المهاودة فصل مميز يعنى نقدر نقول بدايه النهايه و الحقيقه هاتبدا تظهر مستنيه تعليقاتكم و نتقابل بمفاجآت كثيره و مختلفه بعد العيد ان شاء الله و كل سنه و انتم طيبيين
الفصل السابع و العشرون
- مساء الخير ازيك دلوقت يا حمزه
- عمو حازم ازى حضرتك؟ ليقترب منه ى يقف الى جواره و يقول بابتسامه
- انا الحمد لله يا سيدى بس طمنى الاول الجلسه كانت كويسه
- يعنى الحمد لله كانت متعبه شويه بس انا دلوقت احسن بكثير
- ان شاء الله بكره هاتخف و تبقى احسن بص بقى يا سيدى انا جبت لك ايه
- ايه ده ؟
- انا عرفت من سما انك بتحب الكتب زيها و بالذات المجموعه دى فجبت لك احدث أصدار نزل منها ها ايه رايك لينظر له حمزه فى امتنان
- شكرًا يا عمو فعلا دى هاتساعدنى امضى وقتى هنا بس دا كثير اوى حضرتك تعبت نفسك
- لا تعب و لا حاجه و بعدين احنا مَش اتفقنا نبقى اصحاب و انا ما صدقت انى لقيت صاحب لطيف زيك و بيحب القرايه كمان و بعيد عن ماما لو احتجت حاجه انت بس قلى
- شكرًا لحضرتك
- العفو يا حبيبى امال فين ماما و اخواتك
- كانوا هنا من شويه بس هما جاعوا فماما قالت هاتنزل الكافتيريا تجيب لهم اكل
- طيب انا هانزل اشوفها و اجيب قهوه تحب اجيب لك حاجه معايا
- لا شكرًا يا عمو هم بان يتحرك لكنه سمعها تنادى باسمه وهى تدخل من الباب
- حازم انت هنا
- مساء الخير يا سما ليكمل حمزه و هو يشير الى الكتب شفتى يا ماما عموًحازم جاب ليا ايه لتنظر له مبتسمه و هو يكمل دول هايسعدونى انى امضى وقتى هنا انتى عارفه انى بازهق بالليل لما تسيبونى لوحدى
لتلتفت له و تقول برقه
- شكرًا يا حازم و لو انك تعبت و كلفت نفسك
العفو يا سما و بعدين انا حبيت حمزه اوى و هو زى ابنى و نفسى انه يبقى مبسوط نظر كلاهما الى الاخر للحظه دون كلام ليقطع ذلك الصمت نظرات ناريه اتت من عند الباب ليدخل ادهم و شيرى فى تلك اللحظه و هو ينظر لكلاهما بغضب و يقول
الظاهر انىً جيت فىًوقت غير مناسب لتنظر له سما فى تحدى و هى تجيب عليه ببرود رغم كلامه المستفز
لا ابدا يا دكتور انت تبجى فى اى وقت لابنك اهلًا و سهلاً
مَش تعرفينا يا دكتوره نطقتها شيرى فى خبث و على وجهها ابتسامه مستفزه و هى تنظر الى حازم لتجيبها سما بهدوء
دا الاستاذ حازم الملحق الثقافى هنا فى لندن و بيشتغل فى السفاره
اه اهلًا و سهلا تشرفنا لتكمل و هى تشير اليها
ودى الدكتوره شيرى حرم الدكتور ادهم كادت الدهشه ان تعقد لسانه فهو لم يتوقع ما قالته الان بالمره لينتبه الى نفسه و يمد يده فى لياقه و يقول
اه تشرفنا با دكتوره
الشرف ليا يا فندم ثم تتقدم و تجلس دون ان يدعوها احد الى الجلوس و تسالهً بمكر
بس غريبه هو حضرتك تعرف حمزه منين عشان تزوره يا استاذ حازم و لا انت تعرف ادهم
لتجيبها سما فى تحدى
لا يا دكتوره الاستاذ حازم صديق قديم و هو دايما بيحب يطمن عليا و على اولادى
