ZAHIRAH

02

A hankali ya shigo cikin gidan hannunsa yasa cikin aljihunsa ya zaro wayarsa daketa ruri tun shigowarsa, kan ya karasa wayar ta katse hakan yasashi kasheta da sakawa cikin aljihunsa sannan ya karaso cikin gida.

M

UBARAK AMEEN AHMAD(Ya Mubarak)

Ganin Ummu a kan kujerar mata ta zabga uban tagumi yasa shi saurin karasowa inda take, har kasa ya duka
"Ummu" ya fada cikin sanyin murya, da sauri ta dago tana kirkiro murmushi
"Mubarak yaushe ka shigo? "
"yanzu na shigo Ummu, kin manta har kin amsa min sallamarta"
"ohh hakane fa" ta fada tana yar dariya "kasan jikin tsufa"
Shima dariya yayi mai sauti
"Ummu ina Zahirah?" sautin kukan daya jiyo a hankali daga daki yasashi dagowa da sauri
"me aka mata take kuka? Ko bata da lafiya ne? " ya jefowa Ummu tambayoyin a tare, kasa magana Ummu tayi ta nuna masa ďaki, da hanzari ya yaye labulen dakin tana zaune a kusuwarar daki
Kanta ya tsaya na tsahon sakwani kana yace
" kukan me kike Kanwata? "
Ta dago jajayen idanuwanta batare da sanin sahihiyar amsar da zata bashi ba,
"kefa nake sauraro, inajinki"
Haďiye yawun bakinta tayi cikin dauriya tace
"Ya Mubarak bansan me zan ce maka ba, bansan da wani idan zan kalleka ba ince maka.... " ta fashe da kuka
"meya faru? Kiyi min magana dan Allah"
"Ya Mubarak result dinmu ya fito"
"eh inaji meya faru kuma"
"na fadi sun koreni saboda piont dina be kai ba"
"Ya salam" ya fada yana dafe kansa,
"Kuma shine kike wannan kukan?"
Dif hawayen da suka taru a idanuwanta suka tsaya cak! Take da dago tana kallanshi sosaii tayi mamakin kalaman nasa Bata taba koda da wasa kawo ze iya fadam kalaman ba
" duk abinda kika ga ya faru da mutum k'addararsa kenan, Allah ya riga ya rubuta bashine mafi alheri a gareki ba, ki manta da wannan da duk wata damuwa kikuma yimin alkwarin bazaki sake zubda hawayenki akan maganar ba in sha Allah zanyi fafutuka in sama miki wani admission din, amma fa har sai kin cire komai a ranki, kinyi min alkwari?"
Hawaye fal a idanunta tayi murmushi tana share hawayenta da gefen hannunta
" eh nayi maka alkwari i promise Ya Mubarak nagode nagode"
Shhhhh bana hanaki gode min banaso fa .
Ummu dake tsakar gida ta shigo dan duk abinda ya faru taji, dafa kafadar Zahirah tayi, tana kallan Mubarak tace
"Abunda nake ta faďa mata kenan, nagodewa Allah daya kawoka har kayi amfani da kalmanka masu taushi wajen nusantar da ita, karki sa komai a ranki kinji? Taso muje kici abinci.

"mubarak kaima abincinka na nan na aje maka yau danwake nayi mutuminka"
Murmushi yayi
"ummu a aje min sai na dawo yanzu ma fita zanyi ganin hadari ya hanani amma tunda yanzu ya washe zanje, sai na dawo"
"to shikenan ya jikin Mama kuwa?
"da sauki Alhamdulilah yau har girki ma tayi"
"masha Allah da daddare ma shiga mu dubata, sai ka dawo Allah ya kiyaye.
"ameen Ummu nagode" ya faďa yana murmushi.

********

Bayan Zahirah taci abinci salla tayi tana jero addu'oi bayan ta idar a kan sallaya ta zauna tana tunane-tunane kala kala ta tuno irin karatun datayi ta tuno kwanan da take tana karatu da irin wahalhalun datasha a yayin da take karatun medicine din, yanzu shikenan nan duk ya tashi a banza? Sirarran hawaye ne suka ziraro mata da sauri tasa hannunta ta share , ta kuduri niyyar cire komai a ranta, ta dauki duk maganganun da su Ummu suka fada mata. Abu ďaya ne ke damunta, wanda har yanzu take ganin kamar ya wuce misali, meyasa bata cimma burukanta ta hanya mai sauki ? Rayuwarta ta tuno lokacin shigarta makaranta, take fuskantar kalubale kala-kala, shigowarta SS ma tun a qualify ta fadi kasancewar makarantar gwammati tayi, tanaji tana gani duk mates dinta gwamnati ta biya musu kudin waec amma ita banda ita da kyar Ummu tai cuku-cuku ta biya mata kasancewar a lokacin Ya Mubarak shima student ne be soma aiki ba, Waec dinta ta farko data fito bata ci ba kuma bawai bata da kokari ba kowa sheda ne akan kokarinta, kowa yayi mamaki domin dayawa dga cikin yan ajin nasu itace ke basu answer sai gashi su duk sunci da credits me kyau sun barta da credit biyu islamic da Biology, tayi kuka kamar ranta ze fita kwarin gwiwar da su Ummu ke ba tane ya taka rawa sosaii wajen ganin ta manta komai.