شقة مشبوهة

شقة مشبوهة 37

#شقة_مشبوهة37
بقلم ... شيماء عثمان
🔞

حاتم ... أنا قدري اكون مرسال ..
دمعتو نزلت ماقدر يحبسها ... إلتفت للجهة التانية و قال ليها عن أذنك ...

تمت ليلة الزفاف كأنها من ألف ليلة و ليلة ... شهدت على ولادة حلم جديد ..

بعد العرس بفترة بسيطة اياد وغزل سافرو كندا استقرو هناك .....

بعد العرس بشهور .....

في يوم سماح تلفونها ضرب والاتصال كان من حاتم ... ردت عليه و المكالمة استمرت لساعات واتواصلت المكالمات لمدة طويلة لحد ما جا يوم ... حاتم اعترف ليها بحبو ليها ..... في البداية ما اتقبلت الفكرة لكن بعد اصرار منو وافقت .... جا السودان عملو العرس و ساقها معاو الامارات ....
لكن مره كانو معزومين حفلة ... شافت واحد شكلو ماغريب عليها ... لابس ملابس مبهدلة شعرو مامرتب .. سكران حالتو مزرية و مخجله ... بتصرف تصرفات ماطبيعية وبشاغل البنات بألفاظ مامحترمة ... الناس أتضايقو منو وطردوه هو مارضى قام يكورك وافتعل مشكلة ... ضربوه واتصلو على الشرطة اخدوه ....
سماح سألت حاتم هو منو دا و عامل في نفسو كده ليه قال ليها دا اسمو خالد كان موظف في شركة محترمة و وضعو كويس ضيع نفسو شراب و مخدرات وبنات فصلوه من الشغل و حالتو اتدهورت وضعو وصل الحضيض وبقى زي ماشايفة واحد مشرد متتطفل حفلات صديقو المقرب قزازة الشراب ....
سكتت وفي نفسها قالت .... سبحان الله غزل كانت متأكدة نهايتو حتكون كده ...

في كندا ....
غزل و اياد عايشين مبسوطين هي خلصت دراستها وبتحضر الماجستير وهو شغال تبع الخطوط الجوية الكندية ... أخدو الجنسية و اشترو بيت صغير ..
في يوم ضربت ليها رهام ...
رهام : كالعادة أنا بسأل منك ... أنتي طوالي ناسياني
غزل : ابدا والله ... الايام دي تعبانة شديد لاني دخلت الشهور الاخيرة من الحمل وعندي مشكلة ضغط مرتفع حيرني وحير الدكاترة ..... انتي كيف
رهام : سلامتك .... انا تمام من رجعت من الحج عاهدت ربنا أنها تكون توبة نصوحة واني اقضي حياتي أكفر عن ذنوبي يمكن ربنا يغفر لي ... خليت الدنيا و قررت أوهب حياتي للاطفال المساكين الماعندهم ذنب .... جو للدنيا موصومين بعار الخطيئة في لحظة شيطان زينها للأهلهم ... عاشو اللحظة وببساطة اتخلصو منهم عشان ينسو ويقدرو يكررو الغلط بدون تأنيب ضمير ... و لأننا أحنا السبب في أوجاعهم و أحنا المسؤولين عن كل دمعة وجع تنزل منهم لمايسمعو كلمة لقيط أو ولد حرام كأنو كان بيدهم الاختيار ... حاليا شغالة في دار المايقوما أرعى الاطفال مجهولين الابوين لأنو من واجبنا ومن حقهم يعيشو ... ما أحنا سلبنا منهم الحياة قبل مايجو فيها ..
غزل : أحسن حاجة عملتيها تتذكري زمان لما قلت ليك لسا مافات الاوان وممكن تتغيري ...مبسوطة منك بالتوفيق
رهام : دقيقة لازم تسمعي الاخبار دي ... بالنسبة لاسماء .. الصور والفديوهات وصلت لاخوها لكن الشافهم ولد عمها مسحهم و مشى الخرطوم جابها من شعرها واتزوجها بس عشان عمو مايتفضح قال ليها اتزوجتك اغسل عار الاسرة وبعاملها اسوء معاملة وذلة مابعدها ذلة .
اما ميساء ... عبير .... وهبه كانو في رحلة مع شلتهم الفاسدة والوضع كان قمة الانحطاط وهم راجعين بالليل سكرانين و ماخدين كمية من الخرشات ... العربية دخلت في شاحنة كبيرة ماتو كلهم .. الحادث كان فضيع لدرجة ماقدرو يتعرفو على الجثث .
كيمو ... واصحابو المروجين اختلفو ... اتقفو عليه عملو ليو كمين وهو بوزع المخدرات دخل السجن واتحكم مؤبد
لكن سميرة راجلها جا يوم من السفر فجأة لقاها في السرير مع راجل غريب ... راجلها اتجنن جاب سكين قتلهم الاتنين
اما بكري و سمر ... كانو مقضينها سهرات وسفر كل يومين في مكان ماخلو دبي .. مصر ... نجيريا وأسمره لحد مافي يوم كانو عاملين حفلة غير .... زي الليالي الملعونة حقة شقة الجحيم .... تعب شديد واخدوه المستشفى هناك اتضح انو عندو آيدز ... سمر خافت مشتت حللت لقت نفسها مصابه بالمرض كمان .