كل وحده من عدنه تحلم بيوم زفافها وخطوبتها وتريد يكون احلى يوم بحياتها وتخطط وتفكر وتتخيل هواي امور ... هواي منكم يسالوني شلون تردين زفافج يصير ...
راح احجيلكم افكاري و اخليلكم التعليقات تكتبولي افكاركم انتو هم ❤️
اريد مهري يكون قران نقره بي سويه طول حياتنه و ايعال طفله يتيمه نكبرها على ايدنه ...
اتمنى عقد قراني يصير بحضرة الامام علي او بمسجد جمكران، البس الجادر الابيض ونكعد ثنينه جوا ونردد عهودنه لبعض كدام الامير حته ينطينه سعادة وحب مثل حب فاطمة وعلي🙏🏻
اتمنى بذاك الوقت صاحب الزمان يمر من عدنه ويبتسم حتلو ماراح نعرفه 💔
الفلوس الي يكون جايبها ويا ماريده يصرفها بالحفلات ولا بالعزايم اريده يجيب ايتام ويشتريلهم هدايه ويخليهم يحضرون عقد قرانه ويدعولنه ونشوف الفرحه على وجوهم،، كلش اعتبره شي جبير خصوصا بهيج يوم... الايتام اولى، احسن من الاسراف والاشياء الي ماراح تقدملنه شي روحي ...
بطاقات العرس اريدها مختلفه عن المعتاد، اريد رسائل خاصه تنذب باضرحة اهل البيت ندعوهم بيها لحضور زواجنه ويباركولنه،، ومتاكده راح نحصل منهم جواب وحضور❤️
لهل سبب ماريد اي شي ميرضيهم يكون موجود، اريد انطي رب العالمين اسعد ساعات حيـۧاتي لهل سبب اريد اشغل قران بدال الاغاني واحتفالات مواليد اهل البيت وغيرهن من الاناشيد الي تخلي القلب والروح يرتاحن ...
اريده يكون مؤمن عاشق لصاحب الزمان حته اضمن سعادتي ويا لانه اذا خاف صاحب الزمان بيه راح يعاملني مثل ماجان علي (ع) يعامل فاطمة 🙏🏻 اريده يكون يخاف ربه قبل كلشي وابد ميمنعني من الي اسوي واريده ودوم يكون يشجعني اوصل مراحل اعلى واعلى ...
اريده يكون انسان عاقل متفهم همه يوصل صوت ورساله ميعيش حياته هدر من دون معنى حته نكدر نربي اولاد على نفس نهجنه... طموحين واعين مثقفين يفكرون بامام زمانهم بكل صغيره وجبيرة ❤️
انتو شلون تردون يكون يومكم ؟؟
@Iqiq0
#منقول مما راق لي جدا 💙
أنت تقرأ
فــآئدٍةّ💎(الجزء الثاني)
قصص عامة💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
