မြို့စားကြီးအိမ်​တော်မှဆန်ကုန်​​မြေ​လေး || Volume 1

Chapter 50: Into The Whirlpool

အခန်း ၅၀: ​ရေဝဲဆီသို့အလည်တစ်​ခေါက်

Words Count: 4341

UNICODE

Cale ဘာ​တွေ​တွေး​နေလဲဆိုသည်ကိုတစ်ခုမှမသိရှာတဲ့ Amiru က​တော့ Cale ၏မူန်မိူင်း​နေ​သောမျက်နှာ​ဘေးမှာ သူ၏သနားကြင်နာတတ်​သောစရိုက်​ကြောင့်ပင်ဖြစ်ရမည် ဟု​ထင်မှတ်​နေခဲ့​လေသည်။ ထို့​နောက် သူမကပဲစကားကိုဆက်သည်။

"သူ့ရဲ့အဝတ်အစားနဲ့ ကိုယ်လုံးကိုယ်​ပေါက်ကိုကြည့်ရတာ​တော့ Whipper တိုင်းပြည်ကဖြစ်​ပုံပဲ"

ထိုလူမှာကျိန်း​သေ​ပေါက်ကို Toonka ပင်။

Amiru စကားဆက်​ပြော​လေ​လေ Cale ၏မျက်နှာမှာဖြူ​​ဖျော့လာ​လေ​လေဖြစ်​နေလျက်။

Whipper တိုင်းပြည်၌ Mage များနှင့်ထိပ်တိုက်တိုက်ခိုက်​နေသည့် Mage မဟုတ်သည့်သာမန်လူတို့မှာ ကြမ်းတမ်း​သောအရိုင်းအစိုင်းလူများအဖြစ် Mage များ၏လျစ်လျူရှူခြင်းကိုခံခဲ့ရ​သည်။

သို့​သော်လည်း ဤကမ္ဘာ၌လူရိုင်းဟူ၍မရှိ။

လူသားအားလုံးမှာတူညီ​သောဦး​နှောက်အသိဥာဏ်တို့ရှိပြီး အချိန်​ကြာလာတာနဲ့အမျှ သမိုင်း​ကြောင်း​တွေဖန်တီး​ပေါ် ​ပေါက်လာခဲ့ကာ လူသားတို့သည် သူတို့အံ​​​ဝင်​ခွင်ကျအဖြစ်ဆုံးနည်းလမ်းနှင့်တိုးတက်လာကြ ကြီးပြင်းလာကြရုံသာဖြစ်သည့်အတွက် ဒီကမ္ဘာတွင်လူရိုင်းဟူ၍မရှိ​ပေ။

ထို့အပြင် Whipper တိုင်းပြည်အတွင်းရှိကြမ်းတမ်းလှ​သော​တောင်တန်းများနှင့် ကမ်း​စပ်​နေရာများကိုမည့်သည့်​မှော်ပညာအတတ်တို့ကိုမှအသုံးမပြုဘဲ ထိန်းချုပ်ထားနိုင်​လောက်​အောင် Mage မဟုတ်သူများမှာအင်အားကြီးကြသည်။ သူတို့မှာ ​မှော်ပညာကဲ့သို့​​သောအခြားအတတ်ပညာများအ​​ပေါ်  အမှီသဟဲပြုရမည့်အစား သူတို့၏လူ့ကိုယ်ခန္ဓာကိုသာအင်အားကြီးလာ​အောင်ပြုလုပ်ဖို့အာရုံစိုက်ထားကြသူများဖြစ်၏။

သူတို့​တော်လှန်​နေရခြင်းအ​ကြောင်းမှာ Mage များအတွက်ကိုသာ လွယ်ကူ​အေး​ဆေး​သောဘဝကို​ပေးစွမ်း​ထောက်ပံ့ထားသည့် အခုလက်ရှိ Whipper တိုင်းပြည်ကိုဖျက်စီးပြီး တိုင်းပြည်၏မူရင်းပုံစံကိုပြန်လည်အသက်သွင်းလို၍ပင်။