الفصل الخامس و العشرون
مضت عده ايام كان حمزه يتماثل فيها للشفاء و اكتفى ادهم بالمتابعه و الاتصال به من حين لآخر للاطمئنان متعللاً بانشغاله الدائم بالعمل و التجهيزات الخاصه بالمستشفى بينما ظل حازم يتردد على المستشفى للاطمئنان على حمزه و سما
- ها ازيك النهارده و اخبار حمزه ايه ؟
- لِسَّه تعبان شويه انت عارف الام العظام بتبقى شديده و صعبه فى البدايه الدكتور لِسَّه مدى له مسكّن قوى و الحمد لله نام بس غلبنى
- ربنا يهون عليه الفتره الصعبه دى و يشفيه يا سما
- شكرًا على اهتمامك يا حازم و مكنش له لازمه التعب ده
- تعبك راحه يا سما و انا كمان حبيت حمزه اوى و بعدين دا الواجب انتى عشره قديمه و انا تحت امرك
- شكرًا
- طيب ايه ؟
- مَش فاهمه
- اعتقد ان حمزه هينام اكثر من ساعتين و مش هيصحى دلوقت و انتى هتكونى فاضيه ممكن بقى اعزمك على فنجان قهوه زى زمان
- ايوه بس
- اوعدك مَش هنتاخر و هارجعك هنا علطول قبل ما حمزه يصحى ارجوكى
- خلاص اللى تحبه يا حازم معنديش مانع .....
- ادهم انت فين ؟
- خير يا شيرى انا هنا فى المكتب
- عندى ليك اخبار ممتازه بس هاتدينى ايه الاول عشان اقولك عليها
- انتى عارفه انى كلى ليكى و اننا واحد
- ايوه و انا كسبت ايه بقى من الكلام الحلو ده
- طيب عايزه ايه ؟
- هاتجيب ليا هديه حلوه لما الموضوع يتم
- طبعا و من غير اى حاجه يا شيرى انا تحت امرك
- طيب يا سيدى ماشى هاحتفظ بحقى بعدين بس المهم انى اشوفك مبسوط و راضى
- طيب طمنينى ايه الحكايه ؟
- انا خلاص لقيت الشركه اللى هاتورد لنا الأجهزه و خصوصا اجهزه الغسيل الكلوى وتواصلت معاهم كمان
بتكلمى بجد يا شيرى طيب وًدى شركه مضمونه اقصد من ناحيه المواصفات و الاسعار
- بص يا سيدى المواصفات اللى بعتوها اكثرًمن ممتازه و الاسعار معقوله جدا عن مثيلتها فى السوق اتفضل اقرا الفاكس بتاعهم بنفسك ليتناوله منها باهتمام و يبدأ فى قراءته ثم يفكر و يقول
طيب يا شيرى فعلا لو على الفاكس اللى باعتينه و الشروط دى تبقى صفقه العمر بس برضه انا حاسس ان فيه حاجه بصراحه احنا لازم ناخد حذرنا و وسأل عليهم كويس اوى و نعرف لان المبلغ كبير و الموضوع مَش بسيط و خصوصا ان السعر اللى هما عارضينه اقل عن أسعار السوق كثير لتبتسم فى مكر و
- و دى تفوت عليا يا حبيبى ما انا برضه اخاف عليك اوى و انت عارف اننا واحد انا سالت و استعلمت عنهم كويس اوى و سابقه الاعمال وًالتوريدات بتاعتهم ممتازه و كمان انا هاسافر اطمن وأشوف وافحص و اشحن الأجهزه بنفسى ها قولت ايه؟
- تسافرى طيب ليه ؟
- لازم حد فينا يعاين الأجهزه دى هناك بنفسه يا ادهم و يكون دكتور ومتخصص كمان و فاهم فى المواصفات كويس دى مسئوليه كبيره و بعدين انت هاتمضى عليها يعنى لازم اامنك كويس و كويس اوى كمان
- يا حبيبتى يا شيرى ربنا ما يحرمنى منك بس ليه انا ممكن اسافر أعاين الاجهزى بنفسى و امضى العقد و اسكنها و ارجع انا مَش عايز اتعبك خالص و لو حابه انك تيجى معايا نقضى يومين هناك انا معنديش اى مانع
- لا يا ادهم مَش هاينفع ازاىًنسافر احنا الاثنين و التشطيبات اللى هاتخلص الأسبوع الجاى و تجهيزات غرف العمليات اللى لازم انت بنفسك تراجع المواصفات بتاعتها كويس دى مسؤوليه مين هايتحملها انا يا حبيبى ممكن استحمل و اصبر عشان خاطرك
