فــآئدٍةّ💎(الجزء الثاني)

ورضِّني من العيشِ بما قسمتَ لي

ورضِّني من العيشِ بما قسمتَ لي 🤗✨
موضوع مهم

هواي من الفئة الشابه تشوفهم يصيبهم الهم
وتشوفه حزين ومنكسر بهواي من اوقاته بما فيهم المتحدث
زين ليش
كل واحد منا عنده سبب
واحد يريد وضيفه
واحد يريد عائله بمستوى افضل من عائلته
واحد يريد اصدقاء افضل من اصدقائه
واحد صحته تكون افضل
واحد يريد ذريه
واحد يريد شريك حياة غير شريكه
واحد ما راضي على شكله
واحد يريد بيت جديد
وواحد لا يريد يموت
ولو اعدد بعد ما اخلص بعد كلمن يخلي سببه
زين جاوبوني

اذا الانسان حصل هذني يبطل ؟؟
انه اجاوبكم ..لا

تدرون ليش لان امير المؤمنين ع يكول ((منهومان لا يشبعان طالبُ علمٍ وطالبُ دنيا))
ابو البيت يريد بيت اكبر ابو السياره يريد سياره احدث ابو الشكل يريد اجمل ووو حته الي يريد يموت من يموت يكول ((ربي ارجعونِ لعلي اعملُ صالحاً في ما تركت))
زين شنو الحل لهاي الامور والهموم
لا تهم
خلي عندك عزم تحسن واقعك من الجهه الي تحس عندك نقص بيهه وإسعى  بهذا الشئ
بس لا تخلي عندك هم وتغفل عن النعم البقيه الي عنك (عافيتك زينه عندك نعمة الولايه كاعد ببيت يحميك من البرد والحر  وهواي امور لو نفكر نلكه انفسنه بنعمه ماكو مثلهه بس عايفينهه ونهم باللي ما عدنه ) من الاخير

((القناعة))

بدعاء يقرأ بشهر رمضان ((ورضنّي من العيش بما قسمتَ لي))
وكذلك امير المؤمنين عليه السلام يكول ((من رضيَّ برزق الله له لم يأسف على ما في يدِ غيره))
ارضى بالعندك
وتونس بنعم الله الي منطيكياهن
واسعى حته تحسن البقيه
🤗🤗 والسلام