مستعدين ارجو انكم تدونى رايكم قى احداث الحلقه الاخيره و الروايه و اتمنى تعجبكم و ياريت متابعه و فوت اشوفكم على خير فى الروايه الجديده اللى هاعلن عنها ان شاء الله قريب
الفصل الاخير (الجزء الثانى)
- ها يا دكتور طمنى
- واضح ان أعصابها تعبانه و مناعتها ضعيفه و انها أجهدت نفسها جامد فى لفتره اللى فاتت ودا اللى عمل لها فقدان للوعى
- هى سمعت خبر مزعج من شويه و فجاه لقيتها دايخه
- طيب دا سبب ثانى عموما انا أدتها مسكّن و مَش هاتفوق الا الصبح بس انتوا اهتموا براحتها و تاكل كويس و بلاش الحركه الكثير يعنى مفيش تعب خالص لحد ما تسترد صحتها شويه عموما تليفونى مفتوح لو احتاجت حاجه
- شكرًا يا دكتور ربنا ما يحرمنا منك ابدا
- العفو عن اذنكم ....
انه فى ساعته و تاريخه تم فتح المحضر بمعرفتى انا و كيل النيابه و بحضور كل من .... ليفيد بأقواله فى القضيه
- اتفضل يا دكتور احكيلى بقى كل اللى حصل
- انا خرجت من النيابه امبارح حضرتك بعد ما الدكتوره سما دفعت ليا الكفاله كان موقف انسانى منها رغم كل اللى عملته فيها
- و انت بقى بترد لها الجميل دلوقت يا دكتور
- لا يا فندم انا لما خرجت كنت زى المجنون مَش مصدق اللى عملته فيا الحقيره دى ازاى انها تتآمر عليا و تبيعنى و تضيع مستقبلى عشان شويه فلوس مكنتش عارف اعمل ايه و لا اروح فين اروحلها البيت و أواجهها و يمكن اقدر عليها و خصوصا انها معتمده انى مَش هاخرج من النيابه دلوقت و لا ابعد لحسن أقع فى مشكله جديده فضلت حيران بافكر لحد ما بعد فتره قررت انى اروح و أواجهها و يحصل اللى يحصل و كمان أحاول اسجل لها يمكن اقدر اخليها تعترف باللى عملته انا عارف ان التسجيل ده مَش قانونى بس كان ممكن يساعد اننا نضغط عليها فى القضيه وصلت العماره وقتها كانت سما خارجه انا لمحتها من بعيد ووقفت لحظه هى لحظه واحده كنت شايف حالتها و اللى هى فيه قلبى وجعنى عليها و ندمت كل ده حصل بسببًى انا و ياريتها عملت حاجه بالعكس اتحركت عشان أكلمها و احاول اعتذر لها و خصوصاً انى مقدرتش أكلمها و اشكرها فى النيابه لكن لقيت واحد بيكلمها و بتركب معاه مَش هاكدب على حضرتك اتضايقت و حاولت انى احصلهم او اعرف هو مين بس العربيه كانت مشيت وجهت كل غضبى للى فوق دى هى السبب فى كل اللى بيحصل ده و اللى احنا فيه و طلعت العماره كان مسئول الامن مَش موجود على مكتبه طلعت ودخلت الشقه حضرتك عارف انها شقتى و معايا المفاتيح و هى لِسَّه مراتى يعنى معملتش اى حاجه مخالفه للقانون لقيتها بتتكلم فى التليفون و تحجز ميعاد للسفر لانجلترا ثانى يوم الصبح كنت هاتجنن المجرمه عايزه تهرب بعد كل اللى هى عملته و بشقى عمرى و تسيبنى انا اتحاكم و انسجن عادى مفكرتش لحظه فى البيت اللى هى فيه و لا الزوج الساذج اللى كانت متجوزاه و لا مصيره هيكون ايه بعد ما خلصت المكالمه بتلف لقيتنى قدامها طبعا اتصدمت و ارتعبت مكنتش متوقعه وجودى و فى التوقيت ده بالذات
- ادهم انت خرجت امتى و ازاى؟
- و دا يهمك اوى يعنى عموما انا خرجت بكفاله عشان ربنا بيحبنى جاوبتنى وقتها بوقاحه رغم انى كنت عارف انها بتترعش من الخوف
- طيب حمد الله على السلامه بس اعتقد ان وجودك هنا مَش مناسب دلوقت و خصوصا بعد كل اللى حصل
- و هو ايه ايه اللى حصل يا دكتوره انا بقى حابب انى اعرف و افهم
