#شقة_مشبوهة25
بقلم ... شيماء عثمان
🔞
نسافر من البلد دي للابد ...
اياد : للابد كيف مافهمتك
غزل : هنا انا مخنوقه ... حاسه بروحي في سجن ... ناس الجامعه قالو ان درجاتي ممتازة وبستحق منحة اوكرانيا ... ومن ساعتها و بحلم بيوم السفر
اياد : مستعد اعمل ليك اي حاجه الا موضوع السفر صعب شديد
غزل : وانا مابقدر اقعد هنا واضيع فرصة زي دي اقدر احسن وضعي واحضر الماجستير
اياد : كمان انا مابقدر اسافر
غزل : ليه
اياد: حاجات صعب اشرحها
غزل : رجعنا للالغاز ... كيف اثق فيك و انت مابتثق فيني
اياد : حبيبتي ارجوك ماتصعبيها علي .. كلمتك عندي ظروف
غزل : اي ظروف دي تخلي الواحد يستسلم ليها و يدمر حياتو بيدو .. يقعد يتفرج عليها تنهار .... كلنا عندنا ظروف انا عندي ظروف و ظروف محرجه كمان
اياد : انتي مازيي لكن
غزل : اكيد انا مازيك ولا عمري حكون زيك انا بناضل و مابستسلم بسهوله ولا بتنازل ابدا عن حاجه عايزاها لما تقابلني حفرة مابقيف مكاني واخاف اقفز عشان ما اقع فيها كمان مابرجع ورا إلا عشان ازيد سرعتي و اقفز قفزة عالية توصلني لمرادي ... استاذة اقبال علمتني كده الظروف حجه الجبان و انا ماجبانه عرفت كيف مستحيل اكون زيك ... عايزة انوم تصبح على خير ...
عدا يومين و مابتكلمو مع بعض .....
في جانب تاني ..... في شقة بكري ...
بكري قاعد مع سمر .... مولعه سيجارتها و بتعاين ليه ... ماسك كأسو وسرحان ..
سمر : وصلت وين
بكري : سرحت شويه
سمر : لما ماعندك مزاج اتصلت علي ليه
بكري : عشانك نشتري المزاج شراء
سمر : طيب المشكله وين
بكري : في موضوع في راسي ظبطيه و عمولتك حاضره
سمر : عيوني ليك ... احكي
بكري : يومتا شفت واحدة مع مدام ناني دخلت المزاج بس ناني عملت حركات .. شكلها من البنات البتسفرهم دبي و مستخسراها فيني
سمر : قصدك منو
بكري : بت حلوة عيونها عسليه و عندها شامه فوق شفايفها
سمر بخلعه .... قصدك غزل ! ... شفتها وين يابعيد
بكري : مالك .... شفتهم في مطعم
سمر : دي بت اختها و ناني مامشغلاها معانا .... قالت عايزاها تطلع دكتورو
بكري : يعني البت ماليها في الجو حقنا
سمر : واحدة هبلة ... انساها عامله شريفه و حالنا ماعاجبها
بكري : من كلامك البت على الزيرو
سمر : على الزيرو شديد ... قلت ليك انساها تتعب راسك ليه ... بعدين اياد جاري وراها عامل بحبها
بكري : اياد الطيب اخو عماد ولا واحد تاني
سمر : هو زاتو
بكري : لا لا الموضوع سخن خالص .... عايزها بأي تمن
سمر : لو عايز اجيب ليك بنات احلى منها ... هي مابتاعه شغل
بكري : مافي بت ماعندها مدخل انتي بس شوفي مويتها شنو ... وانا مستعد ادفع من مليون لميه مليون و عمولتك نص المبلغ ...قلتي شنو
سمر : دي عايزة ليها قول ... اصلا من زمان بحفر ليها و كل مرة تنفذ من يدي
بكري : المرة دي مابتنفذ ..... هسي دورك ياعسل محتاجك تظبطي لينا القعدة
سمر : جدا والليلة معاك للصباح ...... وقعدو يضحكو
أنت تقرأ
شقة مشبوهة
Roman d'amourالظروف ...... الشماعة الأزلية للمخطئين ... كل البشر عندهم ظروفهم الخاصه .... أصلا الظروف أتوجدت كأمتحان ... يبقى الخيار في يدك ... أما تخليها تقودك وتستسلم لمسار التيار المجهول ، هو ممكن يوصلك بر الأمان و ممكن كمان ينزلك للدرك الأخير . و أما تستلم...
