فــآئدٍةّ💎(الجزء الثاني)

#العقائد...

#العقائد...

اليوم درسنه شويه صعب ف خليت دماغكم يرتاح البارحه حتى اليوم تفهمون الدرس زين ... شعبالكم لعد افكر بيكم ترا😁... يله بسم الله الرحمن الرحيم♥

اليوم راح ناخذ صفات الله

صفات الله سبحانه وتعالى تنقسم الى قسمين

صفات ثبوتية او جمالية او كمالية
وصفات سَلَبيّـة او جلالية

خلي نتعرف شنو ثبوتية شنو جلالية شنو كمالية

عدنا الصفات الثبوتية او  الجمالية او الكمالية ايضاً تنقسم الى قسمين

ذاتية
وافعالية

شنو يعني ذاتية شنو يعني افعالية؟

الذاتيه في ذات الله ...اما الافعاليه تبرر فعل الله ... ادري دختوا

هسه راح تبدون تفهمون

ذاتية في ذات الله ...يعني شنو؟ يعني مثلا القُدرة ...القُدرة هي بالله تعالى بالاصل يعني مااكتسبها من جهة ثانية

يعني مثلا اليوم فلانه يصيحولها الذكية
الذكاء هو شي بيها مادخلت دورة واكتسبت الذكاء او سوت عملية واكتسبت الذكاء لا هو من الاصل بيها هي من الاصل ذكية ... يعني بذاتها ...يعني ذاتية

الله تعالى كذلك...صفاته الذاتيه هي بي من الاصل ...زين افعالية شنو؟  ...وتبرر فعل الله شنو؟

يعني الله مادام يمتلك قدرة بذاته
اذن لازم يظهر هاي القدرة لازم يبرر هاي القدرة يعني مثلا من صفاته الرازق ...زين احنه شلون نعرف هو رازق؟  خلق الخلق ورزقهم ف عرفنا هو رازق...برر صفة الرازق اللي يمتلكها من رزقنا

زين مثلا من صفاته الخالق ...شلون عرفنا خالق؟ خلق الخلق ف عرفنا انو هو خالق

يعني صار عدنه طرفين الاول هو الله اللي يمتلك الصفات

والثاني هو المخلوق اللي تتطبق عليه الصفات

بس هاا #ركزوا ....مو معناتها الله يحتاج طرف ثاني حتى يبرر افعاله!

بل الخلق هو اللي محتاج هاي االصفات

يعني الله رازق ... واحنه محتاجين الرزق لذلك رزقنا ...يعني احنه المحتاجين مو هو

زين سَلبيه او جلالية شنو؟

جلالية يعني جل الله ان يتصف بها غيره

يعني مثلا لاشريك له
لاولد له
لاحجم له
لا زمان له
لامكان له ....يعني بس هو يتصف بيهن
سلبهن من غيره وانفرد بيهن بس هو

يعني خاصات بي ....يعني محد يمتلكهن غيره

افتهمنا ان شاء الله؟