الفصل الثالث
مضت عده ايام اخرى لم تاتى بجديد كادت هى ان تفقد فيها أعصابها تماما.
اهملت كل شىء حياتها و التزاماتها وحتى اولادها كانت عصبيه تغضب و تصيح لأتفه الاسباب و تقضى اغلب اليوم فى الندم و البكاء على ذنب لم ترتكبه ليدخل عليها هو ثائراً ليجدها تبكى و هى شارده عن كل ما حولها ليصرخ عليها غاضبا
سما الولد لوحده ومقطع نفسه من العياط و المربيه مشيت من شويه و البنت ماكلتش حاجه من الصبح و قاعده ساكته و هدومها مَش نظيفه و الله اعلم اكلت و لا لا و مَش هاتكلم عن البيت لارا بتحاول تساعد و مش قادره و حمزه قاعد فى اوضته ومش بيتكلم و حضرتك كالعاده قاعده هنا و بتعيطى لتنظر له بصدمه و هى تسأله
يعنى عايزنى اعمل ايه ابنى و مَش عارفه مكانه و لا جراله ايه و عايزنى اتعامل ببساطه أعيش واكمل حياتى عادى يعنى و كان مفيش حاجه حصلت و حتى الدموع مستخسرها فيا
طيب ما هو ابنى انا كمان يا سما و بعدين انتى مَش.... ليقطع كلامه و قد انتبه الى ما يهم قوله خوفا من رد فعلها لتنظر له فى غضب
ايه ماتقول و تكمل يا ادهم زى ما الكل بيقول مَش امه مَش كده و مَش من حقى صح يا دكتور ليتراجع من ثورتها و انهيارها ليقول
لا يا سما انا ماقصدش انتى اللى بقيتى حساسه اوى اليومين دول زياده عن اللزوم لاى كلمه بس انا مَش ساكت و لا مش مهتم زى ما انتى فاكره انا كل يوم فى المديريه و قابلت كل الظباط و المسئولين عن القضيه و كلهم بيقولوا ان مازن بخير و انه اكيد مختفى بمزاجه او ان حد محرضه على كده يعنى هما كمان بيروحوا انها ممكن تكون هايدى
انا مَش مستبعد ده و يمكن ده اللى مطمنى شويه
يعنى اكيد هايظهر
و افرض لا فيه احتمال و لو ضعيف انه فى خطر انا قلبى بيوجعنى اوى و مَش قادره افكر و بعدين لو هما متاكدين من الكلام ده مبيقبضوش عليها ليه و يحققوا معاها و يضغطوا عليها و يعرفوا مكان الولد
باى تهمه يا سما دا ابنها و بعدين مازن مَش صغير دا قرب على ١٦ سنه يعنى راجل و كمان هو اللى اختفى لوحده و بارادته لتسأله فى دهشه
مَش فاهمه و ايه اللى وصلكم للنتيجه دى و انت متاكد اوى ليه كده لينظر اليها مترددا ثم يقول
لانه كلم امه و طمنها عليه نظرت له فى صدمه و انا اساله غير مستوعبه لما يقول لارد فى عصبيه
يعنى ايه كلمها و امتى قالها الكلام ده و انت عرفت امتى يا دكتور ومنين و ازاى مقولتش ليا و لا بلغتنى اول ما عرفت و انت شايف حرقه قلبى عليه ليجيب هو فى صوت بارد
انا معرفتش الا النهارده بس يا سما هى كلمتنى فى التليفون و قالتلى انه كلمها و طمنها عليه و قالها متقلقش و انه كويس و انه مَش عايز يرجع هنا ثانى و طلب منها انها تطمنى انه بخير مَش هانكر انى استريحت وقلبى اطمن بس برضه انا مستنى بس انه يظهر و انا هاتصرف معاه بطريقتى نظرت له فى صدمه و انا أهز راسى فى رفض و انكار لما اسمع
كذب مستحيل مازن يقول او يعمل كده انا عارفه ابنى كويس و بعدين ليه انا مَش فاهمه يعنى هو بيعمل كل ده ليه انتوا هتجننونى معنى الكلام اللى بتقوله ده لو حقيقى انه هو اللى مَش عايز يقعد معايا او يكلمنى بيهرب منى اناو انا بالذات طيب ليه هو انا أذيته او عملت معاه ايه وحش اد كده انا انسانه سيئه و ام فاشله
سما انت كنت متردد اقولك على الكلام ده عشان كل اللى بتقوليه او بتعمليه ده بس حالتك دى مبقاش حد يسكت عليها لانظر له فى غضب
