مهما يكون الوجع الي بداخلكم..... ومهما كان تاثيره عليكم.. ابد لتهتمون...
اكو شخص يستمع النه ومستحيل يعوفنه..
اصعب انواع الوجع الي منگدر نوصفه وشكد ما هو اخذ ما اخذ من روحانيه قلوبنا... لكن هنالك من قال انا اقرب اليكم من حبل الوريد بس تتوجهون اله ومسافه الوصول اله كلش قريبه لا سياره ولا طياره...
المسافه تتلاشى عند رفع الايدي لمناجاته وتكتفون بكلمه.💚.. اللهم ما بالقلب... 💚
هنا بعد انتم تركتوا هالالم والوجع عند الكريم
ابد ميظلم..احد ولا يترك شخص محتاج اله يريد منكم شغله وحده تتوجهون اله وتذكرونه...
ومثل ما احنه نريد احسن شيء من الله انطوا اعظم شيء بحياتكم...
مثلا بكل نهايه فرص صلاه.. صلوا ركعتين شكر على كلشي ونحمد الله في السراء والضراء....
صلاه الليل خلوها الملاذ والاختلاء بصاحب الزمان وتحچون وي الله بكلشي... لتنتضرون رحمه من الناس.... الله هو الرحمن الرحيم
مهما سويتوا ذنب استغفروا ورجعوا لرحمه الله....وخلوا اهل البيت واسطتكم عند الله...
شكد هسه من بينه اكو بنيه ضايجه وتعبانه واكو مهمومه واكو ما تعرف شتريد واكو متعرف توصف الي بداخلهه...كلكم
توجهوا ل الله احچوا وياه...
اني دائما اكله ربي انت تعلم ما في الصدور م احجي انت تتكفل بالالم....
اما مثلا احنا نحب الله ونموت علي...ف الله دزلنه كتاب 📖 مملي رسائل ما يستطيع بشر بالكون يكتب مثله او ادنى منهه اعتبروها رسائل الله دزاها النه...يعني مثلا كل ايه تمثل مثلا ربي د ينبهكم ع شيء او يبشركم ب ايمانكم...
الله يحب الي يتقرب اله ويذكره...واذكروني اذكركم...
ماكو احلى من شخص او روح تحچين وياهه ب اي وقت وبدون ملل وما يقاطعج ويسمعج للنهايه....وينقذچ بدون مقابل بس مجرد تذكرينه ما اتوقع اكو احلى من هيچ....
افتح القرآن على سورة الانبياء آية 88 هنالك رساله لك
لا تنسونا من طهر دعائكم 💚
أنت تقرأ
فــآئدٍةّ💎(الجزء الثاني)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