اه طيب ربنا يديم المحبه و الصداقه لتنظر لها سما بغيظ بينما كاد ادهم ان ينفجر بينما يكمل حمزه بلطف
الحقيقه عمو حازم فضل معايا وقت طويل اوى بعد العمليه وكان دايما بيساعدنى و يخفف عنى انا مَش عارف أشكره ازاى
متقولش كده يا حمزه انت زى ابنى ليردّد ادهم بغضب و هو يقول لحمزه
حمزه هو الدكتور مَش قالك انك لازم تستريح فى الفتره دى بالذات يعنى المجهود الزايد و الزيارات ممنوعه لينظر له حمزه و يردد بحرج
ايوه بس
أظن ان كفايه عليك كده النهارده و تحاول انك تنام شويه و لا ايه
حاضر يا بابا نظرت له سما بغضب فقد كان أسلوبه الجارح واضحاً ليرد حازم فى حرج
لازم يا حمزه تسمع كلام بابا هو ادرى مننا كلنا بصحتك و مصلحتك
طيب با عمو
طيب تصبح على خير يا حبيبى انا هاسيبك دلوقت عشان تستريح
و انت من أهله
طيب و انت هاتروح فين دلوقت دلوقت يا حازمً نطقتها سما فى تعاطف و هى تنظر لادهم بضيق
هانزل الكافتيريا أشرب قهوه و بعدين اروحً لتنظر الى ادهم بتحدى ثم الى حمزه
حبيب ماما انت محتاج منى حاجه دلوقت و الا امشى لينظر اليها ادهم فى صدمه
لا يا ماما شكرًا انتى عارفه طالما انكم هاتمشوا انى هاحاول انام زى ما بابا قال
طيب يا حبيبى انا هاسيبك مع بابا دلوقت شويه و هاحاول اجى لك بكره ان شاء الله بدرى
براحتك يا ماما اللى تشوفيه لتذهب و تقبله و هى تقول
تصبح على خير يا حبيبى
و انتى من أهله
ثم تلتفت الى حازم و هى تقول بتحدى له و لمن معهم
حازم انا ليا عندك فنجان قهوه و الا ايه و انا محتاجه واحد دلوقت لانى جالى صداع تعال ننزل نشربه سوا فى الكافتيريا و بعدين ممكن توصلنى فى طريقك لو سمحت ليبتسم لها و هو يقول برضا
انا تحت امرك طبعا
طيب يلا بينا هاجيب الولاد من الحضانه هنا و احصلك ليخرج بينما تحمل هى معطفها و حقيبتها و تنظر الى شيرى فى سخريه و احتقار و تقول
فرصه سعيده يا مدام شيرى و شكرًا على الزياره ثم تتركهم و تخرج ليظل هو مصدوماً من اسلوبها الساخر فى الحديث وًمن تحديها له منذ قليل ليسرع خلفها فى الممر و هو يناديها
سما لتلتفت هى له و تسالهً
خير يا دكتور فيه حاجه
لا كنت بس حابب انى اتكلم معاكى شويه
ممكن ناجلها لوقت ثانى اصلى فعلا تعبانهً و زى ما قلت من شويه عندى صداع وًكمان حازم مستنينى خليها لبكره هو انت مَش هاتيجى لحمزه برضه بكرهً
ليرد هو فى غيظ
لا دلوقت ثم يدرك أسلوبه الحاد معها من نظراتها اليه فيكمل بهدوء
مَش هاخد من وقتك كثير
طيب اتفضل لتدخل له احد استراحات الزوار وتجلس و هى تنظر اليه و قد طال الصمت بينهما .....
ها يا مازن احكيلى بقالك مده ساكت قلت انك هاتفهمنى و بعدين يكن و مَش حابب تتكلم ممكن تفهمنى ايه اللى حصل و بالتفصيل
ليرد بسرعه و كانه يخشى التراجع فى حديثه او التردد مره اخرى
- انا جاتلى مكالمه النهارده
- من مين من هايدى
- لا من الدكتور ....