تقصد ايه يا دكتور انى مجنونه و باكلم نفسى لا باقطع فى هدومى انا ام و ابنها مَش فى حضنها تفتكر انه مَش من حقى أتألم او اتعصب او انهار لا و دلوقت انت بتقولى انه هو هرب منى و منى انا طب ليه انا عملت ايه أذنبت فى ايه سنين عمرى اللى فاتت دى و الحب و الحنيه و الخوف عليه كانت ليه جاوبنى يا ادهم لانى فعلا هاتجنن او يجرالى حاجه و مَش فاهمه كل ده بيحصل معايا ليه و منه هو بالذات ابن عمرى و اول فرحه ليا طيب ليه
معرفش يا سما لما نوصل لمكانه هابقى اساله و حسابه معايا عسير بس دلوقت ولادك اللى بره دول هاتسيبيهم كده فوقى و قومى شوفيهم الحمد لله اننا اتطمنا عليه كنت انظر له و كاننى انظر الى كائن من كوكب اخر كيف يتعامل مع الامر بمثل تلك البساطه لقد ألقى الى ما قالته له و كانه الحق او اننى فعلا مذنبه و كانه مقتنع بكل ما يحدث او يقال لم يحاول ان يتفهمها بى و يواسينى اكاد ان اجن هل أذيته او اسأت اليه كام و ان فعلت ما هى جريمتى التى استحق عليها ان أعامل و بمثل تلك القسوه لا انها تكذب و تحاول ان تسىء الى ربما اثرت هى عليه وجعلته يذهب اليها و انًما تفعل ذلك لتحطم اعصابى ادهم على حق ربما انا المخطئة ان سمحت لها ان تدمرنى و تدمر أطفالى و عائلتى المهم انه بخير و هى تعلم مكانه على ان افسد ما تخطط له و امنعها من ان تسىء الى اكثر من ذلك نعم على ان اكون أقوى و أتجاهل الامر و اربط على قلبى لفتره و سوف يعود لن يستطيع ان يذهب بعيدا حتى و ان فعل لن يحتمل كثيراً المهم انه بخير و قد اطمئن قلبى عليه و لو قليلا كما اننى اعلم و من البدايه ان مازن بالذات مختلف و مشاعره متضاربه و يسهل التأثير عليه بسهوله ربما كان هذا خطأى الذى أحاسب عليه الان حسنا على ان اهدا و احاول ان اتماسك و لو قليلا لادخل و استحم و أغير ملابسى و امسح دموعى و اخرج الى المطبخ و اعد الطعام و اتعامل مع الاولاد و كأن شىء لم يحدث نظر الى الكل فى البدايه بصدمه و عجزوا عن الحديث او السؤال و لكنهم تأقلموا بعد قليل مع ما يحدث و خصوصا الصغار لتستمر الحياه بارده ممله كنت اؤدى كل ما يطلب منى و أقوم بكل الأعباء المنزليه دون كلام او شكوى و ان حديث و اغرق نفسى فيها حتى يبعدنى التعب و الإرهاق عن التفكير فيما انا فيه و لو حدث و فتح احدهم الموضوع معى او سالنى فانى أواجهه الامر بالبرود و الصمت فاتحمل و اتماسك لاغلق على غرفتى فى نهايه اليوم و انا أتألم فى صمت كان ادهم فى تلك الفتره بعيداً عنى رغم كل ما يحدث قلما يعود الى المنزل و اذا عاد فاننا لا نتحدث الا قليلاً ثم يتحجج بتعبه و يستغرق فى النوم لانظر له بصدمه و شك فى انه يتواصل معها ويتحدثان معا و يعلم ما لا اعلمه عن الامر كانت اعصابى تحترق و انا انظر له كيف يستطيع السكون و النوم هكذا و ابنه الأكبر غائب لا يعلم مكانه و ان كان هناك شك فى انه لدى امه فلما لا يواجهها و يجبرها على الكلام لقد اقسم ذات يوم ان يعاقبها اذا رءاها مره اخرى او عادت كان ذلك بعد كل ما صار لحمزه فلم لا يبر بقسمه و يتناسى كل ما كان و كأن شيئاً لم يحدث و لم نمر بكل هذا العذاب و الذى نعيشه و نحيا فيه الى الان لتراودنى الشكوك و تمنعنى من النوم هل قابلها او تحدث اليها هل تجاوز خلافاتهما معه هل استطاعت ان تؤثر عليه مره اخرى بعد كل ما حدث و لكن لا لا يمكن ان يكون بكل ذلك الضعف حتى و ان مرت سنوات فهم لا يزالون يعانون كن اثار كل ما حدث و خصوصا حمزه ابنها الصغير الغالى الذى لا زال ينتظر اخر عمليه جراحيه له ليعود الى طبيعته و ذلك بعد عده سنوات من المعاناه و العذاب فهل يمكن ان ينسى كل ذلك لا يمكن ان يحدث فهى واهمه تعذب نفسها دون طائل ربما وصلت الاخرى فى النهايه الى نا تصبو اليه من الامر و بنجاح .
