فــآئدٍةّ💎(الجزء الثاني)

#العقائد

٤_ العلم اللدني  او العلم الموهوب

شنو يعني لدُّني؟

يعني من لدُن الله
يعني علم الغيب ..
يعني شتسأله يجاوبك لان هو علمه من علم الله
منكول علم الله كله لا .. بعض من علم الله

ورب العالمين ترا مينطي علمه بس للانبياء والائمة لا ..اي شخص يصير قريب من الله راح ينهل من علمه وعطاءه
بس لان النبي جان الاقرب لله
جان صاحب الحظ الاوفر بالعلم
ولان النبي معرّض لكلشي
لازم يكون عنده علم موهوب يحل بي أي معضلة ويجاوب بي ع أي سؤال
وهذا اللي نقصد بي العلم الموهوب

زين هنا سؤال يجي
ليش هو نبي واني مونبي؟ ليش هو مو اني

اني اكلك ليش

لان هو بي صفات من ذاته أهلته ان يحمل هيج رسالة

يعني هو قبل متتنزل عليه النبوة جان مهذب نفسه ومستعدلها بحيث صار وعاء يحمل هالثقل

هسه يصير اجيبلك كلاص واكلك خلي بي صندوق رمان؟
تكوم تضحك عليه ! كبل تكلي شلون يصير!

النبي جان وعاءه كافي لحمل النبوة
جان طاهر
جان نظيف
جان مستعد
لذلك ..تنزلت عليه النبوة

اني وانت .. اذا استعدينا .. وجهزنا نفسنا ..وصرنا وعاء طاهر .. مراح تتنزل علينه النبوة
راح تلوحنا بركات النبوة .. وراح نكون قاب قوسين او ادنى من قلب النبي .. وراح نبرز ك عظماء .. مثل مابرز النبي وجان عظيم!

#انتهى

هذا شي عام جدا عام عن النبوة
بس نكدر نكول هاي الاساسيات