لتصمت فى حيره و هى لا تفهم و قد التبث عليها الامر ليظهر ذلك على ملامحها و يقول
- انا هافهم حضرتك ماما من شهور لما حاولت انها ترجعنا ليها كانت دايما بتحاول انها تحنن قلبى و تستغل ضعفى من ناحيتها فبدأت تفهمنى انها تعبانه و انها محتاجه انى اكون جنبها و معاها و كلمتنى اكثر من مره وقتها لحد ما فى يوم استنجدت بيا و انا طلبت الدكتور ... دا ابو واحد صاحبى و يعرف بابا كويس و هو وقتها سالنى ليه مبلغتش بابا و استعنت بيه وًقلت له انهم منفصلين و ان فيه بينهم خلافات قديمه و صعب انها تتحل هو راجل محترم جدا و بيحبنى زى ابنه و حب انه يساعدنى
- طيب و بعدين سالته هدى فى اهتمام
- جه بنفسه لحد البيت وزارها و هى وقتها قالت انها جابت دكتور ثانى بس انا طلبت انه يفحصها طالما جه و هى وافقت و طلب وقتها فحوصات و تحاليل و أداها الكارت بتاعه
- طيب و ايه الجديد يا مازن انا مَش فاهمه
- هى حاولت من مده تكلمنى بعد ما حصل اللى حصل بينا
- مَش فاهمه اللى عرفته انكم اختلفتم معاها لكن السبب ايه معرفش ليعض على شفتيه فى غضب فهو لم يستطع البوح لأبيه او لسما بالاتفاق بين هايدى و شيرى
- ايه يا مازن مالك سكت ليه
- اصلى مَش هاقدر اقول لحضرتك دلوقت هى عملت ايه كل اللى اقدر اقوله لكى اننا مقدرناش نسامحها عليه و قاطعناها ورجعنا هنا من ثانى بعد ما قطعنا كل صله بيها خالص
- للدرجه دى طيب عموما انا مَش هاضغط عليك او اسالك احكيلى انت فى الوقت اللى يناسبك.
- كل اللى اقدر اقوله انها حاولت بعد كده تتواصل معايا و انا رفضت لحد من فتره رجعت لنفس النظام القديم و الابتزاز العاطفى و انها تعبانه و محتاجه ليا لدرجه انها حاولت تستعين بجاره ليها او صاحبه عشان تقنعنى انى اسمعها او أكلمها و انها تعبانه و محتاجه و لادها جنبها
- و انت عملت ايه ؟
- رفضت و عملت لها بلوك مكنتش قادر انى اسمع لها او أصدقها ثانى بعد اللى حصل و اللى عرفته
- و دا كان سبب عصبيتك فى الفتره اللى فاتت
- ايوه و لما ماما سما طلبت منى انى احاول اتحكم فى اعصابى و اكون على اد المسئوليه انا حاولت اهدى و انسى
- طيب ايه اللى حصل
- جات لي مكالمه غيرت كل ده لتنظر له فى دهشه وًهى تسالهً
مكالمه من مين يا مازن
من الدكتور ... زميل بابا اللى حكيت لحضرتك عليه و انى استنجدت بيه لما هى قالت انها تعبت اول مره
- اه والد صاحبك
- فعلا
- طيب و هو كلمك ليه ليصمت و لا يجيب
- فهمنى يا حمزه
- قالى انها تعبانه فعلا و محتاجانى و انه لازم نتقابل عشان عايز يتكلم معايا لتصمت للحظه ثم تسالهً
- و انت ناوى على ايه يا مازن لينظر لها بحيره ثم يقول
- مَش عارف أنال انا جيت اتكلم معاكى ليه عارفه لو اى حد هو اللى كلمنى و قالى الكلام ده مكنتش صدقته لكن انا اعرف الدكتور ده كويس و باثق فيه و هو مَش ممكن يكذب على لانى انا زى ابنه
