الفصل الحادى و العشرون
- دكتوره سما
لترفع عينيها عن اوراقها و تسألها بضيق
- خير فيه حاجه هو انا مَش طلبت منك عدم الإزعاج لان ورايا شغل مهم جدا ولازم أخلصه
- انا اسفه انا عارفه ان حضرتك مشغوله و طلبتى عدم إزعاجك بس فيه واحد بره مصمم انه يقابل حضرتك و من غير ميعاد و طلب اننا نقولك و لما قلت له ان حضرتك مَش بتقابلى حد من غير ميعاد قالى ابلغ حضرتك بوجوده لتنظر لها فى دهشه و تخلع نظارتها و تسألها
- مين ده قالك اسمه ايه ؟
- الدكتور ادهم قالى ان اسمه الدكتور ادهم .....هل سمعتها جيدا ايكون هو من بالخارج ينتظر لقاءها . و لماذا لم يطلب موعداً من المحامى او يحدثها هى شخصياً
ربما خشى ان ترفض لقاءه فقرر وضعها امام الامر الواقع لازال يتعامل معها بمنطق القوه و لازال يظن انه يملك مفتاحها و زمام امرها هل ترفض لقاءه الان و تطلب حضوره فى وقت اخر ام تجعله ينتظر قليلا بالخارج ام انها تصرفات و افكار طفوليه و عليها ان تقبل لقاءه و تواجهه و افاقت من شرودها و خواطرها على صوت السكرتيرة يسألها
تحبى اقوله ايه يا فندم ؟ لتبتسم هى لها برسميه و هى ترتدى نظارتها مره اخرى و تقول
خليه يتفضل بعد خمس دقايق اكون خلصت الاوراق اللى فى ايدى و اطلبى لنا اثنين قهوه مضبوط لو سمحت
- حاضر يا فندم لتخرج و تغلق الباب فتشرد هى فى افكارها مره اخرى حتى يمضى الوقت ليطرق الباب و يدخل هو و هو ينظر اليها بثبات لتخلع نظارتها و تنظر اليه بانتباه ليجلس امامها و هو ينظر اليها بعينين لا يمكن ان تنساها كانت منذ سنوات تحمل لها الأمل و الاحلام و الحب اما الان فلا تذكرها الا بالغدر و الخيانه لتنظر له بثبات و حزم و فى عينيها نظره سخريه لم تعهدها هى حتى فى نفسها لم تخفض عينيها فى خجل كعادتها كلما واجهت عيناه و انًما نظرت اليه بقوه و بتحدى ليتحدث اخيرا ويقول
- ازيك يا سما
هل هذا كل ما استطاع قوله بعد شهور ايسالها عن حالها الم يعرف ما الذى تسبب لها فيه او ما واجهته و قاسته حتى تبدا من جديد الم يفكر ان يسال حتى عن اولاده او يطمئن عليهم لتجيبه بعناد
- انا كويسه اوى يا دكتور شكرًا على سؤالك ولو انه متاخر اوى كنت متوقعه انك تسال على اولادك او حتى تطلب تشوفهم نظر لها فى حرج و قد صدمه هجومها المباشر و الحاد عليه و ما زاد فى ارتباكه انها كانت صادقه فى كل ما ذكرته عنه ليرد فى احراج
- انا قلت ان من الأفضل الامور تهدى شويه و بعدين نتكلم و نتفق و بعدين انتى اللى كُنتُى بترفضى تقابلينى او تردى عليا يا سما لتضحك بسخريه و هى تسالهً بمراره
- و اللى حابب ان الامور تهدى يروح يرفع قضيه على مراته و ام ولاده
- سما انا لتقاطعه بحزم
- متقولش حاجه احنا مَش هانتعاتب يا دكتور عموما اهلًا بِيك تحت امرك هم بان يرد عليها ليقاطعها طرقات على الباب لتدخل السكرتيرة حامله القهوه انتظر حتى وضعتها امامه و خرجت ثم نظر اليها و ابتسم
- لِسَّه فاكره انى بأحب اشرب القهوه دلوقت يا سما لتنظر له للحظه فى صمت و كانها تفكر ثم تجيب
-أصول الضيافة يا دكتور انا لما بييجى ليا ضيف عزيز عليا لازم أكرمه
- و انا بقيت دلوقت ضيف يا سما.