مضى يومان و هى بالمنزل لا تزال تؤدى ما عليها دون روح او حياه كانت الأفكار تعصف بها و الحزن يتآكلها و لكنها لا تتكلم حتى كان ما كان
لا يا لارا اللى بتعمليه دا غلط و انتى عارفه كده كويس اوى مهما حاولتى انك تقنعينى او تبررى
يعنى ايه دا اخويا يا حمزه طيب قولى اسيبه يضيع يعنى
و اخويا انا كمان و بحبه بس مَش معنى دا انه مَش بيتصرف غلط و يأذى ناس بيحبوه و ملهمش ذنب
طيب عايزنى اعمل ايه يا حمزه ما انت عارف لو ماساعدتوش هو قال انه هايخرج ويبعد و مَش هاتعرف له طريق و انت عارف انا ما صدقت انه كلمنى و انى اتطمنت عليه و سمعت صوته و عرفت انه بخير
طيب و ماما سما يا لارا قرام نسيتيها و هانت عليكى هانسيبها كدا لحد امتى حرام دى شويه و هاتجنن انتى مَش شايفه حالتها و بعدين هى عملت ايه لدا كله فهمينى كل ذنبها انها بتحبنا دا جزاتها يا لا ا هى تستاهل مننا كده
انا بحبها و الله العظيم يا حمزه زى ماما بالضبط و انت عارف بس هى اتغيرت فى الفتره اللى فاتت اوى و خصوصا بعد ولاده مالك و بعدت عنا و مبقتش تهتم بينا زى الاول
انتى كمان هاتقولى كده ليه هى عملت ايه عاملتك وحش ضايقتك قصرت معاكى فى ايه دا كل حاجه عليها و عمرها ما بتقول لا او بتشتكى و بأعملها لنا بحب مَش غصب عنها حرام عليكم كفايه تعبها معايا و جريها على الجلسات و العلاج اول ما تتعب شويه او تقصر يبقى خلاص ننسى كل حاجه و نعمل فيها كده
ايوه يا حمزه بس هى ما بعدتش شويه و خلاص دى نسبتنا خالص و معدتش بتهتم بينا زى الاول دى كانت بتحبنا لما كنّا لوحدنا فى حياتها و مكنتش تقدر تجيب ولاد كنّا كل حاجه لكن الحب دا قل مع ولاده نور و اختفى لما جه مالك
انتى اللى بتقولى كده يا لارا و اهتمامها بينا و فرحتها لما بتجيب انا حاجه و تشوف الرضا فىًعنينا و تعبها و شقاها فى البيت بلاش ده كله طيب شوفى حالتها لما اخوكى اختفى و هى عامله ازاى عشانه و بعد كده بتقولى مَش بتحبنا و لا خايفه علينا
دا مَش حب يا حمزه دا احساس بالذنب و المسئوليه خايفه من كلام الناس وان الكل يقولوا انها ام فاشله و ان اللى حصل دا كان لازم يحصل و دى النتيجه الطبيعية لإهمالها لينا
و مين اللى قالك كدا بقى و فهمهولك هايدى
ماما لا انا مكلمتهاش من فتره يمكن من ساعه ما مازن مشى بس مازن لما كلمنى هو اللى قالى و فهمنى
و مازن مين اللى فهمه كل الكلام ده ووضح له عيوب ماما سما و شرها طبعا هى هايدى مفيش غيرها
انا عارفه ان انت اكيد مَش بتحبها و ان انت غضبان عليها من اللى حصل لك بس دا قضاء و قدر ربنا كان عايز كده و هىًكانت صغيره و مَش عارفه و لا عندها خيره اى تجربه سامحها و هى مهما كان امنا و بتحبنا اكثر من الكل مهما كان و محتجانا جنبها
يا سلام و الحب دا كان فين من سنين بعد كل اللى حصل
موجود بس هى كانت خايفه انها ترجع و تأخذنا فى حضنها لحسن بابا و سما ياذوها او يحملوها مسئوليه اللى حصل
