فــآئدٍةّ💎(الجزء الثاني)

حدد من ستكون💖

#تنفس_لتنجز_لا_لتعيش

كل يوم بحياتك مر حلو حزين سعيد انت
مجبر تعيشه و غصبن ع خشمك مو برضاتك مجبور تجر النفس و تعيشه فلا تخلي النفس الي تجره مجرد يخليك تعيش حياة

خلي انجاز تفوق نجاح تحدي عبور للمطبات مو مجرد عايش و السلام

و الا..فلتذهب للجحيم مع اقرانك الضعفاء عالمنا لا يرحب بالضعفاء بل يريد اقوياء ابطال متحدين اشبال ...

شايف هالحسره الي بداخلك ع معدلك كاتمها...فجرها و اطلقها للخارج و اصرخ #انا_كدها ترا عيب يكسرك معدل و عيب يكسرك قبول انت اقوى و ع كد الحسره الي داخلك انجز حقق فجر طاقاتك لتخلي شي يكبحها عبرت محطه و محققت بيها النجاح المطلوب ... #بسيطه حققه بالمحطه الجايه مو صعبه عليك

اما اذا تريد تكعد و ايدك ع خدك انا اكلك لتكمل بعد و اكتفي بالي وصلتله لان اكمالك للطريق حيكون مسؤوليه و ان كنت مو كدها لا تجازف لان حتكون #عار بالنسبه لنفسك ...

كونك حبيس افكارك السلبيه و يأسك و مللك من الحياة هي بأرادتك ...اكو اشخاص بعد كل وكعه يوكفون ع رجليهم بعد فتره من المعاناة لان هم رادو هالشي

و اكو يكضون ليلة وحده بس بهالحزن لان يعرفون كلش زين مراح تجيهم نتيجة من حضن المخده و البجي و الون

هؤلاء هم 👆👆 فقط من يستحقون الانحناء لهم تقديسا لقلوبهم التي رغم خيباتها المتكرره و حزنها شبه الدائم الا ان ارواحهم مفعمة بالامل رغم ان قلوبهم تضج بالالم ....

انفض عنك غبار اليأس و حلق بجناحي الامل بين غيوم احلامك ...

حدد من ستكون