- ادهم الوقت مَش مناسب دلوقت و كل واحد فينا اعصابه مَش متحمله كلام او نقاش و
- و مين قالك انى جاى اتكلم او أتفاهم يا دكتوره لتتراجع و هى تقول له بحذر
- تقصد ايه مَش فاهمه
- هو انتى فاكره انى ممكن اسمح لكى انك تدمرى حياتى و مستقبلى و تروحى كده بسهوله انا سمعت كل حاجه حضرتك حابه انك تهربى و تسافرى بعد كل اللى عملتيه و طبعا هاتروحى تعيشى حياتك و تتمتعى بفلوس المغفل اللى اتجوزتيه و ضيعتيه انا اتسجن و انتى عادى ولا كانك عملتى حاجه اصلاً
- ادهم انت فاهم غلط الظروف هنا بقت صعبه جدا و انا مَش قادره انى استحمل و بعدين انامالى بكل اللى حصل ده
- مالك و الكلام اللى قلتيه فى النيابه و اتهامك ليا و كل الكذب اللى حكتيه ده مع انك عارفه و متاكده انك انتى ورا كل حاجه حصلت مَش انا يبقى ايه لترد بخوف
- ادهم انا كمان أتضحك عليا زيك فى الموضوع ده بس كنت عايز منى ايه انى اقول الحقيقه و اتسجن مكانك و مستقبلى يضيع و اتشطب من النقابه انا مَش هاقدر اقعد فى السجن دقيقه واحده
- تقومًى تضيعينى انا
- انت مَش ملاك يا دكتور ما انت مهتمتش حتى انك تدقق و لا تشوف مفكرتش للحظه ليه الأجهزه دى رخيصه كده و لا انك تتاكد من اى حاجه كل اللى يهمك كان المستشفى و الربح
- عندك حق انا كنت مغفل زياده اوى عن اللزوم بس المغفل ده فاق و مَش هايسمح لكى انك تستغليه اكثر من كده
هايخد حقه منك و كويس اوى
- اسمع يا دكتور انا مَش باتهدد و مراعيه انك لِسَّه جوزى و مفيش داعى للفضايح و الخلاف مفيش فى ايدك حاجه تعملها و محدش يقدر اصلا و أظن ان كفايه كده و حضرتك تتفضل تمشى من غير مطرود و الا هاضطر انى اصرخ و الناس تتلم و ترجع السجن ثانى احسن لك تبعد عن طريقى و كل واحد مننا يروح لحاله و انا شخصيا هاختفى من حياتك و بأسرع وقت احسن ليا و ليك و للى حواليك ولا ايه
- فعلا انتى لازم تختفى من حياتى و حياه اللى حواليا يمكن انا ضعت خلاص بس مَش هاسمح لك انك تضيعيهم معايا انتى لازم تتحاسبى ود لوقت على كل اللى عملتيه و بتعمليه ده
- هاتعمل ايه قبضت على رقبتها و فضلت اخنق فيها حاولت انها تقاومنى بس انا كنت زى المجنون مَش دارى انا باعمل ايه لحد ما قطعت النفس ارتبكت و كنت عارف ان كل شىء انتهى هى وقعت على الكنبه و راسها اتخبطت جامد فى الخشب و انا فضلت واقف شويه و بعدين قررت انى امشى مكنتش عايز ان ينقبض عليا قدام الناس و بالشكل ده قلت انى هاروح و اسلم نفسى و يحصل اللى يحصل بعدها فضلت الكام ساعه دول بألف فى الشوارع و اسال نفسى ليه عملت كده و ايه اللى وصلنى للنهايه دى ومكنتش عارف ان سما هايتم اتهامها بدالى هى استحملت منى كثير اوى و خلاص كفايه كده بقى ليلتفت لها و هو يرى دموعها الصادقه من أجله
- انا اسف يا سما اسف على كل اللى حصل و كمان انا عارف انه مَش هايفيد بحاجه او يرجع اللى راح بس املى انك تقدرى فى يوم من الايام تسامحيني و تكملى حياتك من جديد مَش عشانى عشان الولاد و ارجوكى خدى بالك منهم و
- لحظه يا دكتور حضرتك بتتكلم كده عادى و مكملتش ايه اللى حصل بعد كده الدكتوره شيرين ماتت ازاى لينظر له بدهشه و يجيب
/ ما انا حكيت لحضرتك كل اللى حصل و انى خنقتها لحد ما ماتت ووقعت و سبت بعدها البيت
-بس الدكتوره شيرين يا دكتور مامتتش مخنوقه الدكتوره شيرين ماتت بعده طعنات نافذه بالصدر و البطن و واضح من المعاينه المبدئيه ان اغلبها كان من ظهرها لينظر له فى ذهول و هو يقول
