لعلك تهتدي؟!

رواية لعلها تعود-2-

#روايـة⇦ #لعلها_تعود !!

الحلقـــــــــ2ــة.

زهراء فتاة طائشة،تعيش حالة صراع بين عالمين، عالم أبويها التقي، وعالم صديقاتها الجميلات المزينات، اللواتي تأتيهن أجمل الفرص مع أجمل الشباب كانت زهراء تسمع من الفتيات عندما يلقّبنها بالمعقّدة المعتوهة، ذات الرداء الأسود الوحيدة للأسف، ولضعف ثقتها بنفسها كانت تصدق كل هذه الأمور الخاطئة..

في إحدى الأيام اقتربت زهراء من جانب والدها وهو يقوم بإنهاء صلاته..

بابا بابا.. تقبل الله

هلا أهلا يا عيون البابا منا ومنكم صالح الأعمال.. صليتي يا بنتي؟

ايه اكيد صليت

تقبل الله يا بنتي بس يا ريت منخفف من هالسرعة بالصلاة لإنو ما حدا عم يتسابق معك والصلاة بدها خشوع يا روحي ما هيك؟!

منا ومنك ايه ايه ..امم بدي خبرك شي.

تفضلي حبيبتي

بابا انت معوّدني عالصراحة وانا بدي صارحك بشي

اكيد يا بابا الصراحة اهم شي تفضلي..

أنا قررت امم انا قررت....

#ايه؟

أنا قررت اشلح العباية !!

زهراء، انا سميتك ع إسم السيدة فاطمة الزهراء، لتكون مثال الك وقدوة، وانا ما جبرتك ع العباية ابدا، بالعكس انتي اللي حبيتيها ومن صغرك بتقولي لما اكبر بدي البس متل الماما، شو في هلأ!!

انو كنت صغيرة الزهراء ع راسي من فوق، بس انو انتوا لو ما بتضلوا تحكوا عن العباية واهل البيت والمجالس ما كنت لح اطلب البسا يعني هيدا من وراكن..

لا إله إلا الله.. هيدا اللي كنت خايف منو لح امشي معك للآخر شو عبالك تلبسي يا حلوة من هالشرعيات اللي عم تطلع عالموضة وبتزين البنت اكتر من التياب العادية وبتخلي بنتي الحلوة تغضب ربها سبحانه..!

لا يي شو شرعيات ما بدي البس طويل..

#-المعنى: ؟

بدي البس مثل ريان رفيقتي،شفت شو حلوين تيابا كنزة وبنطلون وفساتين حلوين وبعدني صغيرة بدي عيش ما عم تعطوني حريتي كلن بيئولي عني ختيارة وام الأسود بدي البس صنادل و حط مكياج خفيف بوعدك ما بكتّر والله ئرفت ضل لابسة اشرب اسود وعباية سودا وكلو اسود لك حتا كلساتي ممنوع يكونوا شفافين.. افتتتتت

قولي أعوذ بالله من شر الشيطان الرجيم وتعي لحضني يلا..

أعوذ بالله من شر الشيطان الرجيم بسم الله الرحمن الرحيم ،تفضل يا بابا..

سميتك زهراء أجمل إسم لتحفظي الوصية سميتك ع اسم زوجة الكرار ابو الحسنين بنت الأطهار زينة الكون محمد صلى الله عليه وآله، اللهم صل على محمد وال محمد.

يا بيي الدنيا غدارة كل الناس مكارة كلوا بدوا يغضب ربه ونسيوا انوا النمرود بحشرة قتلوا ربه يا بنتي يا نور عيوني ربيتك بدمع عيوني انا وامك هيدي الحاجة شو تعبنا وياما دعينا لتكبري وتتعلمي وتصيري عالنهج مدلله.. لو سمعت امك بهيدي الأخبار لصابتها الحرقة بألبها متل النار انتي بعيوني بهالستر أجمل بنت مهذبة ومرباية عالغالي بالقرآن لسانك شو حلو بالدعاء عيونك لما بتخشع مغلاها لما بتركعي بثوب الصلاة الأبيض مثل العروس طاهرة نقية شو بستحليكي بهالعباية يا بابا مستورة وكل شي فيكي مثل الجوهرة مخبا ما بشوفك الا اللي لح يجي يقدر هالغلا من بين ثعالب مدرستك وهالدني انتي النادرة وكل الجمال ريحانتي بعمري بفديكي ولا بخلي اللي سميتك ع اسمها بيوم عيونها تدمع بكفيها مصابها ومصاب ولادها النجباء يا بيي بكفي غربة المهدي حبيب قلوبنا كيف الك عين تدعيلوا بالفرج ومن تمك كل هالحكيات طلعوا كيف!! (تضم الصغيرة والدها بكل لهفة) معك حق يا ربي سامحني عنجد معك حق بس كيف بدي اتجنب حكين يا بابا كيف؟

يا بنتي هالدنيا فيها الصالح والطالح ولازم يكون عندك محبة لنفسك وعبايتك وعملك بالأول الوردة القوية لو كيف ما دارت فيها الريح ما بتنقطف بس السهلة لو لكشناها لكش دغري بتوقع انتي لازم تأثري عليهن مش هنا روحي حضري مجالس ومحاضرات تفقهي بدل القعدة تأثري بالسيدة البتول بالسيدة مريم بالسيدة آسيا بالسيدة خديجة بالسيدة نرجس صلوات ربي عليهن مش كل ما حدا قال كلمة دغري يغب ع البك كوني زينب عطول بقولها وح ضل عيدها كوني زينب يا بنتي يا زهراء...

عادت الأم من منزل الجارة فقد كانت تعتني بها إثر مرضها وغياب أحد يرعاها فوجدت زوجها منكسر الخاطر يقوم بالصلاة على محمد وآله وكأنه يشكوا لربه أمرا اقتربت منه وعلمت بكل ما جرى ولكنه كان قد تفاجأ من الحاجة بأن ما جرى بينه وبين زهراء كان يحدث كل يوم بين الأم وابنتها وكل يوم نفس القصة لكن الحاجة خوفا على مشاعر الأب الحنون والحساس على ابنته الصغيرة لم تقم بإخباره البتة لعلها تجد حلا لهذه القصة التي أتعبت قلبها..

اتفقا على تغيير رقم زهراء وهاتفها والمدرسة أيضا ومنع ريان و أسينات من القدوم إلى زيارة ابنتهم وعلى تعقبها دائما خوفا عليها وعلما بمصلحتها.

.

.

#كانت_زهراء_تشعر_بـالمـلل !!

#إنتظـرونا ....................

-------------------------------

اعتذر على عدم تنزيلها سانهيها اليوم