فــآئدٍةّ💎(الجزء الثاني)

العمل الالكتروني

اليوم راح نركز عالعمل الاكتروني، راح اكوللكم شلون ممكن نستغل مواقع التواصل بأحسن صورة ومن دون منحسس المقابل بالتعقيد او نخلي ينفر وميكمل الي دنحجي

راح اسويلكم الخطوات ع شكل حلقات، كل يوم انطيكم خطوه ونتعمق بيهه

احنه منريد حساباتنه تكون حسابات دينية لعدة اسباب وحده منها انو احنه منريد نشتغل ويه المتدين لان هذا اصلا ماشي عدل وانما نريد نشتغل ويه الي بداخله صلاح بس اعماله مو صالحة الي نشوف بي بذرة نور وامل فنجي نحركه حته يطلع منه نبته مثمره

فالخطوه الاوله الي راح نركز عليهه اليوم هيه 👈 لاا تخلون حساباتكم حسابات دينيه!!

هسه تكولولي شلون ننشر قظية الامام اذا حساباتنه مو دينيه!؟

حخليكم تفكرون شويه هسه ومن افرغ اكتب التكمله
العمل الالكتروني
الخطوه الاولى

- اذا شخص مو متدين و يعتبر الشخص المتدين معقد وينفر من مواضيع الدين اذا دخل لحسابج وشافج ناشره كله صور عبايه ومعممين و قصائد ولطميات قبل ميقره اي منشور او اي حرف منج حيطلع من الحساب او ينطي انفلو وهذا الشي احنه منريده

احنه نريد نجذب البعيدين عن الله وبالتدريج نخلي ارتباطهم بالامام يقوه، نريد نخليهم يقرون و يحبون الحساب ويسمعون الي نحجي ونكوله

هذي نقطه كلش مهمه ... لا تخلون الشخص البعيد عن الله يترك حسابكم! دوم حاولو تجذبونه باكثر من طريقة

- خلو حسابكم مرتب وحلو قدر الامكان الصور رتبوهن واختاروهن بدقة، دائما الشباب ينجذبون للحساب المرتب الي يكون مميز عن غيره ويكون مريح للعين

- خلو نشركم متنوع بين يوميات و تحفيز و تطوير مهارات و بنفس الوقت خلو ذكر الامام المهدي يطغي عليهن من خلال ربط كل موضوع بصاحب الزمان
هاذي اهم الخطوات البدائيه الي نريد نشوفها بحساب كل واحد منكم، احنه عملنه رسالي وهالشي معناه انو شغلنه لازم يكون بدقه وكل خطوه من قبلنه مدروسة كل منشور مدروس قبل مينشر..
احنه هدفنه مو فقط نشر تعاليم اهل البيت وذكرهم احنه مو هدفنه بس نوصل للامام ، احنه هدفنه نصنع انصار للامام 💪

انتظرونه بالخطوة الثانيه عن قريب ..