#وحي القوافي.
اني اعوفك ياعلي بس بشروط
الكه واحد مثلك الينخا مجاب
كون نايم ليله بفراش الرسول
وكون قاتل مرحب وشالعله باب
وكون من مات النبي ومابيعوه
مايجر اسلاحه ويسوي انقلاب
وكون من ايصير امير المؤمنين
مو براتب يشتغل بس للثواب
وكون شاغل كرسي مو مشغول بيه
مو مخلينه فقط يملي النصاب
ياعلي شتستاهد الكالك بديل
يكدر ايرد الشمس وقت الغياب
انته سر القوى عند المسلمين
بغيرك انظل اعزل ابين الذياب
ياترف لمن تجي اكبال الضعيف
عكس سيفك من يمر فوك الركَاب
الله من انطه اليحبونك جنان
لازم انطه المايحبونك عذاب
انته محد صورك تطعم يتيم
ولاجرايد نشرتك تجسي الثياب
منو اليعرف بيك من تنطي الفقير
الله يدري وجفك ويدري النكَاب
البيه اتراب وظال وماجايسته ايد
يعني محد رايده وبي شي يعاب
وانته يابو اتراب عكس الفكره هاي
سر محبتك يكمن بهذ التراب
منو مثلك حتى رأيك عنده عين
وجانو ايلقبونها بعين الصواب
الحاربك ماقاري صفحه من الكتاب
وجا اسوالك اذا قاري الكتاب
انته بالمحراب من تهوى وتطيح
باجر اترد توكف بيوم الحساب
وما نتيهك واضحه اوصاف اكيد
زايرينك وانعرف لون القباب
وحتى اذا تيهنه هم نسأل عليك
ماكو غير حيدر وصاحب مصاب
من عمالقة الشعر:
⇜ايهاب المالكي .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
لعلك تهتدي؟!
Randomالسلام عليكم ورحمه الله بركاته قال تعالى ((و وجدك ضالاً فهدى)) شعارنا ||لتوعيه الشباب و نصره العفاف|| ستجدون كل ما ينفعكم #منقول من القوقل بلاس