- حضرتك بتقول ايه لا محصلش انا معترف انى خنقتها بس لكن ماطعنتهاش بالسكينه و بعدين انا دكتور يا فندم و اقدر اقتل بطعنه واحده مَش محتاج كل اللى حضرتك بتقوله ده
- طيب ما انت على كلامك معرفتش انها لِسَّه عايشه وقتها
- يمكن مع التوتر ووقوعها و راسها اللى اتخبطت والدم انا فقدت تركيزى بس هو ده كل اللى حصل المهم ان سما بريئه و معملتش او حاجه
- مَش يمكن انت اعترفت بكل ده عشان تنقذ مدام سما ليرد
- سهل اوى يا فندم من المعاينه الجثه تتاكد من كلامى و كل اللى قولته ده ليكمل المحامى
- فى الحاله دى انا باطلب الإفراج عن الدكتوره من سرايا النيابه و بدون ضمان يا فندم
- اصبر شويه يا استاذ القضيه غامضه و معقده وزى ما حضرتك شايف فيها تفاصيل كثير مَش مفهومه اكتب يا بنى امر بحبس الدكتور ادهم اربعه ايام على ذمه التحقيق و يراعى له التجديد و استعجال تقرير الطبيب الشرعى لبيان سبب وفاه المجنى عليها .....
- ها يا متر ايه اللى حصل ليقص عليهم كل ما دار بالداخل
- طيب طالما ادهم اعترف وكيل النيابه مافرجش عن سما ليه ؟
- لانه لِسَّه مَش متاكد من أقوال الدكتور ادهم و استعجل تقرير الطبيب الشرعى عموما أقوال الدكتور حسمت القضيه بالنسبه للدكتوره يعنى بمجرد التأكد منها هايتم الإفراج عنها و بدون ضمان
- طيب و دا هايحصل امتى؟
- المساله مسأله وقت يعنى كلها يوم او يومين الموضوع كله دلوقت فى أيد الطب الشرعى
- طيب و سما هاتفضل هنا ؟
- مفيش فى ايدنا حاجه نعملها الا الانتظار ....
- حمد الله على السلامه يا ماما
- مازن هو ايه اللى حصل؟
- ابدا واضح انك عايزه تشوفى غلاوتك عندنا الدكتور بيقول الحمد لله جت سليمه بس ترتاحى و تاخدى بالك من نفسك
نفسى... مازن عشان خاطرى فهمنى ايه اللى بيحصل بالضبط و متخبيش عليا حاجه
انا معنديش تفاصيل يا ماما كل اللى اعرفه ان مرات بابا دى اتقتلت و الدنيا مقلوبه و انهم اتهموا ماما سما بده ثم يدرك خطاه فيما قال ليصمت و لكن الاخرى تجاهلت ذلك و سالت
و بعدين يا مازن
ولا حاجه
طيب اتهموها هى بالذات ليه؟
عشان كل الخلافات اللى كانت بينهم فى الفتره الاخيره و القضيه و كمان عرفت انها كانت عندها و معاها قبل ما تتقتل علطول
ايه نظرت له بذعر ثم قالت
و انت عرفت الكلام ده كله منين ؟
من طنط هدى انا كلمتها و قالت ليا انهم هيفضلًوا هناك لحد ما يشوفوا هايحصل ايه
مازن انا عايزاك تتصل ليا ببابا خليه ييجى دلوقت لازم انى اتكلم معاه
بابا هو كمان هناك انا بلغته باللى حصل و هو قال انه هايحاول يتصرف و من ساعتها تليفونه مقفول عضت على شفتيها فى قهر ثم حاولت القيام من فراشها
ماما انتى. ريحه فين ؟
مازن ارجوك كفايه مده متحاولش انك تمنعنى انا لازم اخرج و دلوقت حالا
هاتروحى فين و ازاى و انتى بالشكل ده ؟
فيه حق لازم أرده و أرجعه لاصحابه ودلوقت قبل ما ربنا يسترد و ديعته
بعد الشر عنك يا ماما
دا مَش شر يا ابنى دا خير ورضا من عند ربنا المهم ربنا يمد فى عمرى لحد ما اقدر بس انى اصلح اللى عملته ده و انقذ ناس ملهاش ذنب
مَش هاينفع يا ماما انتى تعبانه و
هاتساعدنى عشان خاطرى يا مازن دا اخر طلب هاطلبه منك راى دموعها و انهيارها ليرد باستسلام
طيب يا ماما اللى تشوفيه ....
