فــآئدٍةّ💎(الجزء الثاني)

فرص الجهاد

منقول للفائدة
اني من الناس الي كلش جنت اتململ من شغل البيت و الطبخ ودائما اشكي من قلة الوقت حته واني معطله وماعندي دوام .. بيوم من الايام قريت سيرة شخص مؤمن من طلبة العلم هوه وزوجته وانهم جانو يتسابقون على شغل البيت حته يرضون صاحب الزمان وتذكرت بوقتها جدي من جان يكول جهاد البنت بالبيت اجره مثل جهاد الرجل بساحات القتال .. صرت اتسابق ويه امي عالطبخ و عالتنضيف بكل شي اسوي اكول صاحب الزمان راح يفرح وهالماعون و الكاع ووو من انضفها بيوم القيامه راح تشهدلي وتشفعلي واذا هذا جهادي فلازم يكون الجهاد ع اكمل وجه ومابي تقصير ... نفس الوقت علمود الحك ويه التسبيحات والصلوات اسويهن واني اشتغل علمود تصير عباده بعباده لان الشغل عباده و التسبيح عباده ،تدرون حته اهلي لاحضو الاكل صاير طيب هالفتره رغم نفس المكونات وماتغير شي، همه ميعرفون السبب بس اني دوم ابتسم واحس برضا لان الله ديتقبل هالعباده وتطلع اثارها بطعم الاكل ❤️ متدرون من تفكرون هيج شكد يفرح امامكم وخصوصا من بناته هيج يفكرن بي 🌸 مرات احس حيل اتعب اجي الضهر اريد ابدي ادرس ماحس بضهري ورجليه بس ارجع اكول لازم ادرس لان هاي عبادتي الثانيه وهديتي الي اقدمها للامام ولازم تكون الهديه تليق بي مو شلون مجان، صدكوني كلما اتعب واحس بس اريد ابجي اتذكر بانو كل الي اسوي مو علمود الناس ولا علمود نفسي وانما لرب العالمين ولهل سبب الله مستحيل يضيع هالتعب و الجهد وهذا الي يخليني اقوه ❤️🙏🏻 تدرون شكم شاب بشاب يتمنه فرصه الجهاد وممحصلها؟!! بس احنه البنات كدامنه كل يوم فرصة جهاد فخل نستغلها ونحصل هالاجر حته حياتنه تتغير ونصير بعين صاحب الزمان ورعايته