- دا ايه العقل دا كله انتى هاتقلقينى كده
- مَش انت اللى قلت انى لازم اصبر معاك شويه فى البدايه و بعدين هى المستشفى دى مَش بتاعتنا و حلمى انا و انتى يبقى لازم نعمل اى حاجه عشان تنجح و عموما متقلقش عليا انا هاطلب منك و اخد حقى كويس اوى بس فى الوقت المناسب
- طيب يا ستى خلاص اللى تشوفيه بس هاتقدرى انك تراجعى على المواصفات يعنى انا خايف انهم يحطوا شروط مَش مناسبه او لتقاطعه فى هدوء و ثقه و هى تنظر فى عينيه بمكر و تقول
- متخافش يا حبيبى انت ناسى ان انا اشتغلت كثير اوى بره و عندى خبره كبيره جدا و بعدين انا مَش هامضى على اى ورقه انا هافحص بس الأجهزه و هاخد معايا مهندس مستقل عنهم و كمان هابعت لك العقود و الاوراق بالبريد توقعهم انتى و تخلص اجراءات الجمارك لانها هاتتشحن باسمك انت و لحساب المستشفى اللى انت صاحبها و الا ايه
- طيب خلاص يا شيرى بس عشان خاطرى انا خدى بالك من نفسك
- متخافش يا حبيبى كل حاجه هاتكون زى ما انت عايزه و زياده بس انت اعتمد عليا و هتشوف ....
- المكان عجبك
- لطيف فعلا انا مجتش المنطقه دى قبل كده رغم انى عشت هنا كثير
- المكان كله جديد بس عجبنى اول ما شفته هادى و المنظر و الخضره
لتنظر حولها و هى تبتسم و تقول
- جميل فعلا ثم تكمل بس ارجوك يا حازم منتاخرش يعنى انا عايزه ارجع قبل ما حمزه يصحى من النوم ان شاء الله
لينظر لها بحرج و يقول
- انا اسف اذا كنت احرجتك او ضغطت عليكى و لتقاطعه فى رقه
- لا ابدا يا حازم انت عارف معزتك عندى بس
- انا فاهم انا مجرد صديق قديم و طبعا انتى وقتك كله تقريباً مشغول و معندكيش وقت له
- انت خدت الموضوع بحساسية اوى يا حازم انا مقصدش
- يمكن فعلا عندك حق بس انا مصدقت شفتك قدامى هنا و بعد السنين دى كلها لتنظر له فى صدمه من تصريحه هذا لها
- اسف يا سما يمكن اكون جرىء زياده عن اللزوم بس انا خلاص بقيت لوحدى و معدش عندى حد فى الدنيا لا بيت و لا زوجه و طبعا و لا اولاد و امى و ماتت و اخواتى كل واحد الدنيا شغلته وقليل اوى اما بنسأل على بعض يمكن انتى ماضى عزيز عليا اول ما شفته حنيت له و
لتقول فى إشفاق
- طول عمرنا هانفضل أصدقاء يا حازم و مهما كان انا عمرى ما هانسى وقفتك معايا و جنبى و قتها
- شكرًا يا سما بس دا كان واجب اى واحد فى مكانى كان هايعمل كده و اكثر و انا اسف مره ثانيه اذا تجاوزت حدودى بس انا فعلا كنت محتاج حد اتكلم معاه
- و انا تحت امرك
- طيب تشربى ايه الاول هاجيب لك قهوه زى زمان انا عارف انك بتحبيها لتبتسم و هى تتذكر ليقاطعها صوت الهاتف
- ايوه يا هدى خير فيه ايه مازن ماله ايه اللى حصل؟ لتستمع لها بانتباه ثم تقول
-؟طيب خلاص اقفلى و انا هاكلمه و افهم منه
لتغلق الخط و تحدثه لفتره طويله غير منتبهه الى ذلك الذى يتابعها و يتابع الحوار باهتمام
اغلقت الخط و هى تنظر الى قهوتها التى بردت
- هاطلب لك واحده ثانيه حالا
لتجيبه فى ضيق
- بلاش ممكن نقوم احسن حمزه زمانه هايصحى و انا لازم ارجع المستشفى ثانى
- خلاص اللى تحبيه اتفضلى أوصلك
لتركب السياره و تشرد بعيدا فى خواطرها و المحادثه التى جرت منذ قليل
