فــآئدٍةّ💎(الجزء الثاني)

#العقائد..

#العقائد..

كل واحد لو يكعد بينه وبين نفسه اكيد راح يفكّر منو الله؟ سؤال ممكن ننسأل بيه من قِـبل أطفالنا ..  وممكن احنه نسأل نفسنا بي..

اي احد هسه أسأله منو الله راح يكول هو اللي خلقنا وهو اللي يرزقنا وهو اللي يشفينا ويعطينا و ..الخ خو صحيح كل هذا♥

او ممكن يكول لاااحرام ميصير تسال هيج الله هو الله وخلاص معليك بالتفاصيل ...
واجي واكله موحرام تسأل منو الله بس الحرام والعيب انك ما تسأل

انت من تروح للمطعم وتريد تاكل وتشوف فد اسم أكله غريب تكدر تطلبها بدون متعرف شنو محتوياتها؟ اكيد راح تسال شنو هاي وشنو مكوناتها .. زين هاي اكله كيف بـ الله؟

عقيدتنا في النظر والمعرفة
شنو يعني نظر شنو يعني معرفة

يعني اني داامشي وشفت كبالي شجرة ..راح اكول الله شكد حلوة .زين ممعقولة هاي الشجرة مالها فد مبدع.. وجب عليه انه افكر واتأمل بيها لان اني امتلك عقل ..يعني يجبرني انو افكر واتأمل الاشياء وإلا راح اتجرد من صفة العقل اللي ميزني الله بيها عن سائر المخلوقات الباقية ..

يعني مثل ماالله انطانه عقل وتفكير ف وجب علينا ان نتدبر بكل ماخلق
يعني مو عمياوي نمشي!  فلانه تلبس جواريب خفيفة لازم اني هم البس مثلها بدون تفكير ولاعقل !

فلان ميصلي اني هم ماصلي وحد عنه؟ زين انت من تكول هيج يعني مشيت ورا فلان وتجردت من صفة العقل اللي منحها الله الك وجردت نفسك حتى من التفكير وإلا جان فكرت ووصلت للحقيقة ..مادام واحد يصلي وواحد ميصلي اكيد واحد بيهم صح ف لازم افكر واستخدم عقلي واوصل للصح ...

داخل كل انسان من عدنه فطرة سليمة حتى الكافر هو فطرته سليمة
رب الخير ميخلق شر يخلق بس خير لان هو خير! بس تبقى عوامل اخرى تحرفنا عن الطريق كالمعاصي والذنوب و ..الخ

مثل ما قال رب العالمين ( سنريهم آياتنا في الآفاق وفي أنفسهم حتى يتبين لهم أنه الحق) 

إذن احنه لازم نتفكر ونستخدم عقلنا

زين واحد يكول اني امشي ورا آبائنا واكله لا ميصير  نقلد آبائنا لان ممكن آبائنا ع خطأ خو ميصير نمشي وراهم؟  ( قالوا بل نتبع ما ألفينا عليه آبائنا أولو كان آباؤهم لايعلمون شيئا) 

اذن ميصير نمشي وراهم بدون تفكير ومعرفة

زين واحد يكول اني اتبع ظني .. يعني احساسيسي تكلي هيج مزاجي يكلي هيج وامشي وراه!  وايضا هالشي خطأ لان  (ان يتبعون الا الظن)

اذن منكدر نمشي ورا هوانا وظنونا ولانكدر نقلد آبائنا لذلك وجب علينا #النظر_والمعرفة

وهالوجوب وجوب عقلي قبل ان يكون شرعي يعني هو قبل ميكون شرعي هو صار عقلي يعني قبله العقل يعني مثلا قبل جانوا يقتلون البنات ف اني عقلي يرفض انو اقتل البنات مثلهم قبل ميكلي الشرع انو هذا حرام وميصير !  وجوب عقلي قبل ميكون شرعي

لهنا نكتفي بهالقدر اليوم باجر نكمل ان شاء الله♥

ان شاء الله فهمتوا؟