It Had To Be You [CBS#1]

P r o l o g u e

🌾

She's fierce and savage. She's mean and rude. Ruthless. Rough. She loves cutting me off. She's fond of rolling her eyes at me. Being like that, she always catches my attention.

Siya yung tipong halos walang pakialam sa taong masasaktan niya. Although her attitude is a little problematic, I commend her diligence in academics. Hindi siya rebelde. In fact, she's formal. Palagi siyang kasali sa honor list. Matalino, maganda, talentado, at...

Maarte. Laking Amerika. Mapili sa lalaki.

Hindi agarang na-i-impress. Kailangan pang pag-aralan nang mabuti kung paano siya maaapektuhan. Palagi ko silang naririnig ng pinsan kong babaing ayaw niya raw sa clingy—yung mahilig tumawag, mag-text, at makipagkita madalas sa kanya. Her preferences are all childish. What do I expect from a young girl like her?

"Oh my gosh, Blaise. You turned Aaron down? Five months na 'yong nagpaparamdam sa'yo, ah!" dinig ko ang paghisteriya ni Ame, pinsan kong babae, pagkapasok ko pa lang sa kusina.

"Oo nga, sayang, crush ko pa naman ang Kuya n'on. Hindi na 'ko makakabisita sa kanila, girl!" dagdag pa ni Hope, bakas na bakas sa tono ang panghihinayang.

They're always like this—talking about their boy toys for God knows how long. Kung hindi tungkol sa mga natitipuhan nila, tungkol naman sa mga na-basted nila. Hindi yata nauumay ang mga 'to. Puro lalaki lang ang laman ng usapan. Hinahaluan pa ng impit na tili kapag mapag-usapang may tipak sa tiyan.

Why are they so obsessed with these eight-pack abs? Kapag ba lumulobo ang tiyan ng lalaki, nakapropesiya nang mabigo? Kapag malaki ang pisngi, 'yong parang may unlimited rice sa bibig, malas na kaagad sa sinasabi nilang buhay-pag-ibig?

Wala naman akong ipinaglalaban dito. Hindi ako mataba, hindi rin lumulobo ang pisngi. Usapang totoo lang, macho ako. I'm an athlete, so I train often. Tumutlong din ako sa aming plantasyon at rancho kaya maganda ang katawan ko. Those are just my random thoughts. Lalo't mga gan'on palagi ang madalas kong marinig kina Ame.

"Hindi ko naman sinabing ligawan niya 'ko. Binibilhan niya 'ko ng chocolates, alang naman tanggihan ko?"

Uminit kaagad ang ulo ko sa narinig ngunit gusto ko pang makakuha ng detalye kaya naman sinadya ko talagang tagalan ang pagkuha ng maiinom sa ref. Ang babata pa nila para pag-usapan ang mga bagay na 'to, tss!

Hindi naman sa nagmamalinis ako. Grade five ako nang magkaroon ako ng girlfriend, mas matanda pa nga sa'kin ng isang taon. Nagsimula kaming mag-usap-usap ng mga pinsan ko tungkol sa babae n'ong grade two ako. Nasa ikalimang baitang ako nang nakahawak ako ng boobs. Aksidente lang naman 'yon pero ginawan ng issue ng mga pinsan ko. Nakarating pa kina Lola dahilan para isang linggo akong hindi palabasin ng bahay.

Ang sabi'y makakabuntis daw agad ako nang maaga kaya naman pansamantala muna silang nagbayad ng tutor para sa'kin. Hindi na ako umapela pa dahil ayokong humaba pa ang sermunan.

"Exactly! Dapat hindi mo tinatanggap kasi parang binibigyan mo na rin siya ng motibo n'on. Besides, he's really a hottie! Sayang naman! Basketball player pa! O, 'di ba? Tiba-tiba, girl!" si Ame 'yan. Kaya naman agaran kong binigyan ng tinging nagbabanta.

Where did she learn those words? Isumbong ko 'to kay Gaston, eh. Tss.

"What's with your stares, Eadselle? Magsusumbong ka kina Kuya Alvis hanggang sa makarating kay Kuya Gaston? Totoo naman, ah! Why don't you give us a piece of advice instead? Para matuto naman kami!" aniya at humagikhik pa.

Advice? Tss. D'on sila kay Kuya Monssor o kay Perrie. Kung manghihingi sila ng payo tungkol sa pag-ibig, mali sila ng nilapitan. I was never been in serious relationships. Fling-fling lang. Temporary. Milagro pa kung magtagal ng tatlong araw. So definitely, I'm an amateur of serious commitments, too. Kaso ayoko yatang subukan. Nakakatakot. Nakikita ko pa lang ang pinagdadaanan ni Kuya Monssor, umaatras na ako.