هاتفضلى قاعده كده يا هدى انتى هنا من امبارح
يعنى عايزنى اعمل ايه ؟
طيب و الولاد مَش تروحى تطمنى عليهم حرام انتى سايباهم من امبارح و مالوش لزمه القعده دى
انا اتطمنت عليهم من مازن و بعت لهم اكل و حلويات مَش هاسيب صاحبتى
مَش معقول يا هدى يعنى لو فضلت سما هنا لا قدر الله هاتفضلى قاعده كده
حازم من فضلك انا مَش مستحمله و بعدين ما حسام و عاصم هما كمان موجودين
طيب خلاص انا هاروح اتصل بالمحامى و اشوف اذا كان فيه جديد اقولك تعالى طيب نشرب قهوه فيه مكان قريب من هنا و نكلمه
ايوه بس
دى كلها نص ساعه يا هدى و انتى اكيد تعبتى لتقوم معه فقد كانت تحتاج الى الراحه بالفعل و لكنها تعاند نفسها
هانروح فين يا ماما
انا كلمت المحامى و عرفت هما فين اطلع على نيابه ....
طيب هانروح هناك ليه ؟
مازن عشان خاطرى لو بتحبنى كفايه اسئله شويه و هاتعرف كل حاجه
طيب يا ماما اللى تشوفيه ....
تقرير الطبيب الشرعى وصل يا فندم
طيب هاته فى الأختام و اثبته فى المحضر
هاتلى الدكتور و الدكتوره عشان نكمل التحقيق اكتب يا بنى
التقرير فعلا بيقول ان فيه اثار مقاومه طفيفه و علامات خنق بالرقبه و العنق و جرح قطعى بفروه الرأس يعنى الدكتور ادهم كان بيقول الحقيقه بس ده مَش السبب الرئيسى للوفاه السبب عده طعنات نافذه بالظهر و البطن
ليدخل كل منهما و قد ظهرت عليه اثار التعب
- اتفضلوا تقرير الطبيب الشرعى وصل و اكد على أقوال الدكتور ادهم و بناء عليه انا هافرج عنك يا دكتوره بضمان محل إقامتك بس حضرتك مَش مفروض تغادرى البلاد قبل انتهاء التحقيق
- الحمد لله قالتها فى تعب ثم استدركت طيب و ادهم ؟
- لا الدكتور هايفضل معانا على ذمه القضيه لان مفيش دليل قاطع انه مَش هو اللى ارتكب الجريمه
- ايوه بس هو قال لحضرتك انه ساب الشقه وقتها
- ايه اللى يثبت الكلام ده يا دكتوره عموما التحقيق لِسَّه مانتهاش و هانشوف ليطرق الباب
- فيه واحده بره يا فندم بتقول انها عايزه تقابل حضرتك ضرورى و بتقول ان عندها معلومات مهمه عن القضيه عايزه تبلغ حضرتك بيها
- خليها تتفضل
لتدخل و هى تستند على ذراع مازن لتصدم سما و ادهم من وجودها
- هايدى ايه اللى جابك هنا لم تجبهم و انًما التفتت الى ماز ن و قالت له فى هدوء و هى تجلس فى تعب على اقرب مقعد
- مازن ممكن تستنى بره شويه لو سمحت
- ايوه بس
- من فضلك ده تحقيق رسمى و مَش هاينفع ليخرج ثم تلتفت الى وكيل النيابه و تعتذر
- انا اسفه يا فندم انى قعدت بس حضرتك شايف حالتى الصحيه و كمان مكنتش حابه ان ابنى يسمع اللى هأقوله ليقاطعها ادهم فى غضب
- انا مَش عارف انتى ايه اللى جابك هنا اصلا و ايه علاقتك بالقضيه و أقوال ايه اللى هاتقوليها ابعدى عننا بقى عايزه تعملى ايه ثانى يا هايدى مَش كفايه و بعدين انتى مالك شكلك عامل كده ليه ؟
- دا انتقام ربِنَا و عدله يا ادهم و الحمد لله انا جايه مَش عشان أاذى حد بالعكس انا جايه النهارده عشان اريح ضميرى وأقول الحقيقه و ارد الجميل لناس انا أذيتها من غير ذنب ليقاطعها و كيل النيابه
- ومين حضرتك ؟
- انا هايدى طليقه الدكتور ادهم
- زى مدام سما
- ايوه يا فندم بس انا طليقته الاولى