- طيب ما تروح تقابله و تفهم منه الموضوع او حتى عشان تعرف هو عايزك ليه ليصمت و هو يخفض عينيه الى الاوض و يقول بصوت لا يكاد يُبين
- انا خايف لتنظر له بدهشه فهى تعلم بل على يقين انه من الصعب عليه التصريح بتلك الكلمه و خصوصا لها
لتجيبه بحنو
- من ايه يا مازن فهمنى
- خايف انه يقولى حاجه تخلينى ارجع احن لها ثانى او اكون ملزم اتعامل معاها من ثانى صعب عليا اوى يمكن وقتها انى ابعد و ميبقاش فيه مواجهه بينى و بينها كان اسلم حل لانى مَش عارف هاعمل معاها ايه لكن دلوقت هاتصرف معاها ازاى و اقول لها ايه هواجهها ازاى اصلا مَش هاقدر
- مهما كان دى امك يا مازن و ربنا وصاك عليها مهما كانت او قالت او عملت لازم تصبر وتبرها
- ايوه بس لتقاطعه برقه
- بص انت الاول روح للدكتور و افهم منه عايزك ليه و بعدين نقعد و نتكلممع بعض
- ان شاء الله ....
- هتفضل ساكت كده كثير انت قلت انك حابب تتكلم معايا فلوًمش هاتتكلم أقوم امشى
ليتنهد و هوينظر لها بغضب و هو يحاول ان يتظاهر بالهدوء
- سما ممكن افهم ايه اللى بيحصل ؟
لتنظر له بسخريه و هى تسالهً
و هو ايه الاى بيحصل بالضبط يا دكتور متفهمنى؟
حازم ده ممكن افهم بيعمل ايه هنا كل شويه لتنظر له للحظه ثم تسالهً
ممكن افهم حضرتك بتسأل السؤال ده باى صفه يا دكتور ليقول بنفاذ صبر
سما متجاوبيش على سؤالى بسؤال و مع ذلك هاجاوبك
ممكن افهم الاستاذ بيعمل هنا ايه مع ابنى و اللى فهمته انه بيزوره باستمرار و كل يوم و مَش من دلوقت من فتره ممكن افهم كل ده ليه و باى صفه
بصفته انسان شاف طفل بيتالم و لوحده و حب انه يخفف عنه مَش هاحاسبه ان عنده قلب و مشاعر و لا هأقوله لا و ليه و بعدين حمزه سعيد ووجوده جنبه خفف عنه كثير اوى و خصوصا انى مكنتش اقدر اقعد جنبه اليوم كله لان معايا أخواته ليجيبها فى سخريه
يمكن عندك حق اول كلمه تقوليها صح يا سما هو فعلا عنده قلب و مشاعر بس يمكن مَش من ناحيه حمزه لتجيبه فى تحدى و غضب
تقصد ايه يا ادهم وضح كلامك من فضلك
انتى فاهمه كلامى كويس اوى و مَش محتاجه توضيح
لا يا دكتوره اذا كان اللى فهمته ده صح يبقى لا انا مَش مسؤلة عن طريقه تفكيرك دى لان اللى بيتصرف غلط بيفتكر ان الناس كلها زيه
تقصدى ايه ؟
اقصد اللى فهمته و بعدين حازم مجرد صديق و حب حمزه لانه هنا وحيد و لقى فيه ابنه او اخوه الصغير علاقه مَش ممكن هتفهمها بس تعرف اللى مضايقنى انى كنت بتمنى ان ده يكون منك انت مَش من غريب او صديق انت اللى تسيب الدنيا و تقف جنب ابنك و تساعده و تخليه يحس انه مَش لوحده و تهون عليه ليتراجع من هجومهاعليه و يجيبها
سما انتى عارفه ظروفى و انا وضحت ده من البدايه و اول ما قدرت جيت علطول
