#العقائد...
اكو مصطلح عقائدي اسمه ( البِداء)
شنو يعني البداء؟
البداء خلي نبسطه أكثر فـ هو جاي من كلمة #يبدو_لي ...
يعني شنو؟
يعني مثلاً اني اليوم جنت مقرره اروح لبيت جدي وثاني يوم جان عندي امتحان صعب .. ف اني شنو كلت؟ كلت خلي اقره الامتحان اليوم ومن اكمله اروح لبيت جدي ... يعني يبدو لي انو لو اكعد اقره الامتحان افضل مما اروح لبيت جدي ...
هذا البداء في الانسان
اما البداء عند رب العالمين فهو يختلف ...
يعني اليوم انت مكتوبلك يصير بيك حادث .. طلعت للشارع ف انت ودتمشي تصدقت بصدقة بسيطة ... فـ رب العالمين دفع عنك الحادث بسبب هذا العمل اللي قمت بي ..يعني لان دفعت صدقة رب العالمين جازاك ودفع عنك البلاء
زين هنا يجي سؤال
لعد هو رب العالمين ميدري بيه راح ادفع صدقة؟ خو من البداية ميكتب الحادث لان يدري بيه راح ادفع صدقة؟
ونجي نكله لا. .. رب العالمين يدري وكل هذا موجود باللوح المحفوظ بس رب العالمين راد يوضحلنا آثار الصدقة لذلك صار هيج ...
الامام الصادق عليه السلام يكول( من زعم ان الله بدا له في شيء بداء ندامة فهو عندنا كافر بالله العظيم)
يعني شنو؟ يعني اكو ناس تعتقد او تكول انو رب العالمين ميدري انو هيج الانسان راح يسوي فيكتب شي وبعدين يتندم ويقرر غير شي!! !!!!
وبالحقيقة لا.. كل هذا موجود عند رب العالمين باللوح المحفوظ بس هذا للانسان!
رب العالمين اختصر هالشي كله وكال( يمحو الله مايشاء ويُثبّت وعندهُ ام الكتاب)
يعني ممكن فد امر يكتبه لمصلحة تقتضي ذلك بس بعدين يغيره ..ليش يغيره؟ حتى يبين للانسان هالمصلحة اللي اقتضت انو يكتب هالشي ...
يعني مثلا اليوم اني شفت ثنين بنات وحده مخليه مكياج وحده ممخليه
اجيت اني حجيت وي المامخليه ومدحتها. . اني ليش مدحتها؟ مدحتها حتى ابيّن للي مخليه مكياج انو حرام المكياج وانو وجهج بدون مكياج حلو .. يعني حجيت وي اللي ممخليه لان اريد ابيّن للمخليه مدى حُرمة المكياج ... يعني المصلحة اقتضت انو ابين هالشي!
ادري اليوم صعب شويه الدرس وبي لوفة بس ركزوا فدوه ... اقروا مره مرتين ثلاثة وكلولي افتهمتوا؟؟
أنت تقرأ
فــآئدٍةّ💎(الجزء الثاني)
Fiksi Umum💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