- طيب و ايه علاقتك بالقضيه
- انا هاحكى لحضرتك كل حاجه و قبل اى حاجه انا كنت اعرف القتيله كويس و كويس اوى كمان لا انا اللى دخلتها حياتنا و كنت السبب انها عملت كل اللى عملته ده بس مكنتش اعرف ان النهايه هاتكون كده ليرد ادهم فى عصبيه
ازاى انتى كُنتُى تعرفى شيرين يعنى انا كنت المغفل اللى بتلعبوا عليه ليه يا هايدى حرام و مفكرتيش فيا او فى ولادك و
دكتور ادهم قالها و كيل النيابه فى حزم من فضلك دا تحقيق رسمى و اذا حضرتك اتكلمت ثانى مع الشاهده بالشكل ده هاطلع حضرتك بره ليصمت و هو ينظر لها بغضب
- سامحنى يا ادهم سامحونى كلكم انا عارفه انى مجرمه و انى عملت كثير بس ربِنَا خلص منى و كويس اوى لكن قبل كده كان لازم انى ارد الحقوق لاصحابها و اقول الحقيقه
- اتفضلى يا مدام انا سامعك
- شيرى كانت صاحبتى و كانت عايشه معايا فتره طويله و انا اللى رجعتها مصر عشان تتعرف بادهم بمعنى ثانى انا اللى سلطتها عليه هم ادهم ان ينفجر بها و لكن نظره صارمه من وكيل النيابه أوقفته لتتنهد هى و تكمل و هى تنظر اليه
- انا هافهم حضرتك كل حاجه و من البدايه .....
- مازن انت ايه اللى جابك هنا ؟
- ماما جوه
- هايدى بتعمل ايه ؟
- مَش عارف هى طلبت منى انها تيجى و بتقول كلام انا مَش فاهمه
لتبتعد و هى تنظر الى حازم فى قلق
- مالك يا هدى ؟
- ايه اللى جابها و كلام ايه اللى عايزه تقوله انا لازم ادخل افهم ايه اللى بيحصل ليمنعها و هو يقول فى غضب
- هدى انتى اتجننتى دا تحقيق رسمى و ممنوع الدخول اصلا بطلى التسرع ده و اهدى شويه
كادت ان تنفجر فى البكاء فلم تعد أعصابها تحتمل من كثره الضغوط عليها لينظر هو لها فى إشفاق و حب
- اهدى شويه انا اسف و بعدين ربنا عادل و ان شاء الله كل حاجه هاتكون كويسه كانت تحتاج الى تلك الكلمات لتنظر له فى اعزاز و هى تشعر بالرضا ان سفينه حياتها وصلت الى مرفأ امن ...
- دا كل اللى حصل يا فندم و انا معايا كل المستندات اللى تثبت ان ادهم برىء من موضوع الأجهزه و كمان مكاتبات شيرى مع الشركه و اتفاقها و ارقام التحويلات البنكيه لحسابها كمان لا دا انا اعرف أتواصل مع المخلص الجمركى اللى اتفق معاها انا اللى عرفتها عليه اصلا و هو ممكن يقول لحضرتك على كل حاجه و الحقيقه كلها
دا كويس اوى يا مدام طبعا دا هايفيد الدكتور ادهم فى قضيه الأجهزه لا هاينفى التهمه اصلا و يمكن يحفظ تحقيقات النقابه بس ده ايه علاقته بقضيه القتل موضوع التحقيق كل الكلام اللى انتى قلتيه ده ما ينفيش التهمه عن الدكتور ادهم بالعكس ده يمكن يأكدها زى مدام سما قبل كده هو عنده دافع و دافع قوى للانتقام اى حد هايعمل فيا اللى عملته القتيله انا ممكن اعمل معاها اكثر من كده و الظروف متوفره يبقى ايه
اكتب يا بنى يستمر حبس لتقاطعه فى عصبيه
لحظه من فضلك يا فندم انا لِسَّه مخلصتش كلامى و لا اعترافى لا سما و لا ادهم لهم علاقه بالقضيه دى اصلا و لا ارتكبوا الجريمه دى انا عارفه ده و متاكده منه كويس اوى
- ازاى يعنى ؟
- لانى عارفه مين اللى ارتكب الجريمه دى وعندى الدليل على كلامى لينظر كل من سما و ادهم اليها فى دهشه بينما يسألها وكيل النيابه فى اهتمام
- مين يا مدام احب اعرف ؟
