♎️Chapter 92
Another life -5
ဘတ်စကတ်ဘောပွဲပြီးသည့်နောက်ပိုင်း ယွမ်ယဲ့နှင့်ဖုယွမ်ကျိုးတို့ပိုရင်းနှီးလာကြပြီး အချစ်ဆုံးသူငယ်ချင်းများပင်ဖြစ်လာခဲ့ကြသည်။ အားလုံးက အံ့အားသင့်နေကြသော်လည်း ဖုယွမ်ကျိုးကမူ ၎င်းတို့အမြင်ကိုဂရုမစိုက်ဘဲ အတန်းဖျက်ပြီး ယွမ်ယဲ့နှင့်အတူ အင်တာနက်ကဖေးတွင်ဂိမ်းဆော့နေခဲ့သည်။
အစပိုင်းကအထိ ယွမ်ယဲ့ကဂိမ်းကို စိတ်ဝင်စား၍ကစားနေခြင်းဖြစ်မည်ဟုထင်ခဲ့သော်လည်း ယွမ်ယဲ့ကပရိုဖက်ရှင်နယ်အဆင့်အထိကစားရန် ရည်ရွယ်ထားကြောင်း နောက်ပိုင်းမှသိလိုက်ရလေသည်။ ထိုသူအတန်းပျက်နေရခြင်းမှာလည်း အချိန်ပိုင်းဂိမ်းပြိုင်ပွဲလေးများတွင် ဝင်ပြိုင်နေသောကြောင့်ပင်။
"မဆိုးဘူး!"
ဖုယွမ်ကျိုးက ထိုသူကိုချီးကျုးခဲ့သည်။
"မင်းကအရမ်းတော်တယ်...ငါမင်းကိုကူညီမယ်..."
"တကယ်လား"
ယွမ်ယဲ့ကပြုံးလိုက်သည်။
"ငါ့စိတ်ကူးက ကလေးဆန်ပြီးရယ်စရာကောင်းတယ်လို့မထင်ဘူးလား..."
"ဘယ်သူကရယ်စရာကောင်းတယ်လို့ပြောတာလဲ...ငါသွားရိုက်ပေးမယ်..."
ယွမ်ယဲ့: "ငါ့အဖေပေါ့..."
"......"
ဖုယွမ်ကျိုးက ချက်ချင်းစကားလမ်းကြောင်းပြောင်းလိုက်သည်။
"ပြီးရင် ငါတို့ဘာစားကြမလဲ..."
ယွမ်ယဲ့က သူ့စကားကြောင့်ပျော်ရွှင်သွားခဲ့၏။
"မင်းစားချင်တာစားလေ.."
"မင်းကရယ်စရာမကောင်းပါဘူး...ကြောက်စရာပဲကောင်းတာ.."
ဖုယွမ်ကျိုးက စကားလမ်းကြောင်းကိုပြန်တည့်လိုက်လေ၏။
"ဒါကမင်းအိပ်မက်လေ...မင်းကအရမ်းလည်းကြိုးစားတယ်...အရည်အချင်းလည်းရှိတယ်..မဖြစ်နိုင်စရာမရှိဘူးလေ..."
"ငါမင်းပြောတာကိုမှတ်ထားလိုက်ပြီနော်..."
ယွမ်ယဲ့က ရယ်လေတော့သည်။
"မင်းငါ့ကိုမပြောရသေးဘူးနော်...မင်းမှာရောအိပ်မက်ရှိလား..."
"သိပ်မကြီးပါဘူး...ငါနောက်နှစ်နည်းနည်းလောက်ဆိုရင် ကမ္ဘာအနှံ့ခရီးသွားနိုင်မယ်လို့ စိတ်ကူးထားတယ်..."
ဖုယွမ်ကျိုးကပြောလိုက်လေသည်။
"ကောလိပ်ဝင်ခွင့်စာမေးပွဲပြီးရင် သွားဖို့စီစဥ်ထားတယ်..."
YOU ARE READING
အိုမီဂါအဖြစ် မွေးဖွားလာပြီးနောက် အားလုံးက ငါ့ကိုလိုချင်နေကြတယ်
FantasíaBL, Omegaverse story
