فــآئدٍةّ💎(الجزء الثاني)

اتخيل!

اتخيل الامام باجر يضهر ويحتاجك بالتخصص الي تدرسه او يحتاجج بالحرب الفكريه والثقافيه او تخيلي انج اصلا حيختارج قياديه من بين ال٣١٣ بذاك الوقت شنو حتسوين وشنو ردة فعلج؟ تكوليله مولاي اعذرني اني مامتجهزه لو تبقين تتحسرين عالي جانو مجهزين نفسهم و مستعدين وواكفين يلبون نداء الامام وانتي واكفه بمكانج ؟ سوو دفتر صغير كتبو بي كل يوم التاريخ و خصصو لكل يوم صفحه كلما يجي ببالكم صاحب الزمان كتبوله الشي الي يدور ببالكم، مثلا خاطره او بيت شعر او مثلا " ادرس اليوم هلكد عدد ساعات من اجل المهدي" او ساعدت امي بالمطبخ من اجل المهدي او اهديت فلان شي باسم الامام او او او اي شي المهم هالصفحه متنترك فارغه وهيج تكونون متاكدين انكم كل يوم دتقدمون و تذكرون الامام ،، اليوم اني سمعت فلان محاضره علمود اقوي معلوماتي من اجل الامام اليوم اني دفعت صـۧـ℘ٍّـۧـدقـۧـة من اجل سلامة كلبه الخ من تصير بينكم وبين الامام هالعلاقه صدكوني حيجي الفرج وحيجينه الامام وبعد ميحتاج ندور عليه، وكونو متقينين بان الامام يقره كلشي تكتبو و توصله كل اعمالكم ويفرح بيهه ويدعيلكم هوايالامام ميحتاج بس ناس تصلي وتصوم ولازمه المساجد ٢٤ ساعه صح يريد ناس تروح للمسجد ومتنسه ذكر الله بس نفس الوقت محتاج جنود ومو بس جنود ميادين و قتال لااا محتاج جنود للحرب الناعمه والي هيه مسوليتنه احنه البنات التصدي الها ، يريد توعيه يريد ثورة ، عدنه الانترنت الي هوه بمثابة كنز نجاهد من خلاله و نبين للناس منو الامام عدنه دراستنه نكدر نتفوق بيهه و نوصل مراتب ونشوف انه المهدووين قادرين و واصلين لمراتب عاليه نكدر ناثر بهواي اشخاص و نسوي تغيير جبير وهذا مجرد بدايه الشغل الحقيقي يبلش بعد الضهور والثوره الحقيقيه بعد الضهور ... مشروع انشاء دوله الاهيه مو لعب هذا والمسوليه علينه واكعه
دور البنات ابدا مو قليل عندج ٥٠ مقعد تنافسي عليهن! كدامج الفرصه استغليها ! تخيلي نفسج من جنود الامام ويكلفج تلقين محاضره ع مجموعه من الملحدين الي ميعرفون شي عن الاسلام شنو حتسوين بذاك الوقت؟ تكوليله مولاي اعذرني اني كلشي ماعرف؟ لو ماكدر احاججهم ؟ ماعندج عذر بذاك الوقت !
يا اما نخلي نفسنه مستعدين من هسه يا اما نبقه نتحسر نشوف ضهور الامام 💔