لتتجاهل سؤاله متعمده ثم تسالهً
- ممكن اعرف سبب الزياره دى يا دكتور
- انا جيت عشان نتفاهم يا سما لان بينا عشره و بيت و اولاد و لتقاطعه
- و انت راعيت كل ده و كويس اوى يا دكتور
- مَش قلنا مَش هنتحاسب او هانتعاتب يا سما
- فعلا عندك حق طلباتك
- القضايا المرفوعة ممكن تتنازلى عنها و انا اوعدك انى اول ما افتح المستشفى و تشتغل هاديكى كل حقوقك و من غير اى نقص انتى عارفانى كويس و عارفه اخلاقى و متاكده انى عمرى ما هاخد منك قرش مَش من حقى
- و بعدين نطقتها هى فى استهزاء من حديثه
- يعنى ايه مَش فاهم ؟
- انت بتقول انى عارفاك كويس بس اتضح ليا بعد سنين انى لِسَّه معرفتش عنك حاجه ابداً بالعكس يمكن. ربنا أراد بس
- تقصدى ايه يا سما انا هو انا ادهم ما اتغيرتش و مَش هاتغير
- يمكن فعلا عندك حق انا اللى كنت مَش شايفه او فاهمه انا اللى ضحكت على نفسى و ضيعت روحى بس دلوقت مَش مستعده انى اخسر حاجه ثانى ابدا كفايه اوى اللى خسرته
- العمليه مَش مكسب و خساره يا سما
- امال هى ايه يا دكتور لما جوزى اللى عشت معاه سنين يروح يرفع عليا قضيه حضانه ز ى اللى رفعتها دى و عايز ياخد منى ولادى و بدون سبب وبدون ما يبلغنى او يحاول يطلب منى و هو اللى مشفش حتى ولاده من ست شهور يبقى ايه بتعاملنى على اللى حصل و الا ايه احب افهم
- انا مرفعتش حاجه يا سما دا المحامى هو اللى رفعها وأتصرف من نقسه و انا لما عرفت طلبت منه انه لتقاطعه
- من فضلك يا دكتور هوًالمحامى هيتصرف كن غير رأيك و حتى لو كان مسحبتهاش انت من البدايه ليه لم يستطع ان يخبرها ان غريمتها من طلبت من المحامى و ليس هو مسببه له كل تلك المشكله لمحاولتها فقط النيل منها ليتجاهل هذا و يجيب
- هو راح عشان يسحبها بناء على طلبى لقى القضايا اللى انتى رفعتيها
- وطبعا رجع يبلغ حضرتك و تشوفوا هاتعملوا ايه
- انتى عايزه ايه بالضبط يا سما ؟
لتنظر له للحظه ثم تجيبه فى برود
- عايزه حقى يا دكتور نصيبى اللى ليا عندك و فلوسى الامانه اللى أديتها لك من سنين و اعتقد ان ادهم اللى اعرفه لا يمكن انه ينكر ده ادهم اللى فى يوم رفض انه ياخد فلوس من واحده ست مهما كان و فضل انها تبقى شركه ولا نسيت يا دكتور
- انا منستش حاجه و لا يمكن انكر ان ليكى حق عندى بس انا كان عندى ظروف و الوضع اتغير و
لتقاطعه بسخريه و هى تجيبه
- انا فاهمه و عارفه الظروف دى كويس اوى يا دكتور بس مع الاسف انا ماليش اى علاقه بيها دى ظروفك انت الخاصه و اعتقد ان انت اللى تحلها و تتصرف فيها كويس مَش انا و لا ايه
ليفهم ما تقوله و برد بعصبيه
سما من فضلك مفيش داعى للتريقه و نكلم بعض بأسلوب احسن من كده شويه
اسلوب احسن من كده ردت عليه ببرود طيب يا دكتور و انا مغلطتش حضرتك اتصرفت فى فلوسى و ممتلكاتى و من غير ما حتى تاخد رأى صاحبتهم و و انا دلوقت بطالب بيهم اعتقد ان ده من حقى و خصوصا ان معدش فيه بينا اى علاقه تربطنا ببعض
- لا فيه الاولاد يا سما ولادنا هايفضلوا يربطوا بينا العمر كله و عشانهم لازم نحاول اننا نتفاهم و مفيش داعى للخلاف و المشاكل و الشوشره انتى عارفه دا ممكن يعمل ايه فيا و فيكى و الا ايه
