٢ العصمة
طبعا العصمة موضوعها وحد راح ناخذه
اكو عصمة كبرى او العصمة التكوينية واكو عصمة صغرى او التشريعية
راح ناخذها بموضوع وحدها ونبين شنو عصمة صغرى شنو كبرى شنو الفرق بينهن..
بس شي ع شي العصمة هي الامتناع عن الذنب!
دائما من احد يخطأ بيناتنه ونكله ليش خطأت ؟كبل يكول :قابل اني نبي؟
ف النبي لازم يكون معصوم!
زين ليش لازم يكون معصوم؟
زين هسه خلي نفرض ان النبي مومعصوم
كلنا نعرف ان النبي طاعته واجبه .. يعني اللي يسوي النبي لازم نسوي ونمشي عليه
مثلا بيوم من الايام كاعدين النبي محمد وسعد بن معاذ
كام النبي اخذ غيبة أحد
سعد بن معاذ انتبه ! كبل كال بينه وبين نفسه ان الغيبة حرام .. ف نبّه النبي ان الغيبة حرام
هنا راح يكون سعد بن معاذ أفضل من النبي لان هو اللي نهاه
زين احنه كلنا ان النبي لازم يكون افضل اهل زمانه
ف شلون يصير أفضل زمانه وياخذ غيبة ويخطأ؟ هذا شي مرفوض عقلا
زين نفرض ان النبي خطأ
سوه شي خطأ
هنا راح نحتار
نمشي ورا النبي واللي طاعته واجبة علينا . ونروح ورا الخطأ
لو نسكت ع الخطأ وناخذها حجة ونكول اذا هو النبي هيج احنه شعلينا بعد
وهذا شي هم مرفوض عقلا
مادام هو افضل اهل زمانه
وطاعته واجبه
والكل يتبعه
لازم ميخطأ
لذلك .. ومن حيث الوجوب العقلي ( اي واجب عقلا) ان يكون النبي معصوم عن الخطأ .
#يتبع
أنت تقرأ
فــآئدٍةّ💎(الجزء الثاني)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