جيت بعد ايه و بتتكلم فيه ايه و تحاسب مين قبل ما تحاسب اى حد يا دكتور حاسب نفسك و عموماً انا ميهمنيش رايك فى حاجه انا كنت متوقعه حتى منك ده و مَش مستغربه ابداً و ان كان دا يضايقك فعادى انت ممكن تطلب من حازم انه ميجيش ثانى هنا و اقعد انت جنب ابنك مَش تيجى تزوره زى اى ضيف لا و عندك الجرأه انها تيجى معاك و لحد هنا لا و قاعده تسال و تستفسر و كانها صاحبه مكان
ايه يا دكتوره بتغيرى هى معملتش اى حاجه غلط هى حابه انها تعمل الواجب
و انتوا اكثر ناس تفهموا فى الواجب و الأصول يا دكتور عموما أظن ان النقاش ده انتهى لحد كده و كفايه اوى افتكر ان هى مستنياك و مكنش لازم انك تسيبها لوحدها اصلا لحسن ممكن تتضايق و انا كمان اتاخرت اوى على حازم
سما انا مَش عايز اى اختلاط بين حازم ده و بين ولادى
انت مَش من حقك تقرر ليا اى حاجه يا دكتور افتكر انا اقدر أقيم الناس و كويس اوى و طالما انه ملتزم بحدود الصداقه و الأدب يبقى انا اتعامل مع اللى احبه و مَش من حقك تكون وصى عليا عن اذنك
سما كلامنا لِسَّه مخلصش
لا يا دكتور الحوار بينا انتهى و مَش من دلوقت من زمان لتتركه و ترحل لينظر اليها بغضب ثم يضرب الحائط بقبضته فى غل بينما تتابع هى طريقها فى ثقه .... هو انتوا منفصلين من امتى يا سما نظرت له فى دهشه و قد كاد فنجان القهوه يسقط من يدها انا اسف بس ان انا بادخل فى حاجه خاصه بس انا اتفاجات لما بتعرفينى على الدكتوره شيرى دى على انها مراته
عادى يا حازم انا كنت فاكره انك عارف و يمكن مجتش مناسبه انك تعرف و هاتفرق فى ايه
لا تفرق كثير بالنسبه ليا يا سما لتسأله فى حده
مَش فاهمه وضح كلامك يا حازم
انا كنت عارف من البدايه انك انسانه و قلبك كبير بس مكنتش متخيل ان لِسَّه فيه ناس فى الدنيا كده نظرت له فى حيره ليكمل
هو حمزه ده مَش ابن ادهم يعنى ابن طليقك اى واحده فى مكانك مكنتش هاتعمل اللى انتى عملتيه و خصوصاً ان العلاقه بينها و بين ابوه انقطعت و محدش هيحاسبها او يسألها عن اولاده لتبتسم و قد فهمت ما يقصد لتجيب برقه
لا يا حازم الحب ده من عند ربنا بيحط سره فى القلوب و محدش هايقدر يفهم العلاقه بينى و بين ولادى. دول ولادى انا. انا كنت معاهم و جنبهم من البدايه و خصوصا حمزه كان تقريبا رضيع لما خدته فى حضنى كان ابنى و حبيبى وده قبل ما ربنا يرزقنى بنور و مالك الام هى اللى تحب و تكبر و تحمى مَش اللى تخلف و بس و مهما اتغيرت الظروف حبى ليهم عمره ما هايتغير او يقل مفيش ام بتتخلى عن ولادها ولا ايه
مَش باقولك انا احترامى ليكى بيزيد يا سما و صدقينى دى مَش مجامله مَش كل الناس زيك كده و انا اكثر واحد عارف ده و مجربه
حازم ممكن نقفل على الموضوع ده لانى فعلا تعبت من المناقشه فوق
اللى تحبيه انا عندى خبر و كنت حابب انك اول واحده تسمعيه
خير ان شاء الله
انا انتقلت مصر و كملت المده هنا خلاص انا كنت حابب الوحده هنا و بأجل الموضوع بس لما شفت ازاى انتى بتواجهى و الحياه بتستمر انا قررت انا كمان انى أعيش حياتى و ارجع لاهلى و اخواتى و ازور قبر امى.
