مساء الخير 🌚
بما إن معرض القاهرة الدولي للكتاب بدأ النهاردة ، من وانا صغيرة كل سنة لازم بروح المعرض ومش بفوته خالص ، عايزة أقولكم إن أنا طموح من طموحاتي إني أنشر رواياتي ورقية و تتعرض فالمعرض و أسمي بين الكتاب الكبار يكون معروف و تكون رواياتي جميلة ممتعة و هادفة ومش مضيعة للوقت و ترسم البسمة على وجوه القراء ..
طبعا محالفنيش الحظ إني أنهي أي رواية من رواياتي بسبب الظروف و المشاغل و التسويف برضو للأسف ..
لكن عندي أمل كبير اني ان شاء الله اقدر احقق هدفي دة و رواية My Seven Cousins تكون ضمن التصنيفات العائلية و من أحسن الروايات العائلية كمان - طبعا بعد تغيير أسماء الشخصيات و تعديل بعض الأحداث عشان تكون ملائمة للنشر الورقي ـ
كل سنة بيجي معرض الكتاب و بتخيل نفسي شايفة كتبي بين الرفوف ولكن دائماً ما أقلق و اخاف واسأل نفسي هل كتاباتي تستحق النشر ؟ هل هتنجح ؟ هل الناس هتحبني وتحب القصص اللي بألفها؟.. و الخوف دة سبب من أسباب التسويف بتاعتي اللي بحاول جاهدة أضع لها حد يعني..
حبيت أشارك افكاري دي معاكم لأن حرفيا أنتم الداعمين الوحيدين ليا ، مفيش أي حد جمبي ولا بيدعمني فالكتابة من محيطي الشخصي سواء من عائلتي أو أصدقائي ، مبستمدش أي شغف و دعم و رغبة في الكتابة والاستمرارية غير منكم هنا فـ ياسلام لو تسيبولي كومنت لطيف هنا يشجعني اكمل الرواية دي و اعدلها و اظبطها عشان السنة الجاية بإذن الله تكون بين رفوف معرض الكتاب و فالمكتبات كـ رواية ورقية .. آرائكم الحقيقية عن الرواية بمشاعرها و قصصها و أحداثها ، شايفين الرواية تستحق تكون عمل حقيقي يدخل في سباق بين الكتب والروايات الكبيرة والمشهورة ولا لا ، أستمر و اخد الخطوة ولا شايفينها بعيدة اوي ، شاركوني أفكاركم و معتقداتكم حول الرواية دي و لو تفتكرو أي رواية من اللي ارشفتهم كمان وعندكم تعليق عليهم أحب أشوف و أعرف رأيكم... ❤️
أنت تقرأ
My Seven Cousins
Romanceدَخَلتَ قَلبِي بِلاَ استِئذَانٍ، واقتَحَمتَ حُصُونَهُ بِرِمشِ عَينَيك. تَسبَّبتَ دَونَ وَعيٍ مِنكَ فِي تَفَتُّحِ أَزهَارِ قَلبِي التِي ذَبِلَت فَسَقَيْتَهَا بِعَسَلِ الشَّهدِ وَرَحِيقَهُ المُتَقَطِّر مِن بَينِ شَفَتَيك ، وَ بِصَوتِكَ عَزَفتَ عَلَي...
