فــآئدٍةّ💎(الجزء الثاني)

#العقائد..

السلام عليكم ورحمة الله وبركاته♥

مسية العافية عليكم✨مثل ماوعدتكم أنه أنزللكم فد مُقدمة عن العقائد..راح احجي بالعامية حتى الكل يفهم خاف واحد موقوي بالفصيح..

طبعاً العقائد لُغةً هي من العقد أو الربط

اما العقائد إصطلاحاً فـ هي اللي تجاوب عن كل تساؤلاتنا عن الله .. يعني شنو؟

يعني هواي هسه منتشر الإلحاد وانو ماكو الله ولو موجود جان ظهر لو موجود جان ماصار اللي صار و ...

ف العقائد تجاوبنا عن كل تساؤلاتنا هاي
منو الله؟ وين؟شنو هو؟من شوكت صار؟لشوكت يبقى؟ليش هيج ديصير اذا هو موجود؟من شنو يتكون؟ هل هو ظالم أو عادل؟و ..الخ

هواي هواي تساؤلات تجاوبنا عليهن دراسة العقائد وطبعاً اني ماراح اشرح شي مفصل راح اشرح شي بسيط جداً بالنسبة لدراسة العقائد...وطبعاً  العقائد مو كل شخص يكدر يشرحها بصورة صحيحة ويحببك بيها ويقنعك ..ممكن شخص يجذبك من خلال العقائد وممكن شخص يكرهك بالدين كله... العقائد خلي نكول هي المحور.. يعني هي بعد عقيدة يعني شي ثابت ومؤمنين بيه...يعني مثلا اني اعتقد انه الله واحد يعني واثقة انه الله واحد بس اريد اقنع الناس شلون؟ العقائد راح تجاوبـنا♥

يمكن هسه الواحد بينا من يسمع عقائد وفقه ومنطق و ...يكول يبووو شهالتعقيد!  واني اكله لاموتعقيد واللي معقد نفسه بسببهن ف الصوج بي مو بالدراسة لان احلى شي احلى شي بالحياة هو الدين والتدين ..طبعا للي يفهمه صح💙

جنت مقررة انزّل بعض المسائل الابتلائية الفقهيه بس نظراً للي دنعيشه ونتعرضله من التساؤلات والشكوك حول الله قررت أنه نبدي بالعقائد..

إندعولي بالتوفيق أن أقنعكم وأدعيلكم بالتوفيق أن تفتهمون✨