تعرف يا حازم دا احسن خبر سمعته بلدك اولى بِيك صحيح انت كنت هنا بتخدمها بس هايسعدنا انك ترجع و تكون معانا
انا هاسافر بعد اسبوع من دلوقت و كنت حابب منك خدمه
خير يا حازم انت تأمر
انتى عارفه ان الشقه اللى كانت فيها امى ايجار قديم و بعد وفاتها صاحب البيت طلبها و انا مكنتش ناوى ارجع فاتنازلت له عنها له وانا مَش حابب انى اقعد عند حد من اخواتى و اضايقهم فكنت حابب انك ترشحى ليا حد يساعدنى فى الموضوع ده و يختار ليا مكان كويس يعنى معلش اصلى بقالى كثير اوى منزلتش مصر و مَش حابب انى اطلب من حد من اخواتى لتبتسم له و تقول
بس كده انا عندى الشخص المناسب اللى ممكن انك تعتمد عليه و عنده خبره كويسه اوى فى الموضوع ده و هاطلب منه انه يساعدك قولى بس طلباتك ايه و ميزانيتك كام و انا هابلغك التفاصيل و أدي له رقم تليفونك
شكرًا يا سما انا كنت عارف انى ممكن اعتمد عليكى
طيب مَش يلا بينا بقى لحسن الوقت أتأخر و الاولاد ناموا.
انا اسف انى شغلتك و عطلتك لتبتسم و هى تجيب
لا ابدا دا انا اللى كنت عايزه اشرب قهوه .....
اقعد يا مازن
ليجلس و هو ينظر اليه فى ترقب
انا عارف انت بتسأل نفسك انا ليه طلبت اشوفك بسرعه و اصريت اننا نتقابل هنا فى العياده و بعيد عن البيت و صاحبك لينظر له و لا يجيب
الصراحه انا كنت حابب انى اتكلم معاك و لوحدنا و من غير ما يقاطعنا حد انا كنت هاكلم الدكتور ادهم بس لما سالت عليه عرفت انه سافر خارج البلاد و ممكن انه يتاخر وًكمان انت كنت بلغتنى قبل كده بان والدك ووالدتك منفصلين و فيه خلافات بينهم.
فعلا يا دكتور بس انا مَش فاهم لحد دلوقت حضرتك طلبتنى ليه ليجلس امامه و هو ينظر له ثم يجيب
انا هافهمك يا مازن يمكن انت لِسَّه صغير بس من تعاملى معاك اقدر اقول انك راجل يعتمد عليه و هاتقدر انك تتصرف بحكمه
ارجوك يا دكتور فهمنى انا بدات اقلق هو فيه ايه ليتنهد و هو يجيب
انت عارف ان انا زرت والدتك من فتره لما تعبت و بناءاً على طلبك
حصل و قلت ليا وقتها ان ممكن يكون اللى عندها مجرد ارهاق او ضغط عصبى
فعلا بس انا كمان طلبت منها تحاليل لانها قالت ليا ان الأعراض عندها بتتكرر باستمرار و على فترات متباعده بصراحه انا كنت نسيت و الموضوع انتهى لحد اسبوع فات
مَش فاهم لو تفتكر انا اديت لوالدتك ارقام تليفوناتى و عنوان العياده و طلبت منها انها تتابع معايا بس ده محصلش وقتها وواضح انها ماهتمتش بكلامى و نسيت هى كمان الموضوع ليصمت مازن و لا يجيب فقد كان يدرك انها لم تكن مريضه و انها كانت وسيله من وسائل الضغط لا اكثرليكمل الطبيب
من اسبوع تقريبا الممرضه دخلت بالكارت بتاعى و قالت ليا ان فيه مريضه بره و حابه انها تقابلنى ضرورى كانت مدام هايدى والدتك دخلت و الحقيقه انى معرفتهاش فى البدايه لان شكلها اتغير جدا وزنها قل و كان باين عليها الإرهاق و التعب عرفتنى بنفسها ورحبت بيها اشتكت من ان عندها صداع مستمر و عدم اتزان و انها مَش بتقدر تنام و لا تاكل كويس و ان الأعراض دى بقت تقريبا مستمره و غير محتمله و عشان كده هى تقريبا اضطرت تهتم و ان انا الدكتور اللى هى تعرفه كشفت عليها و طلبت منها شويه تحاليل و أشعات واكدت عليها ليجيبه مازن
بس دا عادى معاها طريقتها و اُسلوب حياتها ممكن انهم يعملو اكثر من كده لينظر له للحظه ثم يكمل
انا كنت فاكر زيك كده لحد ما رجعت و كان نفسى انى اطمنك يا مازن بس هاكون صريح معاك الموضوع اصعب من كده بكثير لينظر له مازن فى صدمه و يجيب
مَش فاهم يا دكتور ارجوك وضح كلامك.
