දෙව්සකුණ | MOURNING AVES | BL |

| 55 |

        මං ආපහු ඒලෙවල් වලට පාඩම් කරන්න පටන් ගත්තා.

ඒ අයියගෙ පෙරැත්තෙටමයි.

      වැඩ ඇරිලා ඇවිත් අයියා පොඩි එකාව බලාගන්න පටන් ගත්තා. මම කොච්චර විරුද්ධ වුණත් අයියා ගෙදර වැඩට මේඩ් කෙනෙක් අරගෙන., පොඩි එකාව බලාගන්න බේබිසිටර් කෙනෙක්වත් හයර් කරන්න තීරණය කරලා තිබුණා.

    මම දවසක්ම රන්ඩු අල්ලලා... තරහත් වෙලා ඉදලා... අන්තිමට එයාගෙ උවමනාවම කරගන්න ඇරලා නිකන් හිටියෙ. මම කියන දෙයක් කනකට ගන්නවද?.. ඇට්ටර දරදඩු හිතක් ඒක. කිව්වොත් කිව්වමයි. මට කට හොල්ලන්නත් අවසර තියෙන එකක් ද?!..

     කොහොමත් පොඩි එකා බේබිසිටර් කෙනෙක් එක්ක ඉන්නෙ නෑ. ඌ මං අස්සෙම දැවටිච්ච ගමන්. මම කෝමද එහෙව් එකේ දවාලට පාඩම් කරන්නෙ?..

      එහෙන් බිස්නස් එකේ වැඩ. උයන පිහන වැඩ නම් මේඩ් කළා... ගෙවල් දොරවල් එයා අස් කළා. උදේට ඇවිත්.. ගෙදර වැඩ ඔක්කොම කරලයි එයා හවස ගියෙ.

       මොනර පැටියව බේබිසිට් කරන්න ආවෙ අක්කා කෙනෙක්. අවුරුදු විසි තුනයි. පාඩුවේ තමන්ගෙ වැඩක් කරගෙන ඉන්න චරිතයක්.

          ඇත්තටම බේබිසිටර් කෙනෙක් විදියට අපේ ගෙදරට ආවට... එයාටත් දිග කතාවක් තිබුණ බව ඒ ඇස් දකිනකොට මට තේරුම් ගියා. ලොකුවට කතාවක් බහක් නොතිබුණත්... උවමනා තැනට උවමනා වචනෙ දෙන්න දැනගෙන හිටියා. කොට... හැඩයි කියන්න පුළුවන් ඇගක් තිබුණ.. කොන්ඩෙ කර්ල්.. ලා තලෙලු තරුණ කෙල්ලෙක් මියුලි අක්කා කියන්නෙ.

     පොඩි එකා පිට කෙනෙකුට හුරු කරන්න මගෙත් නූමනාවක්ම තිබ්බ හින්දා ඌ මගෙ තුරුලෙම හංගන් හිටියෙ මට තිබුණ තන්හාවටත් වෙන්නැති. මම බලපු මූවීස් වල... අම්මට තාත්තට වැඩිය නැනීට ආදරේ පොඩි උන් අනන්තවත් හිටියා. මොනර පැටියා එහෙම වුනොත් නම් මට දරන්නත් අමාරු වෙයි.

    බේබිසිටර් කෙනෙක් ගැන අදහස අයියා දානකොටම මම විරුද්ධ වුනෙත් ඒක හින්දමයි. අයියා කිව්වෙ ඒවා මගෙ මනස්ගාත කියලා.