فــآئدٍةّ💎(الجزء الثاني)

برنامجنا لشهر رجب

برنامجنا لشهر رجب
حابين اول شي نشد هممنه لهذا الشهر المبارك ونخلي اهداف كدام عيونه حتى نستلذ بيه ونتهيأ لرمضان ان شاءالله
💧💧

1_السكينة يعني نكون من اهل الثقة بالله وفي هذا الشهر خصوصا فمن تصير مشكلة لا سامح الله او نوكع بمأزق مداعي اضل افكر ويبو وشون بيه ويارب مدري وين انطي وجهي لا كون انتي نفسج بالرخاء لان تدرين عندج رب يقول للشي كن فيكون الله يكولك اني مدير اعمالك انا بجوارك انا معك لاتخف ...السر العظيم في شخصية السيدة زينب انو الامام وصاها انو متقلق متخاف متستوحش متفكر بحجم الي صار بل تشوفه بعين الله والا تروح لذة الاختبار الله من ينطنه فد مشكلة يريد يشوف مدى ثقتنه بيه واذا بنا نحس بالوحشه الخوف القلق والحزن

2_عزم على ادخال السرور على الاخرين  وين منشي نسلم على الناس وخاصة الاطفال من نسلم عليهم يحسون بفرحه ويحسون همه مهمين وين متشوفون اطفال بالشارع سلموا عليهم كذلك خواتنه نكون وياهم منتهى اللطافه ونغض بصرنا عن اخطائهم قدر الامكان منشيل بكلبنه عليهم ونرد عليهم حتى نخفف المشاكل ..

3_نكون من اهل التفكر هسة ماكول نصير فلاسفة بس لانرضى نعيش ونموت واحنه مشايفين غير بس بعيونه افتح قلبك واسمع تسبيحه البلبل الصبح افتح قلبك وتأمل الشجرة وتذكر النجم والشجر يسجدان باختصار لا نكون سطحيين

4_نقوي علاقتنه بالنبي من خلال معرفته اكثر واكثر ولو باليوم نص ساعه نخصص بيهة ساعه نعرف شون كان النبي ترة معلوماتنه عنه كلش بسيطه تعالوا نتأمل ذاك الانسان الي جان يقرة القران بصوته العذب ويجذب كل الناس من عذوبة وحيوية صوته ذاك الي جان يساوي بين اصحابه حتى في النظرات ذاك الكله حنيه وعطف ورائحه تفوح من الجنه شدو العزيمه عيب هذي معلوماتنه عنه واذا بقينه هيج مراح نتمنى نشوفه ،كون نوصل مرحلة صبح وليل نكول ياريتنه شفناه من نكول بالصلاة اشهد ان محمد رسول الله نذوب بعد عشق عشق ويه النبي

5_الله في كل مكان بالجامعة وبالبيت وبالصلاة وبالقران وبالعرس خلي حياتنه مثل القطعه الصوفيه المحيوكه كل اجزائهة متداخلة ومتجانسه ماكو بيناتهن space ممعقولة اصلي وراهة اروح احجي على فلان وفلان ممعقولة اصلي واروح ازعل اختي وانفجر بوجهة

6_نحاسب نفسنه كل يوم
هااا اني اليوم عصبت بسرعة ،هاااا اني اليوم تهاونت مقريت قران ،،،ها اني اليوم اغتابيت وهذي كلهة كمقدمات اولية

من بعدهة تجي فقرة العبادات وماورد في مفاتيح الجنان هذا بحث ثاني والقران والصيام والجمال الي يرسم على شفاه الصائم ذلك التللي للقران
بالنسبة للعبادات
صلاة الليل ولو قبل النوم
صلاة الغفيلة
قراءة القران
اعمال كل يوم
صلاة ركعتين مخصوصة لشهر رجب