الحقيقه انا مكنتش حابب انى اصدمك و كنت أفضل ان الكلام ده يكون مع والدك لانه دكتور و هايقدر يفهم ويقيم طبيعه الحاله ويتصرف و ليقاطعه مازن
حاله حاله ايه اناًمش فاهم حاجه يا دكتور ارجوك وضح كلامك
مازن انا حابب انك تكون اد الموقف و تقف جنب والدتك فى الظروف الصعبه دى انا من المفروض انى مقولش اى حاجه ليك و انت عارف ده كويس بس الموضوع مَش بسيط و لازم حد يكون جنبها و خصوصا فى الفتره دى
فيه ايه يا دكتور ارجوك فهمنى حضرتك انا بدات اقلق
مازن و بصراحه كل الاشعه و التحاليل اللى عملتها والدتك بتأكد ان عندها ورم فى المخ و فى مرحله متاخره.....
لم يجبه و انًما اخذ يكرر الكلام ورم فى المخ يعنى ايه سرطان مَش ممكن مَش معقول حضرتك متاكد يا دكتور
مع الاسف يا ابنى انا طلبت منها انها تعيد الأشعات و التحاليل ثانى بس انا متاكد من التشخيص ده و عشان كده طلبت انى اقابلك و اتكلم معاك انت عارف ان المريض فى الفتره دى ممكن يكون عنيد و يرفض العلاج و خصوصا انه مكثف و مؤلم و انا مَش عارف مدام هايدى هاتتصرف ازاى
هى عرفت يا دكتور
طبعا انا مكنتش اقدر انى أخبى عليها يا مازن و خصوصا ان حالتها صعبه و محتاجه تحرك سريع ليسأله فى صدمه
طيب و هى عملت ايه لما عرفت؟
انا حسّيت انها رفضت الفكره من اساسها و كمان عندى احساس انها هاترفض العلاج انا كنت حابب انكم تكونوا جنبها فى الفتره الصعبه دى و تقفوا معاها و تحاولوا تقنعوها لان الوقت مَش فى صالحها
هى حالتها صعبه. يعنى فيه امل فى العلاج يا دكتور ليصمت الاخر و هو ينظر له فى إشفاق.
ارجوك خليك صريح معايا للاخر و متخبيش عليا الحقيقه
يا ابنى الورم فى مرحله متاخره و فى مكان صعب احنا هانبدا بالعلاج الكيماوي المكثف عشان نقدر اننا نسيطر عليه و نحاول نقلله و بعد كده ممكن نحدد اذا كان ممكن نعمل عمليه لاستئصاله بس لازم اكون صريح معاك لو مبداتش العلاج و الجلسات دى فى اقرب وقت فرصتها هاتكون تقريبا معدومه و مَش هايبقى قدامها وقت كبير دا غير الالم اللى هايزيد بدرجه غير محتمله مع الوقت
اد ايه ساله مازن فى الم ليجيبه باشفاق
تقريبا ست شهور و يمكن اقل ......