- انا انا اللى قتلتها كان لازم اقتلها و اخلص الناس من شرها كانت هاتاخد كل حاجه و تهرب و هما هايتاذوا مره ثانيه انا يمكن صحيح اللى عملت كده من البدايه و دخلتها حياتنا بس ندمت و الله ندمت و لما حبيت انى اصلح غلطتى كان فات الاوان و هى مكنتش عايزه انها تتراجع كانت مصممه تدمرهم و تضيع حياتهم رغم انهم مالهمش ذنب انا كنت معاها و هى حاولت تساومنى على المستندات و لما مقدرتش حاولت انها تستغل ظروفى الصحيه و تاخدهم قاومت على اد ما اقدر و لما فشلت قتلتها و خلصت الناس من شرها ايوه كان لازم تموت عشان كل اللى ليا يعيش و يرتاح
-!و حضرتك عايزه انى اصدق انك انتى اللى قتلتيها و ان الدكتور ادهم برىء
- دا اللى حصل يا فندم. انا مستعده انى احكى لحضرتك كل اللى حصل و ازاى قتلتها و خرجت بعدها من الشقه بعد ما غيرت هدومى اصلا انا اللى اجرت الشقه دى معاها و معايا مفتاح المطبخ و سلم الخدم ثم تبتسم فى مراره و تقول لا انا كمان معايا دى لتخرج شيئا ملفوفا فى كيس اسود
ليسألها و كيل النيابه فى اهتمام
ايه دى لتخرجها و هى تعرضها عليهم و تقول
- سلاح الجريمه يا فندم الدليل اللى بتدوروا كلكم عليه افتكر بعد كده خلاص كل حاجه انتهت ثم تبكى فى حرقه لينظر الكل لها باشفاق فعلى الرغم من انها قاتله تعترف بجريمه قتل الا ان الجميع قد شعر بالشفقه عليها وقتها ربما لانها تعترف و تتطهر و تضحى من اجل من تحبهم لاول مره فى حياتها .
- سما التف الكل حولها عندما خرجت من الغرفه هى و ادهم ليسألونها
- الحمد لله ايه اللى حصل لتجيب بصوت حزين و هى تتنهد
- خلاص الحمد لله كل شىء انتهى و على خير
- سما انا.... كان ادهم من يحاول ان يتكلم
- ادهم من فضلك انا مَش حابه انى اسمع حاجه دلوقت او اتكلم فى حاجه كفايه لحد كده ارجوك ثم تكمل و هى تنظر الى مازن الذى كان ينظر لهم بتساؤل و كأنه يبحث عن امه
- شوف ابنك و اتكلم معاه خده فى حضنك و فهمه هما محتاجينك اوى دلوقت جنبهم و خصوصا فى الفتره الجايه دى ثم تلتفت الى المحامى و تقول
- ارجوك يا استاذ خليك مع هايدى و متسبهاش لوحدها احنا لازم كلنا نقف جنبها دلوقت و خصوصا انها اعترفت على نفسها عشان تنقذ حياتنا
هايدى ثانى يا سما قالتها هدى فى غيظ ثم انتبهت الى وجود مازن و ادهم لترد بخجل
انا اسفه بس
خلاص يا هدى بس هايدى و غم كل اللى حصل و اللى عملته تابت و اتغيرت لدرجه انها عايزه تكفر عن ذنبها وًكل اللىًحصل و اول خطوه عملتها النهارده لا م اننا نغفر و نسامح و نحاول نعيش و ننسى ثم التفتت الى مازن و هى تقول
ولا ايه ليخفض راْسه فى خجل فقد علم انها قد علمت بما كان
ماما انا
ولا كلمه يا ما ن خلاص مَش هانتكلم فى اللى فات انا فاهمه و مقدره و اللى عملته هايدى النهارده عشانى و عشان ابوك كفر عن كل اللى كان. ربِنَا معاها و يساعدها ثم تلتفت الى هدى و هى تقول
انا عايزه اروح يا هدى و عايزه ولادى
ليقول عاصم فى سرعه
- هدى انا هاروح سما و انتى عدى على البيت هاتى الولاد و تعالى
طيب و ماما سالها مازن فى حيره لتقول له و هى تنظر الى ادهم فى عتاب لم تستطع إخفاءه
ابوك هايفهمك على كل حاجه يا مازن ....
