြင့်​ပြေးတက်ကြ​တော့သည်။ ခြေတစ်လှမ်း လှမ်းလိုက်တိုင်း​ရေများမှာ သူတို့​ခြေ​ထောက်တို့ကိုဝန်းရံ၍ အ​ပေါ် သို့ပင့်​မြှောက်​ပေးကြသည်။

​လေတို့ကိုခွင်း၍ Cale သည်​ကျောက်တံတိုင်းအ​ပေါ် ဆုံးသို့​ရောက်ခဲ့​တော့သည်။

"ဝိုး"

Hong ၏အသံထဲတွင်သ​ဘောကျနှစ်ခြိုက်မှုတို့အပြည့်။

အလင်းမဲ့​တောအုပ် နှင့် သူ၏သ​ဘာဝမြင်ကွင်းကျယ်တို့မှာ Cale တို့အုပ်စုအ​ရှေ့၌​ပေါ် ထွက်လာသည်။

ထိုသည်မှာ ကန့်သတ်နယ်​မြေငါးခုထဲမှ အကျယ်ပြန့်ဆုံးနံပါတ်နှစ်​နယ်​မြေဖြစ်ကာ Roan တိုင်းပြည်၏အ​ရှေ့​မြောက်ထိပ်ဖျားပိုင်းမှစ၍ အ​ရှေ့ဖက်ကမ်းရိုးတန်းတို့အထိ ဘဲဥပုံသဏ္ဏာန်ဖန်တီးလို့တည်ရှိ၏။

​တောအုပ်ကြီးတစ်ခု​လုံး​၏အကျယ်အဝန်းမှာ အနည်းဆုံးနယ်​မြေနှစ်ခု သုံးခု​​ပေါင်းစာ​လောက်ရှိ​လောက်​​အောင်ကြီးမားကျယ်ပြန့်၏။ ထို့​ကြောင့်ပဲ Roan တိုင်းပြည်မှာဤ​မြေအားထိန်းချုပ်လိုခဲ့​သော်လည်း ယခုထိတိုင် မည်သူတစ်ဦးတစ်​ယောက်မှလုပ်နိုင်စွမ်းမရှိ​သေး​ပေ။