فــآئدٍةّ💎(الجزء الثاني)

أضمنلك يوم مليان سعادة وتوفيق وتسهيلات❤️

من انت جاي تعباااااان ونايم ومتدفي بهالبرد القااااارص ليش الله يريدك تكوم من كل هالدفو والنومة الحلوة حتى تتوضى بمي باررد وتصلي ركعتين الفجر وهو اصلا ممحتاج هالركعتين!؟

ع شنو يخليك تعوف كل هالاغراءات وتسحل بروحك سحل وتكوم؟

الله يريد يعلمك كم درس يمكن انت مملتفت الهن
ع رغم هو ممحتاج للركعتين مالتك اللي يجوز تصليهن من ورا خشمك ومان عليه منيه
ع الرغم من تذمرك عليه .. بس يريد يعلمك شلون تتخلى عن شي تحبه بوقت اللي انت محتاجه

من انت تعبان ومحتاج ترتاح يكلك انهض اتعب شويه وصلي
من انت نعسان ومحتاج تنام يكلك لا لتنام ..اكطع نومتك وكوم صلي
من انت متدفي ومحتاج للدفو يكلك عوف الدفو وكوم ابرد شويه

يعلمك شلون تتنازل عن اي شي تحبه وبالمقابل راح يعوضك بشي مو بس تحبه تعشقه .. يكلك انو من تعوف شي تحبه مراح تنكلب الدنيا ولا راح يصير شي غير انك ترتاح نفسيا حتى وان تأذيت من سويته
ادري بيك تعبان ونعسان ومتدفي بس كوم
كوم حتى تتعلم تتنازل عن اغلى اشيائك .. وخليني اعوضك باللي تريده ..بس كوم✨

الله يريدك يكلك شوف .. يصير خسوف ؟ نصلي
يصير كسوف؟ نصلي
شعيرة الحج اللي هي اعظم شعيرة ..متكمل اذا مو بصلاة ركعتين
صيامك وتعبك وجوعك وعطشك برمضان ميكمل اذا متصلي

يكلك الصلاة تحل مشاكل كونية ..شلون متحل مشكلتك؟ من تكوم بهالبرد تتوضى وتصلي وتكله يارب اقضِ حاجتي شلون يكلك لا مااقضيها؟

من انت تعبان بس من تسمع الاذان تكول الله اهم من التعب ..وتكوم تتوضى وتصلي وتكله يارب وفقني ..شلون ميوفقك؟

من انت سهران تدرس لل١٢ وتنام وتكعد ب٥ ونص تك عين متكدر تفتح عينك اصلا من النعاس ورغم كل هذا تكوم وتصلي وتكول يارب ساعدني اليوم يوم صعب عليه وماعندي غيرك ... شلون ميساعدك؟

مثلا باجر .. قرر تكعد الفجر وتتوضى بمي باااارد متكاسر منه ابد .. وتصلي بوقتها .. ووراها تقرا العهد وتسوي ١٠٠ صلاة على محمد
وأضمنلك يوم مليان سعادة وتوفيق وتسهيلات❤️