فــآئدٍةّ💎(الجزء الثاني)

حوارات_شبابية ( ٢ ) 💖

لتظن بيوم من الايام ان الله ظلمك ، كل شي ديصير وياك بالحسبان ، حيجي يوم وتشكر الله ع كلشي

اني اللي دااحجي وياك تدري شنو جان طموحي؟ جان طموحي طب واختصاص اطفال ،  لان اني اعشق الاطفال الصغار وبالخصوص البنات الصغار
راسمة حلمي من اول يوم دخلت بي للابتدائية ، وبديت احسب الخطوات من اول مرة اخذت بي املاء وجبت ١٠
ادرس والطب يمشي بدمي ، الابتدائية كلها خلصتها أولى ، وحتى المتوسطة ، بس بالثالث متوسط كلشي انقلب وراح الحلم والطب والاطفال💔
بقت بس لعابتي هي طفلتي .. تعرف شنو يعني تشوف حلمك يتحطم وانت مخلي ايد ع ايد وتباوعله؟
وراح الطموح والطب ورحت ادبي
وتفوقت بالرابع وبالخامس وبالسادس معدلي ٩٣
وبديت اخطط لغير حلم  ، وقررت اصير طبيبة لكل روح اشوفها مو الا اصير طبيبة لكل جسد اشوفه ..
طب الجسد يجي بشهادة من الاساتذة بس طب الروح يجي بشهادة من رب الاساتذة

طب الجسد ينطي كبسولة
بس طب الروح ينطي سجدة

والحمدلله ، قدر الله وماشاء فعل
الله ينطينا الاحسن دائما
الله ينطينا الافضل دائما
كل العثرات الصارت بالطريق جان تريد تكول النه لو مااني موجودة جان وصلتوا بالوقت اللي صار بي حادث بذاك المكان ورحتوا بالحادث

كل الصعوبات الصارت بالطريق جان تريد تكول النه لو مااني ما جان صرت هسه انت ،القوي ،الصبور ، الشجاع ..

الراح ميرجع ، وكدامك خيارين
لو تتفوق
لو تتفوق💙