- ولادنا اللى انت مسألتش حتى عليهم طيب يا دكتور ماشى برضه معاك حق نحاول نحل الموضوع ودى لتخرج من خلف مكتبها و تجلس امامه مباشره و هى تنظر له بتحدى
- طلباتك يا دكتور يعنى حضرتك بتقترح ايه؟
لم يستوعب منطقها المباشر ليقول لها
- انا كل اللى طالبه شويه وقت مهله أوفق فيها أوضاعى و
- اد ايه بالتحديد يا دكتور سالته بأسلوب مباشر
- يعنى كام شهر لحد ما اخد القرض و المستشفى تشتغل و
- طيب ده بالنسبه لفلوسى و أرباح المستشفى فى السنين اللى فاتت طيب و الالتزامات اللى عليك يا دكتور يعنى حقوقى و حقوق الاولاد و مصاريفهم و لا دى كمان هتاجلها لانى مَش محتاجه
ليرد فى عصبيه
- لا يا سما و بعدين انتى عارفه و متاكده انى مَش من النوع ده و مَش ممكن اخد حق من حقوقك و لا انكر حقوق ولادى و الالتزامات اللى عليا
- طيب كويس اوى هاتعمل ايه فيهم هما كمان ؟
- سما انا بأحاول انى اخد قرض من البنك عشان الأجهزه و المستشفى الجديده و اى شوشره او صراعات هاتوقف ده كله و انتى ما يرضيكيش انى ....
- فعلا يا دكتور بس انا كمان محتاجه فلوسى دى عندى ارتباطات و التزامات و كمان البيت الجديد يعنى حياه جديده و مصاريف و بعدين دا حقى و لا ايه يمكن يكون عندى موارد ثانيه بس انا مَش هاقدر انى اتصرف فيها كلها و اقعد كده انت كمان ميرضكش ده يا ادهم و لا ايه
- يعنى خلاص وصلنا لطريق مسدود و مَش هانعرف نتفاهم
- بالعكس يا دكتور طالما انك جيت لحد هنا و بنفسك انا مَش ممكن انى ارفض انت مهما كان كنت جوزى و ابو ولادى ليسألها فى امل
- يعنى ايه هاتصبرى ى عليا شويه
- لا مَش هاينفع لانى متاكده انك مَش هاتقدر تسدد فى المهله اللى هتاخدها مهما كانت انت عارف الديون اللى عليك دى اد ايه يا ادهم ملايين مهما حاولت مَش هاتقدر و كمان عندك قرض البنك هاتسدد لمين فينا و كمان دى مَش حقوقى انا لوحدى دى حقوق ولادى
و انا لازم احافظ عليها
- طيب هانتكلم و نتفق على ايه اذا كُنتُى رافضه المبدأ اصلاً
انا عندى حل لكل ده يريحك و يريحنىًانا كمان و يحل الموضوع من اساسه لينظر لها بدهشه و يسألها
ازاى يعنى مَش فاهم ؟
- اسمعنى كويس يا ادهم و اذا وافقت على كلامى ده انا هاكلم المحامى يعمل كل الترتيبات القانونيه ليصمت وهو ينظر لها بينما ترفع هى سماعه الهاتف و تطلب من السكرتيرة الا يقاطعهم احد و ان تحضر لها المزيد من القهوه
- حضرتك متاكد من الكلام ده يا دكتور يعنى انت خلاص فكرت و قررت
- و هو فيه حل ثانى يا متر يحل المشكله اللى احنا فيها دى غير كده ليصمت الاخر و لا يجيب مفكرا للحظه
- الصراحه لا و دا هايحل كل المشاكل و القضايا و كمان هانقدر نركز على موضوع القرض و ممكن كمان يساعدنا أأنا نخلص الجزاءات و بسهوله بس
- بس ايه
- حضرتك عارف انك بكده حساباتك كلها هاتكون مكشوفه و معندمش رصيد يعنى مش هايكون معاك الا مبلغ بسيط تعيش منه ودا لفتره طويله
- انا عارف كل ده يا متر و فكرت كويس بس مفيش قدامى حلول
- فعلا انا نفسى مكنتش متوقع ده لا حتى مستغرب ان الدكتوره هى اللى اقترحته عشان تحل المشكله انا كنت متصور انها
خلاص يا متر ارجوك الموضوع انتهى و احنا اتكلمنا و اتفقنا و خلاص ممكن حضرتك تاخد إجراءاتك و انا هاوقع لك الاوراق المطلوبه
اللى تشوفه يا دكتور ادهم انا هاجهززكل حاجه و اكلم حضرتك .....
