فــآئدٍةّ💎(الجزء الثاني)

جدول للعبادة

لربما العمل القليل يريح ضميركم اكثر بالقبول خاصة انتم البنات اللي تدرسون لازم تسولكم جدول ضروري اقصد جدول للعبادة حتة ليكون كل  الوقت للدراسة الدنيوية ويقل التقرب  وحتة خشوع ماكو بسبب الابتعاد

حنطي خطة وعلة علة اثرهة كمل/ي البناء

وبأيام العطل لازم تتوسع دائرة العبادة اكثر

الجدول اللي تسووا مثلا :

1 - كل يوم تقرا صفحة من القران او اذا الوقت ضيق عندك/ج اقرا كم سورة من السور القصار اللي حافظيهن بطريق المدرسة او الجامعة وخلي بيدكم المسبحة وسوي صلوات حتة اذا بالروحة والرجعة يصير عدد الصلوات٤٠٠ فعدد كلش زين

2 - كل جمعة اقروا حديث الكساء وخلي جمعة ثانية لدعاء زمن الغيبة وجمعة لاخ لدعاء كميل وهكذا نوعوا  بس كتبوهن عندكم بدفتر 📖حتة يصيرلكم واهس

3 - مثلا بالاسبوع مرة  او مرتين قبل لترحون للدوام او بعد صلاة الصبح اقروا زيارة لاحد المعصومين او خصصوا كل يوم لامام تقرون زيارتة واذا ضاق عندكم الوقت زوروا بالسلام وسلموا علي مثلا
السلام على موسى بن جعفر ومحمد الجواد ورحمة الله وبركاته 🌹

4_  وحتى صلاة الليل باستطاعتكم تصلوهة بس الشفع والوتر او بس الوتر قبل لتنامونمتاخذ اي وقت

5_ وكل خميس مثلا تحطوا ثابت لزيارة عاشوراء
واللي تحبون تغيروا او تشيلوا براحتكم

بهذني النقاط البسيطات راح تسدون ثغرة الفراغ عندكم تجاه العبادة هذني اذا يومية سويتوا وحدة منهن متاخذ منكم 5 دقايق وبقية الوقت للدراسة اما بالعطلة عوضوا الجدول العبادي بكثرة الاعمال والاذكارات
نسالكم الدعاء ✉