فــآئدٍةّ💎(الجزء الثاني)

اقرا وطبق💌

دزتلي : شهر رمضان كريم عليج ومبارك عليج شهر الطاعات والحسنات والعتق من النار .
رديت عليها : الله يبارك بيج والله خوش مغريات بي هالشهر شنو ناوية تسوين بي؟

كالت برنامجي ابقى كاعدة للصبح لل8 ل9 هيج وانام للفطور اكعد افطر وع هالشي !

زين منين نحصل العتق من النار لعد والحسنات وهالامور كلها ؟ هو اسمه صوم رمضان وليس نوم رمضان !!
شهر صوم ليش شهر نوم !

هسه يجي واحد يكلي النوم عبادة😏

اي صحيح عبادة بس عبادة للي تعبان من الاعمال ومن قراءة القرآن ف ينام حتى يرتاح هذا اللي نومة عبادة وانفاسه تسبيح مو اللي مكظيها لل9 يفتر بين الانستا والفيس والتلي وينام ويكعد وي الفطور ولاصلاة ظهر ولاهم يحزنون💔

زين شلون بله نكظيها نقرا قرآن ونصلي !
لا طبعا ... انت مو بس آلة تاكل وتصلي وتنام انت انسان من حقك تستمع بكلشي الله منطي الك وبما ان هسه انطاك هالشهر معناتها لازم تستمع بي هم.💙

لتخلي الشبع يأذيك أكثر من الجوع .. شلون يعني ؟
يعني انت مكظي النهار كله جوعان وتشتهي الاكل من يجي وقت الفطور تهجم ع الفطور مثل السبع وتاكل تاكل لدرجة بعد بس تريد تتمدد حتى مابيك حيل تسوي كلشي
هنا انت أذاك الشبع أكثر من الجوع💔

شبيج نبأ لعد شنسوي بله اذا لا تقبلين ننام لا تقبلين نشبع🙄

عيوني انتم 💙💙 خلو شهر تسابق .. رب العالمين بشهر رمضان يقيد الشياطين ف ميبقى الك غير نفسك يعني بعد متكدر تكول شيطاني قوي .. لان الله ربطلك شيطانك وبعد ميكدر يسويلك شي بعد السالفة بقت يمك💙

نام بالقدر اليكفيك واكل بالقدر اليكفيك بس تقرب لله اكثر من القدر اليكفيك والميكفيك 💙 خلي لسانك يلهج بذكر وخليك تتسابق وي الطاعات ..❤️
مو بس الصلاة والصيام يقربوك لله .. ولا فخر انك كملت جزء .. شنو الفايدة انت واصل للجزء ال10 بس الجزء ال10 ماواصل بيك لاي شي 💔

شنو الفايده تقرا ( ولايغتب بعضكم بعضا ) وصديقك يتصل عليك يريد يكلك سالفة فلان لان يدري بيك تدور هالسوالف ؟

شنو الفايدة تمر على  ( ان الدين عند الله الاسلام ) وانت تسوي دكات لايرضى بيها الله ولايرضى بيها الاسلام💔

اقرا وافهم💜
اقرا وطبق 💜

اقره يوميه فد حديث لاهل البيت وحاول حاول تفسره وتطبقه ... لتظل تخبص اهلك جوعان عطشان تعبان خو طبعا غير انت صايم  حافظ ع اعصابك وهدوئك لان انت صايم لله يعني بمحضر الله .. إقرا يومية فد كتاب ممكن يغيرك وإسال احد يعرف بالكتب اذا محتار شنو تقرا .. داوم ع قراءة دعاء العهد بعد كل صلاة فجر وإسال الله التوفيق والثبات ... خليك هشٌ بش ..🌷
خلي كلشي بيك لله وبالله وعلى الله 💙 عيش رمضانك الحقيقي حتى تستحق بعدين كلمة
( كل عام وانت بخير ).💛