مضت عده اشهر من عمر الزمن على ابطالنا كانت سما جالسه فى الحديقه عندما وجدت هدى امامها
- بتعمل ايه يا جميل لتبتسم و هى تقول
- ابدا ولا حاجه
- امال بتفكرى فى ايه ؟
- فى هايدى و اللى حصل
- ثانى يا سما
-؟اصلها صعبت عليا اوى مَش قادره انسى منظرها و هى فى مستشفى السجن بتوصينى على ولادها و تطلب منى انى اسامحها
- و انتى يا سما سامحتى بعد كل اللى حصل
- تفتكرى ايه يا هدى دى دلوقت بين إيدين ربنا و هو اللى بيحاسب مَش انا يمكن هى عملت كثير بس ندمت و تابت ربنا يحسّن خواتمنا جميعا و بعدين عشان الولاد كمان ربنا يكون فى عونهم
- ربنا رحمها يا سما و يرحم الولاد كمان من اللى كان هايحصل انتى عارفه كان ممكن بحصل ايه لو فيه قضيه و حكم الحمد لله ان ربنا استرد وديعته فى الوقت المناسب
ربنا يرحمها و يغفر لها
طيب خلينا فى المهم انتى ايه اخر اخبارك يا عروسه لتنظر لها فى خجل و هى تقول
هو احنا هانعيده ثانى يا سما ما انتى عارفه اللى فيها انا مَش فاهمه حازم مصمم على حفله و فرح
حابب يفرح و يفرحك يا حبيبتى ربنا يسعد قلبك و يهنيكى و يعوضك عن كل اللى كان مَش محتاجه حاجه يا هدى؟
كله جاهز و انتى عارفه و على يدك هو انتى سبتينى لحظه اصلا
- ربنا يتمم بخير
- انا عايزه اطمن عليكى انتى كمان يا سما
- مالى ما انا كويسه الحمد لله اهو احنا كنّا فين و بقينا فين و بعدين انتى عارفه انى مشغوله بالمشروع الجديد اوى و فرحانه بيه اد ايه. عاصم كمان قرب يخلص كل التجهيزات
-!صراحه انا كنت هناك حاجه تفرح القلب و تشرف عارفه يا سما انتى لما قولتى ليا على الفكره من ثلاث شهور مكنتش مقتنعه بس لما شفت اللى أتعمل و المكان بصراحه حاجه تشرح و تفرح
- دى هاتبقى احسن دار للأيتام فى اسكندريه كلها و البيت القديم هايتملى بالحياه و الحب من ثانى
- ربنا يسعد قلبك و يعوضك خير يا حبيبتى و الولاد عاملين معاكى ايه ؟
- بنحاول ننسى و نبتدى من جديد من ثانى مانكرش ان اول يومين بعد وفاه هايدى كانوا فى منتهى القسوه عليهم و خصوصا لارا بس الحمد لله دول ولادى يا هدى و مَش هاستغنى عنهم ابدا و هايفضلوا معايا و جنبى لحد ما اطمن عليهم و يوصلوا لبر أمان
- طيب و الدكتور ادهم ؟
- من ساعه الوفاه و الدفن وهو مختفى و سمعت انه بيجهز اوراقه عشان يسافر انتى عارفه انه فقد كل فلوسه فى موضوع المستشفى دى و الحسابات بتاعه شيرى قدامها اجراءات طويله عشان تتفك و ترجع له من ثانى الحمد لله انه قدر يعمل تسويه مع البنك بعد ما أتنازل عن نصيبه فى المستشفى
- قدر و لطف و الحمد لله انها جت على اد كده طيب و انتى ؟
- الحمد لله انا بعت نصيبى كله بمبلغ كويس جدا و عاصم ساعدنى فى الموضوع ده
- طبعا الحب يعمل اكثر من كده
- هدى و بعدين معاكى ؟
- يعنى مَش ناويه تحنى و قلبك يرق على الراجل بعد كل اللى حصل ده دا كان هايتجنن و فضل معاكى لحظه بلحظه اكيد انتى حاسه بمشاعره و حبه من ناحيتك يا سما لتصمت ثم تقول
- ايوه يا هدى بس انا اللى اتغيرت التجربه اللى مريت بيها علمتنى ان الحب دايما مَش كل حاجه انا عايزه اخد وقتى و افكر و مَش هاخلى قلبى هو اللى يحركنى المره دى انا اتعلمت الدرس خلاص
