فــآئدٍةّ💎(الجزء الثاني)

مشكلة الموبايل

نبأ مبددعه بمعنى الكلمة الله يوفقج بحياتج🙏❤️
عندي مشكله انو صايرة مااقرة والجهاز ٢٤ ساعه بيدي شسوي حته اعوفه راح ارسب 😕😢انصحيني

شكرا حبيبتي ويوفق الجميع ان شاء الله

مشكلة مشكلة الموبايل ، تدرين اعرف شباب وشابات تفلشت حياتهم بسبب الموبايلات ،

اذا النت متكدرين تعوفي خو ميخالف وياج اني بس حاولي تستفادين منه مثلا اقل شي دخلي ع اشياء ايجابية ع اشياء تحفزج انو تدرسين توصلين تحققين طموحج مستقبلج التفتي لنفسج من خلاله وعن طريق هواي اشياء خو اليوتيوب خير من الله وقنوات التلكرام والفيس بوك والانستكرام وكل البرامج ، ياحبيبتي الموبايل ميجيبلج شهادة ولايبنيلج مستقبل وتأكدي انو هواي ناس وصلوا وحققوا طموحاتهم وانت مازلتِ بقاع الانترنت ،مراح يفوتج شي بالموبايل ..بس من ترفعين راسج منه راح تلكين كومة اشياء فاتتج بالواقع ، الامام العسكري ع يكول ( ماأقبح المؤمن ولهُ رغبة تذله ) اكيد ياحبيبتي انت متقبلين تكونين قبيحة بنظر الامام العسكري وتخلين رغبة الموبايل تذلج وتخلي مستواج الدراسي ينزل .. كوني اكبر من الموبايل ..شوفي اللي وصلوا وحققوا امنياتهم وبنوا مستقبلهم ..وللعلم ياحبيبتي كلنا نحب الموبايل والكعدة والنت بس اكو شي مهم واكو شي اهم وكلشي اله وقته ،مراح يطير اي شي💙