2019. .. بلكي نگول علۍ عين هاي السنة الله كاتبلنه فرحة وبشارة .
بدينة 2018 بالاحزان واكثر اللي داالتقيهم يكولون سنة 2018 السنة الاكثر اذيّة علينـا
اللي احب أگوله : قبل متقرا الرسالة شوف الساعة بيش هسه ؟
من هالدقيقة ومن هاللحظة اللي دتقرون بيها الرسالة خلي نقرر انو نبدي نتخلص من كلشي متعلق ب2018 كل آلامها واحزانها .. اللي صار بشهر الواحد راح وي شهر الواحد واللي صار بشهر الثالث راح وي الثالث خلي ننسى مشاكل البارحة ونعيش اليوم بكل حذافيره ونفكر باجر شنو نسوي .. خلي نخلي ببالنا شي انو كل يوم يمر ميتكرر وكل دقيقة نقضيها متجي مرة ثانية لذلك خلي نفعّل بداخلنا ميزة التدارك يعني النسيان.. يعني اللي صار البارحه مينذكر اليوم! خلاص هو شي صار وانتهۍ بمكان منبقۍ نفكر ليش صار هيج ليش سويت هيج ليش ماسويت هيج خلي نكول خلاص هاهيه الحمدلله قدر الله وماشاء فعل ماكو اشكال ماخلصت الدنيا! الله انطانه كل مقومات السعادة انطانه دين وكال الدين والايمان لذّة .. انطانه عقل وكال العقل زينة المرء وانطانة قلب وزرعلنا الحب بالفطره وكال الحب يكدر يوصل بي االانسان لارقى المراحل واكو شي اسمه عبادات واكو شي اسمة صلاة وقرب وطااعة ومحبة ومحبوب! كل ذني مقومات تخلي الانسان يوصل بقلبه للسماء💙
هالـ كم يوم خلي نسوي فرمته لنفسنه ونتخلص من كل عائدة سيئة ونغيّر كلشي
نغيّر حتۍ ترتيب الملابس وحتى سجادة الصلاة وحتى اسم المنبّه وحتى خلفية الشاشة!
ونصير شخص ثاني يختلف عن اللي جان ب2018
ونشرق للدنيا من جديد .💓💓
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