- حرام عليكى يا سما هو عشان الحب قسى عليكى فى تجربه تقومًى انتى تقسى كده ارحمى شويه
- بقولك ايه خلينا فيكى انتى دلوقت
- طيب اللى تشوفيه
هل مضت ثلاثه أسابيع اخرى من عمر الزمن لتتزوج هدى فى يوم فرح لا ينسى و يلتقى كل حبيب بحبيبه كان اليوم هو افتتاح دار الأيتام بالبيت القديم و قد اجتمع الكل فى يوم جميل قل ان يتكرر كانت دموعها تنساب فى فرح و هى تقص شريط افتتاح المكان و ترى الاطفال حولها يلعبون و ينادونها بامى و هى تتجول فى أنحاء البيت بعينيها و على الرغم من انه لم يعد كما كان بعد ان قام عاصم بتجديده الا ان كل ركن فيه كان يحمل لها ذكرى لا تنسى لتنتبه على صوته
- سرحانه فى ايه ؟
- المكان بقى حلو اوى و يجنن انا فرحانه ان الولاد مبسوطين
- بصراحه انا مكنتش متوقع انه هايكون بالجمال ده و فى الفتره الصغيره دى
- البركه فيك يا باشمهندس
- لا البركه فى الحب اللى عمل كده لتنظر له ثم تطرق الى الارض فى خجل
- ايه انا اقصد حبك للخير وقلبك الكبير هو اللى عمل المستحيل لتبتسم له فى رقه كانت تعلم انها يلاعبها و انه يشعر بها كما تشعر به و لكنه لم يشأ ان يجبرها او يضغط عليها كانت عنده اغلى من ان يفعل سينتظرها و ان انتظر العمر كله فهى تستحق
- سما كانت هدى قد قطعت عليهم لحظتهم لتتراجع فى خجل ثم تقول باعتذار اسفه بس عايزينك بره
- ادهم.... كان يقف على الباب ينظر الى المكان فى شجن و يتذكر جنته التى هجرها دون سبب
- انا اسف انى جيت من غير ميعاد بس حبيت اقولك مبروك و اودعك على فكره المكان حلو اوى
- شكرًا يا ادهم ثم انتبهت هو انت هاتروح فين؟
- انا معدش ليا مكان هنا يا سما خلاص كل شىء راح و عايز ابتدى من جديد و انسى وجودى هنا بيعذبنى و بيفكرنى باللى عملته
- لسه زى ما انت يا ادهم ماتغيرتش
- مَش فاهم يا سما
- الدنيا و الزمن بيدولك فرصه ثانيه مَش بتتكرر كثير انسى يا ادهم زى ما انا بأحاول انسى ابتدى من جديد بس مَش بعيد ليه عايز تهرب من هنا و من نفسك مش هاتقدر مهما حاولت قرب من ولادك و خدهم فى حضنك هما دول حياتك و ثروتك الحقيقيه و هما محتاجين لك اوى و خصوصا الفتره الجايه اعمل خير و افرح بيه قدم المساعده المكان اه قدامك و فيه فرصه كبيره عشان تبتدى من جديد
- تفتكرى ينفع
- دا فى ايدك انت يا ادهم و انت الوحيد اللى تقدر انك تعرف و تجاوب على السؤال ده بنفسك او الايام هى اللى هاتدلك على الطريق و الاجابه ليصمت و هو ينظر لها
- طيب و انتى
- انا انا كنت ايام فى حياتك و عمرك ....كانت لنا ايام عمرها ما هاتتنسى و هاتفضل موجوده طول ما احنا موجودين و هاتفضل عايشه بس ذكرى فى قلوبنا انا و انت لو كان ينفع مكنتش اترددت لحظه بس عمر ما حد بيقدر يرجع العمر او الزمن دا القدر اتمنى لك الخير و السعاده و انك تلاقى اللى طول عمرك بتدور عليه لتتركه و هى تنظر الى عاصم الذى وقف ينتظرها ليمسك بيدها و يدخل بها لتلتفت مره اخيره الى ادهم الذى وقف وحيدا ينظر اليها فى شجن لتستدير و تنظر الى من وقف بجوارها ينظر لها فى حب و امل و تبتسم و هى تتخيل أيامها القادمه معه حيث تبدا حياه جديده مليئة بالفرح و الحب بعيدا عن جراح الماضى ....
كانت لنا ايام
فى القلب ذكراها
ياليتنا عدنا
او عادت الايامً.....
