فــآئدٍةّ💎(الجزء الثاني)

لكِ

#١

سلام عليكم 💙 شلونكم؟ إن شاء الله بخير؟ طبعًا اليوم كلامي وي البنات ..يعني الولد يطبكون ع صفحة😁

حبيباتي بالنسبة لبنات الجامعة او اللي مُقبلة على جامعة .. طبعًا آني اول شي احجي وي نفسي قبل مااحجي وياكم  .. راح اسولفلكم اللي اني متخذته وماشية بي ممكن تحسبوها وجهة نظر ممكن ميعجبكم بس اني راح احجي وانتو بعد بكيفكم❤️

اول شي بالنسبة للبس
كلامي للي مالابسات عبايات ف اكلج قلبي انت مهما تلبسين وتسوين وتتأنقين لازم متنسين انو انت دتعكسين مذهبج ودينج وتربيتج بالجامعة .. يعني لبسج لتخلي الوان كلش برّاقة ..يعني مو احممممممر لو برتقالي لو ازررررررق بحيث عن بعد ١٠٠ متر أميزج .. لا خلي الوانج تكون بسيطة وهادئة ..واكيد بدون مااكلج مادامج مااختاريتي العباية ف حبيبتي لازم تطبقين شروط الحجاب ( لايصف ولايشف ويكون فضفاضا ) حتى بيوم من الايام من تكولين اني مالبست عباية بالجامعة تكدرين تكولين ..بس لبست لبس عريض .. اني اشوف بنات بالجامعة والله لبسهم كلش حلو ومستور يعني جبب عريضات وحجاب كبير حتى اناقة تصير .. اما اذا تكولين لا اني البس براحتي ومااتقيد بشروط ف بعد بكيفج ... انطينا حجابنا واخذي حريتج ❤️ وطبعا العباية مو واجبة ..بس افضل شي للبنية هي 💙

اما بالنسبة لامهات العبايات الله يكثرهن ويجزايهن خير💙

شوفي حبيبتي .. احنه امام هذا الكم الهائل من الفساااد اللي دااشوفه ودتشوفي منكدر نلبس حجابات سووود وننزلهن كلش ع العيون ونكعد بزواية ونكول لكم دينكم ولي دين .. اللي كال( لكم دينكم ولي دين ) هم كال ادعُ الى سبيل ربك بالحكمة والموعظة الحسنة .. ف احنه امام هاي المغريات اللي مجتاحة البنات ومسيطرة عليهن لازم احنه هم نظهرلهن جمال الدين وانو هو موتعقيد  .. عادي نسقي بالحجاب والجنطة وحتى بالحذاء بس الون هااادئة مو احمر واخضر.. لبسي حجابات زينة .. وجنط نازكة ..مو الا غاليات .. لاا ابد لتقيدين نفسج بالغالي ..المهم يكون مرتب ونازك  .. بس طبعا ياقلبي مو تلبسين شال اصفر وتوصلين الكسرة لوووويييييين وتنسقين وياهن جنطة وحذاء ..لا فدوة .. وازني بين المظهر الحَسن والمظهر الجذاب ..وطبعا اني مااشجع فكرة الكسرة مال الشال وي العباية ..يعني مادري ماارتاحلها

اني مداانتقص من اللي لابسين حجابات سود وجوراب اسود وحذاء اسود لاابد ..جزاهن الله الف خير ع هالستر والعفة ..بس اني دااحجي من باب انت بجامعة مليئة  بشابات بعيدات عن اللي انت قريبة منه .. ف لازم نظهرلهن جانب الاسلام  الانيق النازك .💙

يعني بين قوسين ( لبس مُشرعن)
تحت الشرع