فــآئدٍةّ💎(الجزء الثاني)

#العقائد

اي مدرسة ندخللها نلكه مدير ومعاون وتدريسيين

المعاون شنو وظيفته؟ ينظم العلاقة بين التديسيين والمدير ..العنده شي يجي للمعاون اليريد شي من المدير يستعين بالمعاون
النبي وظيفته أشبه بوظيفة المعاون
هو الواسطة بيناتنه وبين المدير اللي هو الله ..

زين النبي شلون نعرفه نبي !
ومنو يكول هو صدك نبي ؟
يجوز ديكذب؟

حتى منتيه ومنحتار ..
رب العالمين انطانه ٤ امور وكال اذا توفرت بالشخص اللي يدّعي النبوة ف هذا فعلًا نبي  .. شنو هن؟
١ _ التعيين الإلهي
٢_العصمة
٣_المعجزة
٤_العلم اللدُنّي

نجيهن وحدة وحدة
شنو يعني تعيين إلهي

يعني رب العالمين هو اللي يختاره ،
كلنا شاهدنا مسلسل يوسف الصديق
وكلنا شفنا المقطع اللي حجه بي النبي يعقوب وكال ان اخر نبي هو محمد ..رب العالمين اختار ان يكون اخر نبي هو محمد ..يعني تعيين الهي

مثلا الامام علي عليه السلام .. شلون تنصّب إمام؟ النبي هو اللي نصّبه بأمر الهي
كذلك النبي ، أيضًا بأمر إلهي يتنصب

وطبعا لازم يكون افضل اهل زمانه واعلمهم واكملهم ..

#يتبع