- ورضى يا سما لتنظر لها سما بابتسامه
- مكنش قدّامه الا انه يقبل يا هدى ادهم أتعود انه طول عمره ياخد كل حاجه ببساطه و سهل اوى انه يتخلى عن كل حاجه بنفس الطريقه المهم انك تعرفى ازاى تتكلمى معاه و تقنعيه و مفيش مانع من شويه ضغط
ايوه يا سما بس دى مَش اى حاجه دا حلم عمره كله وشقى سنين
- يمكن بس انا كنت متاكده انه هايقبل يا هدى بالعكس دا حتى محاولش انه يقول لا او حتى يعترض
- طيب و انتى هاتعملى ايه بعد كده
- و لا حاجه انا كده خلاص يا هدى اخدت كل اللى انا عايزاه وزياده الحمد لله و حقى و حق ولادى ورجع و مَش فاضل الا انى انسى وأبدا افكر فى بكره
- اشوف وش شيرى دى لما تعرف و ان كل اللىًكانت بتخطط له و ترسم له ضاع كده و فى غامضه عين
انا ميهمنيش انها تعرف او لا يا هدى انا معملتش ده عشانها و هى مَش فى دماغى اصلا ثم تنظر لها بشقاوه و تقول
بس تعرفى انا برضه نفسى اعرف و اشوف رد فعلها لما تعرف و اعتقد ده هايكون قريب اوى فى الافتتاح لتضحك هدى و تقول
- بقيتى شريره يا سما
- انا يا دودو الله يسامحك انا عمرى ما اخدت غير حقى و يمكن اقل من حقى بس المهم انسى ورانا شغل كثير اوى
- زى ايه بقى ما احنا خلصنا ترتيبات العدد الجديد و بنجهز العدد الثانىً كمان دار النشر اخترنا مجموعه كتب ممتازه للنشر دا كفايه بس العناوين متوقعين انها هاتعمل ضجه فاضل ايه ثانى هو احنا ماورناش الا الشغل ارحميني بقى انا تعبت و عايزه اشوف نفسى شويه
- محدش بيتعب من الشغل و خصوصا اذا كان بيحبه بالعكس الشغل بيبنى و يساعد بس انا مقصدش هنا انتى ناسيه اننا لازم نروح نستلم الفيلا من المهندس و كمان لِسَّه الفرش و الأجهزه
- لا دى شغلانه يا ماما محتاجه تعب و مجهود كبير اوى و انا مَش حملها
- يعنى ايه هاتتخلى عنى و مَش هاتساعدونى كده يا هدى
- بصى انتى حبيبتى بس انا عندى شويه عيال فى البيت و لازم أشوفهم و اراعيهم حرام عليكى دا انا معدتش باشوفهم الا فى المناسبات
- تقصدى ايه طيب ما انا ولادى انا كمان صغيرين بس واللهًانا عمرى ما اتاخرت عنهم و انتى عارفه
- خلاص يا جميل انتى تروحى تلفى و انا اخد بالى من الولاد هاتيهم يلعبوا مع الاولاد بدل ما يكونوا لوحدهم و اهو تبقى مطمنه عليهم و انا هاخد بالى منهم اه كده ابقى ساهمت معاكى بأهم حاجه و الله ايه
- يعنى بتهربى بأسلوب لطيف
- عيب عليكى
- ماشى يا هدى ......
