မြို့စားကြီးအိမ်​တော်မှဆန်ကုန်​​မြေ​လေး || Volume 1

Chapter 36: Being Still (3)

အခန်း (၃၆): ငြိမ်ငြိမ်​လေး​နေဖို့ဆိုသည်မှာ (၃)

Words Count: 5040

UNICODE

Choi Han သည် Cale ဖက်သို့လှည့်၍အ​မေးမပြုခင် နဂါးနက်​လေးအားစိုက်ကြည့်မိသည်။

"အကုန်လုံးကိုကျွန်​တော်တို့သွားဖျက်စီးရမှာလား?"

"မဟုတ်ပါဘူး...လုံးဝအဲ့လိုမဟုတ်ဘူး"

'ဘယ်လိုဖြစ်လို့အဲ့​ကောင်ရဲ့အ​တွေး​တွေကအစွန်း​ရောက်​ရောက်သွားရတာတုန်း?'

Cale သည်ကုတင်​ပေါ် လှဲချလိုက်ရင်း Choi Han အားလက်ဖြင့်​​ဝေ့ရမ်းပြ၍-

"မြန်မြန်သွားပြီး ခဏ​နေပြန်လာခဲ့...အို...ပြီး​တော့ဦးထုပ်​ဆောင်းလာခဲ့ဦး"

"နားလည်ပါပြီ"

အခန်းထဲမှထွက်သွားပြီး Hans ကိုတစ်စုံတစ်ခုသွားမ​ပြောခင် Choi Han မှာအိပ်ယာ​ဘေးတွင်ရှိ​သောမီးအိမ်မှအပ ကျန်မီးများကိုမှိတ်​​ပေးခဲ့​လေသည်။ Cale က​တော့မျက်လုံးကိုမှိတ်ထား၍ အိပ်ချင်​ယောင်​ဆောင်​နေလျက်။

သိပ်မကြာလိုက် အခန်းတံခါးမှာညှင်သာစွာပိတ်လို့သွားခဲ့ပြီး လက်​ထောက်အိမ်ထိန်းဖြစ်သူ Hans ဝင်မလာ​တော့။ တံခါးပွင့်​နေစဥ်အချိန်က ကိုယ်​ယောင်​ဖျောက်လို့ထားသည့် နဂါးနက်​​လေးသည် တံခါးပိတ်လို့သွားသည်နှင့် သူ၏ကိုယ်​ဖျောက်အတတ်ကို​ဖျောက်လိုက်ပြီး ကုတင်​ပေါ် သို့ဆင်းသက်လာသည်။

စိုးရိမ်သည့်​လေသံဖြင့်​​ပြော​နေသည့်နဂါး​​လေး၏အသံနှင့်အတူ အိပ်ယာ၏တစ်ဖက်ခြမ်းမှာအိကျ​လို့သွား​သည်။။

"မင်းတကယ်အိပ်​ပျော်သွားလို့မဖြစ်ဘူး​နော်"

နဂါး​လေး၏စကားကိုကြားရပြီး​နောက် Cale ​တွေးမိတာက-

'ဒီနဂါးအတွက်ငါက​ လေးနှစ်သားက​လေးများဖြစ်​နေ​တာလား?'

သက်ပြင်းတစ်ချက်ကိုချလိုက်၍ Cale ကကုတင်​ပေါ် မှထလိုက်သည်။ ခဏအကြာတွင်​တော့ ဝတ်ရုံခြုံလို့ထားသည့် Choi Han သည်အခန်းတွင်းသို့ပြတင်း​ပေါက်မှတဆင့် တဖန်ဝင်​ရောက်လာ​သည်။