فــآئدٍةّ💎(الجزء الثاني)

#العقائد..

#العقائد...

نجي نسأل سؤال واقعي .. هل صحيح ان الله خلقنا؟ سؤال صريح منو يكول الله خلقنا؟

زين اذا نريد نجاوب ع هذا السؤال راح نسأل سؤال ثاني. .. في حالة ان مو الله خلقنا منو اللي خلقنا لعد؟

ممكن الصدفة؟
ممكن الطبيعة؟
او ممكن المادة!

ويجوز شي ثاني غير ذني؟

زين مثلا اليوم اني بالمتنزه وشفت كدامي مرجوحة حلوة ... معقولة المرجوحة ااجت عن طريق الصدفة؟ صارت صدفة واجت وتركبت بهذا المكان؟ زين اوك نكول المرجوحة عن طريق الصدفة اجت زين والمخلوقات الباقية؟ هيج بالصدفة انوجدت!! 

زين اوك انوجدت بالصدفة لعد نهايتها شنو؟ هيج حتبقى؟  لو هم تموت بالصدفة! لو!! ! شي يرفضه العقل! 

اذن ثبتنا انو مو من الصدفة انخلقنا ...

زين ممكن الطبيعة خلقتنا؟ خلينا نشوف ..

قبل مااجاوب راح اسأل سؤال ثاني..  اذا الطبيعة خلقتنا لعد هي الطبيعة منو خلقها؟ واحد يكول ذرات انجمعن وتركبن وصارن طبيعة ... راح اكله زين هالذرات منو خلقهن؟راح يكول  بالصدفة انخلقن..

واكله مستحيل شي بالصدفة ينخلق مثل ماثبتنا بالبداية ...

كلنا نعرف انو اكو مادة واكو لامادة بالوجود

المادة شي نكدر نلمسه او نلزمه

واللا مادة شي نحس بي بس منكدر نلزمه

يعني شلون؟ يعني مثلا الشجرة .. الشجرة نكدر نلزمها اذن هي مادة

زين مثلا اني نعسانة ...احس انو اني نعسانة بس اكدر الزم النعاس بيدي؟ لاماكدر ...اني احس بي بس ماكدر الزمه اذن هو غير مادة

زين الطبيعة اللي هي مادة متملك لامادة يعني الجبل اللي هو مادة ميكدر يجوع او ينعس او يمتلك شي لامادي

زين شلون الطبيعة اللي هي مادة تخلق اللامادة وفاقد الشيء لايُعطيه؟!!!!!!

اذن اثبتنا انو من المستحيل الطبيعة تخلقنا

لعد منو اللي خلقنا؟ اكيد رب العالمين هو اللي خلقنا

يعني مثلا اني طبيت للبيت لكيت اكو كهرباء ... قابل لزمتها بيدي الكهرباء وعرفت انو اكو لو مثلا هي كلتلي اني الكهرباء وعرفت؟ اكيد لا..

شفت ضوه مفتوح عرفت انه اكو كهرباء ..

كذلك هذا الخلق كله ..مادام اكو خلق يعني اكو خالق ...خطوات المشي تدل ع انه اكو واحد ماشي .. والأثر يدل على انه اكو شخص مؤثر ... ف مادام هذا الخلق موجود اذن اكو خالق...واللي هو رب العالمين.

افتهمنا ان شاء الله؟