فــآئدٍةّ💎(الجزء الثاني)

#العقائد...

#العقائد...

وصلنا للسؤال اللي يكول ... هل الله عادل؟

وهل من الممكن ان يكون ظالم بيوم من الايام؟

كل شخص يريد يظلم لابُد اكو شي دفعه انو يظلم ...ودوافع الظلم اربعة وراح نحجيهن وحدة وحدة

اولاً الجهل : يعني واحد يظلم بس هو ميدري انو هذا ظلم يسموه يعني جاهل بالامر! ميعرف انو هذا ظلم!!

وطبعاً رب العالمين مُنزّه عن الجهل لان هو العالم بكل شيء

ثانياً الجبر : يعني واحد ميحتاج انو يظلم بس هو مجبور يظلم يعني اكو فد دافع جبره انو يظلم لذلك صار ظالم

ورب العالمين الجبّار اللي يجبر مينجبر وايضاً مُنزّه عن هالشي

ثالثاً هو الاحتياج : يعني فد شخص هو ميريد يظلم بس هو احتاج انو يظلم يعني صار وياه موقف معين خلاه يحتاج للظلم لذلك صار ظالم وايضاً رب العالمين مُنزّه عن كل هذا لان رب العالمين بيده كل شيء وليس بحاجة لشيء!

رابعاً هو العبث : شنو يعني عبث؟ يعني واحد ماعنده لاشغل ولاعمل هيج مزاجه يكله اظلم يكوم يظلم لاعنده غاية ولامحتاج ولامجبور بس هو تطخ بباله انو يظلم يكوم يظلم!  وايضاً هالشي رب العالمين مُنزّه عنّه لان الله ميسوي شي بدون حكمة ميخلق شي عبث ابد.

وايضاً بدليل الآية ( وماظلمناهم ولكن كانوا انفسهم يظلمون )

وايضاً ( ليس بظّلامٍ للعبيد)

والظلم من القبيح ورب العالمين يفعل بس الحَسِن ميفعل القبيح وهكذا اثبتنا ان رب العالمين عادل وليس بظالم

زين يجي واحد يكول شوفوا ذوله اللي بالغرب لادين ولاديانه ونسوان وزلم سوه وانواع الحرام يمارسوه والله منطيهم كلشي هم جمال وهم طبيعة وهم فلوس وهم امان واحنه اللي نعبد الله ونصلي ونصوم الله مطيح حظنه وين العدل بله؟

واجي اكله اخي عزيزي ذوله اصلا دين ماعدهم!  كالانعام بل اضل سبيلا ... مو مثلك انت.. انت كلت اني مسلم خلاص وجب عليك تمشي باوامر الاسلام لذلك صرت محط ابتلاء لان المؤمن مُبتلى اما ذولاك باعوا الاخره وربحوا الدنيا تجردوا من الدين ومن الشرع ف الله كلهم هاكم متاع الدنيا ( وما متاع الدنيا الا قليل)! ف انت اذا تريد تصير مثلهم ف عوف دينك لترتبط بي وسوي اللي يعجبك وشوف شلون الله يسوي بيك بالدنيا وينطيك كلشي بس هاااا انتبه!  اذا جان مكانك بالدنيا بأول مركز ف انت بالآخره بالدرك الأسفل من النار! 

بس قبل متروح لغير دين وتصير ملحد جاوبني ع سؤالي ...

منو ينطيك رقبة ابنه مثل ما الامام الحُسين انطاك ؟

منو يتبرعلك بجفوفه مثل ما ابو فاضل تبرعلك!

اختك سترك وعرضك تكدر تاخذها منا لسوريا مشي وكلها تباوعلها؟ لامتكدر لانك غيور ...بس ابو فاضل سواها!  تدري ليش سواها؟ حتى تعيش انت!! حتى تربح الاخره! 

منو يكدر ينطيك راسه مثل ما الحُسين انطاك راسه؟

زين جاوبني!! يكسرون ضلوعهم لاجلك؟
واحد بيهم يشرب السم حتى تبقى انت؟

لو كلي! ! اكو واحد من عدهم يقبل ينكسر ضلع مرته كدامه وهو يسكت بس علمود يحافظ عليك وعلى دمك؟...منو!! !!!!!

اكو شي يستاهل نبيع الجنه لاجله!
لاماكو والله! 

امك شكد تصيح عليك ؟ ومرات تطردك!  ع الرغم ماهي تحبك وتخاف عليك وانت تدري بهالشي كلش زين!! بس لان هي اعرف بمصلحتك وتريدك بدرب العدل موبدرب الاعوج !

كذلك رب العالمين...  ميظلمنا ابد.. بس هو يبتليك حتى يكفر عن ذنوبك. . زين الحل شنو؟ نبقى احنه نذنب وهو يبتلينا ؟! لا ...انطاك حل بالقران كلش حلو💙

ومن يتقِ الله!  شرط
يجعل لهُ مخرجاً!  جواب الشرط

لا وبعد مو بس هيج .... ( ويرزقه من حيث لا يحتسب) 
فوكاها ..هاي هيج مكافئة الك.💙

لذلك رب العالمين هيهات يظلم واني متأكدة لو يكلك اختار بيدك راح تختار نفس اللي هو اختاره الك💙

بس ثق!  واطمئن .. ونام مرتاح💜

ان شاء الله افتهمنا؟