فــآئدٍةّ💎(الجزء الثاني)

#العقائد..

موضوعنا اليوم حيكون ( القضاء والقدر)
موضوع لطيف ومُفيد وممكن يجاوب ع هواي اسئلة تدور ببالكم .. ❤️

وطبعا مثل ماكلت المرة السابقة
الشي اللي راح اكوله شي عام .. هواي اكو امور ممكن مراح تنذكر بسبب تفرعات الموضوع بس اني راح انطيكم نظرة شاملة وشي عام عن هذا الموضوع ليس الّا .💚

#العقائد

طبعا موضوع القضاء والقدر مرتبط بموضوع العدل الالهي .. واللي شرحناه سابقا، يعني اللي قرا المحاضرة السابقة عن العدل الالهي راح يربط ويانه اكثر ويتفاعل ويانه اكثر ...

شلون القضاء والقدر مرتبط بالعدل الالهي؟ واصلا هو شنو القضاء؟ وشنو القدر ؟ زين اذا القضاء مكتوب والقدر مكتوب اني راح اصير آلة تنفيذ فقط ف ليش اتحاسب ع اعمالي؟ زين اني مسيّر لو مخيّر؟ اذا مسيّر ليش الله يعاقبني ع اعمالي لعد وهو كلشي بيده؟

كل هالشي حنجاوبه ان شاء الله❤️

القضاء والقدر ك تعريف .. نكدر نكول هاي أحد التعاريف لان هواي اكو تعاريف للقضاء والقدر

القدر من المقدار والمقدار بمعنى تقدير الشيء أي مقياسه

اما القضاء فهو احكام الامر واتقانه وانفاذه وقد قيل هو بمعنى التمام 
والفراغ من الشيء

ادري مافهمتوا ..هسه حفهمكم..

يعني اني مثلا قررت اشتري موبايل
بديت اسال عن نوعية الجهاز ، عن سعره ، بديت اجمع فلوسه ، كدرت اوفر كل الظروف ..بالاخير رحت اشتريته

سؤالي عن نوعية الجهاز ..عن سعره .. من بديت اجمع فلوسه ذني كلهن قدر ...او تقدير

من رحت اشتريته ..هذا القضاء

مثال ثاني

اني طالبة سادس وردت معدل ..
بديت اقرا وادخل خصوصي وامتحن واشتري ملازم علمود شنو؟ علمود انجح واطلع معدل

كلشي سويته هو قدر ..
المعدل هو القضاء ..

يعني نكدر نكول القدر تمهيد للقضاء ..
او خطوات القضاء ..
يعني القدر هو مرحلة تدريجية اما القضاء هو الشي النهائي

زين .. اذا الله هو اللي يكتب القدر
وهو اللي يكتب القضاء
لعد وين عدله بالموضوع؟

يعني اذا الله هو كتب لشارب الخمر يشرب خمر.. وين العدل من يعاقبه ع هالفعل؟خو هو يكدر يخلي ميشرب وبعد ميحاسبه !

اذا الله هو اللي سمح لفلان مطرب ان يغني ، ليش يعاقبه بعدين؟ يكدر اقل شي يخرس صوته وكلشي ينتهي!

زين نجاوب ع هالسؤال
الله ليش بعث الانبياء والائمة والمُصلحين؟
( وكذلك بعثنا فيهم رسولا يعلمهم الكتاب والحكمة )