- مازن طمنى مالك ايه اللى حصل هدى بتقول ان كان صوتك كان عالى و بتكسر زى عوايدك و لما نزلت تطمن عليكم قفلت باب الاوضه و رفضت انك تكلمها او ترد عليها حتى ممكن انا افهم ايه اللى حصل بالضبط و خلاك بالشكل ده ليصمت و لا يجيب
مازن اتكلم معايا انت عارف الظروف كويس و حاله اخوك ممكن ترد عليا ايه اللى حصل و بصراحه لانى فعلا مَش مستحمله اكثر من كدهً ليصمت لفتره ثم يقول
هايدى
هايدى مالها ؟
لينفجر بغضب
- مَش عايزه تسيبنى فى حالى يا ماما بقالها فتره بتحاول تتصل بيا و تتواصل معايا و انا كنت باعمل لها بلوك بس كانت كل فتره بتتصل من تليفون ثانى و انا برضه مكنتش بارد عليها والنهارده
برضه حاولت تتواصل معايا و تكلمنى وكنت متعصب اوى و انفجرت فيها و طلبت منها انها تنسى ان لها ابن اصلاً بعد كل اللى هى عملته و بدات تعيط و تستعطفنى و تقولى انها تعبانه و محتاجه وجودنا جنبها و اننا نساعدها و نعطف عليها بس انا عارف و متاكد انها كذابه و بتحاول انها تضحك علينا و تستغلنا مره ثانيه فقفلت السكه و مردتش عليها
لتصمت وللحظه ثم تقول
- مازن انا مَش هاقدر اسالك هى عملت ايه و مَش هاقدر اقولك قاطعها مهما كان دى امك و لها حق عليك و انا مَش هازعل او اضايق لو انت احسنت لها مهما كانت او عملت
- لا يا ماما مَش هايحصل كفايه اللى هى عملته دى مبتحبش حد الا نفسها و انتى عارفه ده كويس كفايه انها دمرت حياتنا و استغلتنا أسوا استغلال و كمان اللى هى عملته و
- و ايه يا مازن
- لا ولا حاجه
- انت مخبى عليا حاجه انت و لارا و مَش من دلوقت من زمان من اول ما رجعتم البيت ثانى انا كنت حاسه بده بس انا عمرى ما هاضغط عليك او اسالك و لا حتى احاسبك
- عارف يا ماما بس و الله غصب عنى لتعود الى صوتها الحازم المغلف بالرقه و تقول
- انا مقدره عصبيتك و غضبك من الموقف و اللى حصل بس ده مَش مبرر تعمل اللى انت عملته و تفقد أعصابك
- اصل يا ماما انا ..:لتقاطعه بحزم
- مهما كان المبرر يا مازن انت عارف الظروف و انا معتمده عليك و فيه راجل فى البيت مع لارا تقوم تعمل كده و تتعصب زى الاطفال انا كنت متوقعه انك هاتكون عاقل و تتحكم فى أعصابك و تتعامل بهدوء
- مَش قادر يا ماما و خصوصاً انها لما رفضت أكلمها بدات تلعب نفس لعبتها القديمه عليا و تحاول انها تحنن قلبنا بطرق ثانيه هى تعرفها كويس عشان تضحك علينا من ثانى زى الاول
- مَش فاهمه عملت ايه ؟
- بعد ما عملت لها بلوك كالعاده و حاولت انى انسى الموضوع لقيتها خلت واحده ثانيه تتصل و تقول انها جارتها و انها تعبانه جدا و مَش فى وعيها و استنجدت بيا لان تليفونى على الموبايل بتاعها و هى مَش عارفه تتصرف و ان لازم ابنها او حد من اَهلها يكون جنبها فى الوقت ده و هو اللى يتصرف
- طيب ما يمكن تكون فعلا مريضه و محتاجه المساعده يا مازن
- انتى بتقولى ايه يا ماما انا عارف اللعبه دى كويس و سبق لعبتها عليا قبل كده و مَش هانخدع بيها ثانى ابدا مهما عملت او حاولت بس لما قفلت السكه كنت هاتجنن ازاى هى كده و ليه ليه دايما بتحاول انها تستغلنا مَش بنهون عليها او فى قلبها و لو حاجه صغيره من ناحيتنا انا محستش بنفسى الا و انا باكسر و اصرخ كان نفسى هى اللى تكون مكان الحاجه دى و اقولها كل اللى فى قلبى ده بس مَش هاقدر مَش هايكون عندى الشجاعه لده مهما عملت او قالت و فضلت اسال نفسى هى ليه مش زى اى ام ... احست كإنسانة و ام بألمه و عذابه و حيرته فى أسئلته التى لا اجابه لها لتقول لها باشفاق
