දරු පැටියව ඇදේ තියලා... මම එයා වටේ එයාගෙ බෝනික්කො පුරවලා.. නැට්ට දිග කිඹුල් බබාව අතට තුරුල් කරලයි මම පහළට ගියෙ.
" මං මොනර මල්ලිව බලාගන්නම් හංස අයියා. "
සුදුනෝනා කිව්වෙ ඇදේ දිගවෙලා.. පුතුපැටියගෙ ඔලුව අතගගා.
" පව් අනේ.. එයා අද මං එක්ක හොස්පිට්ල් එකක් දාන්න හිටියෙත්. දැන් එයා ලෙඩ වෙලානේ... "
" ඔව් මගෙ මැනිකෙ... " මම සුදුනෝනගෙ ඔලුව අතගෑවා. සුදු මහත්තයත් කාමරේට ආවෙ ඒ අතරෙ.. ඒ කට පිහ පිහා.
" මොනාද හොරගෙඩියා කෑවෙ... ආහ්.. කනවකො අයිස්ක්‍රීම් ලොකු අයියට හොරෙන්. හම්බවෙයි හෙම්බා හැදුනම. "
" හංස අයියා කියන්නෑනෙ ඉතින්.. "
පොඩි නසරානි පැටියා දත් විලිස්සන් ඇදට ගොඩ වුණා. සුදුනෝනා කොල්ලට ගැහුවෙ කකුල අල්ලලා පැත්තකට තල්ලු කරන ගමන්. " ඒයි!.. මොනර මල්ලි ඇහැරෙයි මැට්ටො!. එයා අසනීපෙන් නෙ ඉන්නෙ. "
" හරි හරි... "
සුදු මහත්තයත් මොනර පැටියගෙ එහාපැත්තෙන් දිගා වෙලා කොල්ලගෙ කම්මුල අතගාන්න වුණා..
" මං බලාගන්නම් හංස අයියෙ. "
" අනේ මේ... මං බාරගෙන ඉවරයි. තමුසෙ පැහෙන්නැතුව ඉන්නවා.!!.. තමුසෙ ඊයෙ බලාගත්තෙ.. මොනර මල්ලිව වට්ටලා.. දණිස් තුවාලත් වෙලා... එයා ඇඩුවත් එක්ක. මං එක්ක ඉද්දිනම් කවදාවත් එයා වැටිලා නෑ. "
" ඇයි තමුසෙ මොනර මල්ලිගෙන් මේකප් සෙට් එකක් ඉල්ලලා රන්ඩු වෙලා ඇඩුවෙ. ඊටපස්සෙ චූටි අයියා තමුසෙට මේකප් සෙට් එකක් ගෙනත් දුන්නට පස්සෙනෙ මොනර මල්ලි එක්ක යාලු වුණේ.... "
" රන්ඩු අල්ලන්නෙ නැතුව දෙන්නම ඉන්නකො ඉතින්. "
දෙන්නා දෙන්නට රවාගත්තා. මාර නිවුන්නු මුං. මගෙ එක හුරතලේ ට්‍රිපල් වෙලා මෙහෙ ආවට පස්සෙ.. මං මේ පොඩි දෙන්නටත් පුංචිමවත් අඩුවක් නොවෙන්න හැම තිස්සෙම පරිස්සම් වුණේ.. එයාලගෙ අම්මයි තාත්තයි මේ ලෝකෙ දැන් නෑයි කියලා.. අයියයි මමයි එයාලට අඩුවක් වෙන්න දෙන්නෙ නෑ කියන හැඟීම එයාලට දැනෙන්න.
YOU ARE READING
දෙව්සකුණ | MOURNING AVES | BL |
Romance" හංස.... " මං ඇස් උස්සල බැලුවාම ඒ ඇස් මගෙ තොල් දිහා බලලත් බිම බලාගත්තා.. " හංස මා එක්ක තාම තරහද?... " ඒ හරුපෙ මට තේරුනේ නෑ.. " තරහද මගෙ හංස..? " " ඔයාගෙ.. " මගෙ කට කොනකට හිනාවක් ආවා. මුගෙ?.. මුගෙනං පරිස්සං කරගන්න තිබ්බනෙ.. ...
