فــآئدٍةّ💎(الجزء الثاني)

ليش لابسه عبايه وليش متحطين مكياج ¿

مرحبا
من وحده تكولي ليش لابسه عبايه وليش متحطين مكياج شنو الجواب المقنع والمنطقي الي لازم اكوله ..

بالنسبة للعباية ف راح اجاوبج

اولا

اذا تريدين من الناحية العلمية ف كلشي مكشوف مُعرض للخدوش لذلك آني أكبر من أن اخلي أي شي يمسني لو يأذيني ف لازم احمي نفسي زين

اما من الناحية الثقافية ف الانسان ببداية حياته چان عاري الثياب من بدأ يتطور بدأ بصنع الملابس وإرتداءها ولذلك اني اليوم بعبائتي وستري الكامل لجسدي واصله لأعظم مراحل التطور

اما من الناحية الدينية ف السيدة الزهراء اللي هي سيدة نساء العالمين بأصعب الظروف ماعافت الستر والعباية ف ليش اني بأسهل الظروف اعوفها ؟الي الفخر ان ارتدي شي كانت ترتديه سيدة نساء العالمين .. لعله انحشر وياها من باب من أحب عمل قوم حُشر معهم ...

ثانيا : لو شوية أصفن وأفكر بعقلي وأباوع للاشياء اللي حولي راح الكاها كلها لابسة حجاب

التفاحة متغطية بالقشر والبرتقالة متغطية بالقشر والكرة الارضية متغطية بغلاف وحتى الحيوانات متغطية بالفرو والشعر والحراشف .. يااختي حتى الفراش اللي هسه اني وانت كاعدين عليه متغطي!
ف اذا حتى الحيوان والنبات  مغطّي نفسه تمامًا ..آني ليش مااأغطّي نفسي؟ ممعقولة مخلوق ماعنده عقل يكون أحسن مني!

ثالثا :
آني أغار ع نفسي وأخاف ع نفسي وماأسمح لنفسي ان أخلي شخص يتمتع بالنظر لمفاتني وجسدي وآني أدري أن الشارع يلم السكران وضعيف الايمان والموملتزم والتعبان بغض النظر عن الزين ... منو يحميني من نظرتهم؟ ممعقولة لهالدرجة آني ماعندي غيرة ع نفسي حتى اسمح لأي أحد يباوعلي
الجسد الله انطانيا الي وآني ماانطي غير لشخص واحد !

صح العباية قماش بس حكمة بيها
الچكليته دون قماش شيلتم عليها؟

يتبع
اما بالنسبة للمكياج ف اني برأيي ان اللي تخلي مكياج ماعندها ثقة بنفسها ومتگدر تطلع للناس بمنظرها الحقيقي اللي الله منحه الها

اما اللي تكول اني احبه ف اسألها :ليش وجهج بالبيت مو مثل وجهج بالشارع؟

عموما ...

كليلها منو كلج مااخلي مكياج؟ ترا عادي بالبيت وعادي كدام زوجج واخوج وابوج ... ترا نبقى بنات واغلب سوالف البنات نحبهن بس الفرق ان احنه ننطيهن للشخص المُناسب وبالمكان المُناسب

مادري ليش عبالهم ان الملتزمة مانعة عن نفسها كل شيء

ترا بالعكس احنه عايشين حياة حلوة فوك متتصورون .. وكلشي مسوين وكلشي مخلين ونحب سوالف البنات هم بس الفرق ان بالمكان المناسب!

عموما يكفي جواب انّي مقتنعة بنفسي من اطلع  وأحب شكلي اللي الله انطانيا واحب يكون هو الوجه اللي اطلع بي لان بي لمسات الله مو لمسات المكياج ومادام الله يحب يشوفني بهالمنظر ف اني ماشية بهالشي ..طبعا بغض النظر عن مساوئ المكياج مستقبلا وتأثيراته ع البشرة وان هو السبب الرئيسي لظهور التجاعيد مبكرًا على البشرة  ..💙