- خلاص يا مازن انا فهمت و حاسه بِيك اوى بس عشان خاطرى انا حاول انك تكون اعقل من كده مَش عشانك عشان اخواتك و خصوصا لارا مازن انا معتمده عليك اوعى تخيب ظنى
- حاضر يا ماما و انا اسف دى كانت بس لحظه غضب و اوعدك انها مَش هاتتكرر ثانى ابدا مهما كان
- خلاص يا حبيبى وًلو حسّيت فى اىًوقت انك محتاج تتكلم انا موجوده و طنط هدى كمان موجوده و هى زيى بالضبط وًكمان بتحبكم اوى تمام زى ولادها خلاص اتفقنا اشوف وشك بخير
- ماما
- نعم يا حبيبى
- خدى بالك من نفسك و سلميلى على حمزه
- ان شاء الله ........
- بتفكرى فى ايه يا سما ؟
- ها ولا حاجه
- ازاى بقى دا انتى من ساعه ما ركبنا و انتى مَش هنا خالص
- معلش انا اسفه سرحت شويه
- سما ممكن اسالك على حاجه و ارجوكى متعتبريش ده تدخل منى
لا ابدا اتفضل
- انا حكيت لك كل حاجه عنى و عن ظروفى وكل اللى مريت بيه من ساعه ما افترقنا تسمحيلى انا بقى اسالك بس سؤال واحد
- اتفضل
مين حمزه و مازن والبنت
- ولادى يا حازم
- ازاى دول سنهم كبير اوى انهم يكونوا ولادك و بعدين انا سمعت جزء من المكالمه غصب عنى و حاسس ان فيه مشكله و احب انى اساعد
- انا متاكده يا حازم بس
- انا اسف فهمت دى موضوع خاص و ميصحش انى أتدخل فيه
- لا ابدا انت عايز تعرف ايه
- انا بس حابب افهم الدنيا عملت معاكى ايه يا سما فى السنين اللى فاتت
لتشرد و هى تقول
- ياااه عملت معايا ايه كثير ....كثير اوى يا حازم
- طيب ممكن تحكيلى
- ايوه بس
- ارجوكى الا اذا كُنتُى بتعتبرى دا تدخل منى فى حياتك الخاصه
- لا ابدا و على فكره اغلب الناس ممكن يعرفوا تفاصيل كثير من مواقع التواصل يعنى مش سر و لا حاجه
- طيب خلاص ممكن اعرف انا كمان يمكن أفيدك براى و كمان انا حابب افهم و اطمن عليكى
- طيب يا حازم هاحكيلك
- ياه يا سما كل ده مريتى بيه بعد ما افترقنا
- دا نصيب يا حازم
- فعلا تعرفى انتى يمكن ربنا بيحبك لانه خلصك من واحد انانى زيى فضل البيت و العيله و نفسه على انسانه مخلصه زيك
- حازم من فضلك
- انا اسف انا باكلم نفسى يا سما بس بعد كل اللى حكتيه و اللى حصل تخيلى انا اكون مبخلفش مَش انتى تفتكرى يا سما لوًكان الموقف اتعكس كنت هاتتمسكى بيا و لا هاتسيبينى عشان تبقى ام طبعا لا لانك مختلفه من اول ما شوفتك من سنين حسّيت انك مَش زى اى حد ثانى ابدا
- حازم من فضلك انت هاتخلينى اندم انى حكيت لك دىً مواضيع قديمه و خلاص راحت لحالها
- يمكن بالنسبه ليكى انتى بس يا سما بس بالنسبه ليا انا لِسَّه عايش فيها تعرفى انا دلوقت بس حسّيت انا اد ايه خسرت كفايه انى خسرت انسانه عظيمه و قلبها كبير زيك
- خلاص يا حازم من فضلك و بعدين انت مخترتش مَش احنا اتفقنا نكون أصدقاء
- خلاص اللى تحبيه بس انا كنت حابب انى ازور حمزه اكثر و أتعرف عليه لانه صوره منك وًكمان اشوف ولادك يا سما
- ان شاء الله .....