- مبروك يا دكتور ادهم البنك وافق على القرض و هانبدا اجراءات شرا الأجهزه فى اقرب وقت ممكن
- طيب كويس الحمد لله كويس اوى
- حضرتك جهز نفسك و اختار شركات موثوق بيها عشان نبدا اجراءات التوريد
- انا اخترت خلاص والحمد لله و هانبقى جاهزين خلال ست شهور
- ممتاز و الف مبروك مره ثانيه
- خير يا حبيبى
- دا المحامى بيبلغنى انه خلاص اجراءات القرض أتوافق عليها
- طيب الف مبروك يا حبيبى مبروك علينا ها قولى بقى هاتجيبلى ايه بقى بالمناسبه الحلوه دى ؟
- مَش فاهم
- يعنى انا عايزه هديه حلوه كده منك بالمناسبه الحلوه دى
-اللى انتى عايزاه يا شيرى انا تحت امرك لتقترب منه و هى تقول فى نعومه
شوف بقى يا حبيبى انا عايزه فيلا صغيره اسكن فيها مهو مَش معقول اكون الدكتوره شيرين حرم الدكتور ادهم و اسكن فى شفه قانون جديد لينظر لها بصدمه ثم يقول
ايوه يا شيرى بس انتى شايفه ان ده وقته يعنى انا محتاج لكل قرش عشان اكمل فلوس الأجهزه دا اذا القرض كفى و مَش هاقدر دلوقت انى لتقاطعه فى غضب
- انا مَش اقل من حد انت متعرفش ان الدكتوره اشترت فيلا كبيره و فى احسن مكان و بتجهزها دلوقت
- و احنا مالنا هى حرهً يا شيرى و بعدين دى فلوسها
طيب و انا هو انا اقل منها فى حاجه يا دكتور هو انا مَش مراتك دا انا حرم الدكتور ادهم و المفروض أعيش عيشه ثانيه غير دى كاد ان يغضب لتجيبه بدموع التماسيح
انا نفسى احس انى زى اى ست عاديه ليا زوج و بيت خاص بيا اعمله حته حته و على ذوقى يعنى هو حرام انى احلم ان يكون لنا بيت مع بعض و نبنيه سوا و نحلم لبكره و لا انت معتبرنى محطه مؤقته فى حياتك
- انتى بتقولى ايه يا شيرى ازاى تفكرى كده
- طبعا افكر ما انا كنت جوازه سهله لا مهر ولا شبكه وعشان انا بحبك ضحيت بكل حاجه و مفكرتش فى اى حاجه الا انى اكون بس معاك و جنبك واستحملت كل ظروفك حرام دلوقت انى احلم مستخسرها فيا حته بيت
- انا مقولتش حاجه يا شيرى و مقدر حبك ده بس انتى اكثر واحده عارفه الأجهزه المطلوبه غاليه اد ايه دا انا مَش عارف لحد دلوقت هأكمل باقى المبلغ ازاى
- و اللى يحل لك الموضوع ده
- ازاى يا شيرى مَش فاهم يعنى هاتعملى ايه ؟
- انت عارف انى عشت بره فتره كبيره من حياتى و دراستى و عندى علاقات كثير اوى مع بعض الشركات و اقدر اجيب لك اللى انت عايزه و بشروط ممتازه و تخفيض كمان
- بس المواصفات
انت ناسى ان انا كمان دكتوره و متخصصه و افهم فى المواصفات و الأجهزه و بعدين اناًهاجيب لك المواصفاتً و الكتالوجات و انت ممكن تختار اللى يناسبك و بأسعار ممتازه
صحيح يا شيرى تقدرى تساعدينى فى الموضوع ده
- طبعا يا حبيبى هو انا عندى كام ادهم و اقولك مَش هاطلب حاجه الا لما الاتفاق يتم و الأجهزه تيجى و تتركب و يبقى معاك فلوس كمان يعنى هاصبر للاخر ها ايه رايك
ربنا يخليكى ليا يا شيرى انت حليتى ليا مشكله كبيره جدا و بصراحه انا من غيرك مكنتش هاعرف اعمل ايه لتأخذه بين أحضانها و هى تنظر له بمكر
انت بتقول ايه يا حبيبى هو انا عندى كام ادهم و هو انا و انا ايه يا حبيبى مَش واحد برضه ....