- ها يا شيرى طمنينى الاخبار عندك ايه ؟
- ازيك يا حبيبى انت اللىً عامل ايه من غيرى انا زى الفل و كله تمام قابلت مندوبين الشركه و المهندس عاين الأجهزه و اتفقنا على كل حاجه زى ما قلت لك وًكمان خدنا شروط كويسه اوى
- بجد يا حبيبتى ربنا ما يحرمنى منك ابداً انا مَش عارف من غيرك كنت هاعمل ايه
- ولا حاجه يا حبيبى انت عارف انا و انت واحد
- طبعا يا شيرى طيب ايه الخطوه الجايه هانعمل ايه بعد كده ؟
- و لا حاجه انا هاجهز الاوراق الخاصه بشحن الأجهزه بعد يومين و هابعتها لك بالبريد أمضيها و رجعها ليا فى اقرب وقت
- طيب ما انا كنت عملت لك توكيل و خلاص شيرى
- لا يا حبيبى انا مَش عايزه حاجه لازم كل حاجه تكون باسمك انت انا كل اللى يهمنى انى اساعدك - اكون معاك و جنبك
خلاص يا حبيبتى اللى تشوفيه
- عموما احنا لِسَّه قدامنا يومين و هاحاول ابعت الاوراق و اخلص اجراءات الشحن فى اقرب وقت ممكن
- تسلمى يا حبيبتى اشوفك على خير
لتغلق هى الخط و هى تبتسم فى مكر و تنظر الى الرجل الجالس امامها و ملامح المكر و الخبث ظاهره على وجهه
- جوزك
- ايوه
طيب هو عارف باللى اتفقنا عليه
- طبعا لا هو بس هايمضى و احنا نخلص الاجراءات و تشحن الأجهزه علطول بس زى ما اتفقنا مجرد ما البنك يحول لنا الفلوس انا عايزه شيك بالمبلغ اللى اتفقنا عليه اويتحول المبلغ وقتها لحسابى فورا لينظر لها صامتاً
- ايه بتبص ليا كده ليه دا حقى و نصيبى من الصفقه و انا مَش هاتنازل عن قرش واحد منه انا تعبت كثير و عملت حاجات كثير اوى عشان أوصل أكده
- طيب و جوزك لتضحك فى مكر و تقول
- جوزى ماله ما هو هايمضى و يستلم الأجهزه اللى كان نفسه فيها و بسعرعمره ما كان بيحلم بيه و الامور هاتبقى فل لو مشيت و عدت على خير خلاص الحمد لله
- طيب و لو حصل حاجه و عرف اللى عملنا و اتفقنا عليه
- طيب ما يعرف يعنى هو يقدر يعمل ايه القانون لا يحمى المغفلين و انا و هو انخدعنا فيكم و فى الصفقه كلها و انا مالى هو انا عندى خبره اد ايه يعنى لينظر لها فى مكر و يقول
- لا دا انتى مَش سهله ابدا
- بقولك ايه سيبك من كل الكلام ده لا هايودى و لا يجيب خلينا نتكلم فى باقى الترتيبات عشان منضيعش وقت.... لتبدا فصول مؤامره جديده ....