انتى مصدقه نفسك و اللى بتقوليه دا دا انا اصغر واحد فيكم بس اللى بتقوليه ده ميصدقوش عيل صغير حتى.. قوليلى هى عملت لكم ايه غسيل مخ يا لارا أوام نسيتى امك اللى تعبت و ربت و سهرت و بتفكرى فى اللى قسيت و هربت و نسيت دا اول واحده قالت لها ماما فى البيت ده مانت انتى من حبك ليها كل ده أوام اتنسى من كلمتين اتقالوا او شويه دموع
انا مَش باكره ه سما انا بحبها و الله و بأحب اخواتى و اوى كمان بس باغير من المعامله اللى بتعاملها لهم عنى انا و مازن انا عايزه خد اكون انا اهمًحد عنده فى حياته و يهتم بيا انا بأحب ماما سما بتاعه زمان مَش دلوقت لانًكل شىء اتغير
دول اطفال ما هى ياما تعبت و دلعت ولا نسيتىً
بس ماما بتقول
ماما ماما رجعنا ثانى لنفس الكلام اللى حفظته لكم اسمعى يا لارا انا معنديش الا ام واحده سما و بس هى اللى تعبت و بتتعب معايا لحد دلوقت و من غير ما تستنى منى اى حاجه ولا حتى كلمه شكر بل بالعكس ممكن تكون بتتالم بس لتبتسم فى وشى و تخفف عنى مَش تنسانىًاو تهرب عشان خايفه علىًنفسها زىًما بتقولى الاى بيحب بيضحى مَش بيخاف يا لارا و خصوصا على نفسه يمكن انا اصغر واحد فيكم بس عارف الحقيقه وفاهمها اكثر منكم
عموما ماما مَش مستنيه منك انك تسامحها دلوقت هى املها انك تسامح و تنسى فى يوم من الايام بس دلوقت خلينا فى الموضوع عشان خاطرى و ساعدنى النهارده بس دبرنىًاحنا ممكن نبعت ل لمازن اكل ازاى و هى مركزه معانا كده فى البيت
انا كل ما بشوفها مش باقدر اسامح نفسى على اللى باعمله ده و لولا ان انتى حلفتينى مكنتش سكت و كنت قولت لها على الحقيقه و بعدين انا ضميرى بيانبنى ومَش قادر اكذب عليها اكثر من كده لترد فى رجاء
اوعى يا حمزه مازن مهما كان اخوك هاتتخلى عنه انت عارف انه ممكن فعلا يهرب و منعرفش مكانه ثانى هاتستحمل تبعدعنه او انه يجراله حاجه ذنبه هايبقى فى رقبتك
و ذنب ماما سما فى رقبه مين طيب فهمينى خلاص قلوبكم بقت حجر عليها و معدش فيه اى اهتمام بمشاعرها
خلاص مالكش انت دعوه بالموضوع ده كل اللى هاطلبه منك انك تسكت ومتقولش حاجه و انسى الموضوع
انسى طب ازاى و ضميرى كل اما بنشوفها و قلبى اللى بيتقطع عليها هايسكت .... لارا انتى جبتى القسوه دى منين فهمينى و علىًمين اقرب الناس ليكى
انا مَش قاسيه و بحبها بس مازن اخويا ولازم اكون معاه
بالحق ولا بالباطل
حمزه لو اتكلمت لا انت اخويا ولا اعرفك و استحمل بقى اللى هايجرى لمازن بسببك
و البيت اللى هايتخرب ده مالوش اى حساب عندك انتوا ايه خلاص معدش عندكم قلب او ضمير ايه اللى جرالكم بالضبط فهمينى ؟
انت مكبر الموضوع اوى مازن اكيد هايهدى لوحده و يرجع و مَش هايستحمل اصلا كثير اما الموضوع ده هايتنسى بس اصبر شويه عشان خاطرى
انا عارف انها مَش هاتخلص على خير فيه مصيبه هاتحصل قلبى حاسس بس هاقول ايه انتوا اخواتىً و مَش هاقدر و حتى لو قدرت مَش هايجيلى قلب اقولها حاجه عشانها هى مَش عشانكم حرام روحى ربنا يجيب العواقب سليمه
ان شاء الله يا حبيبى انا هاخد الاكل لمازن و بعدين هابقى اكلم ماما و أطمنها مَش هتصفى قلبك و تكلمها معايا انت كمان لينظر هو لها فى غضب
لا و لو اخر يوم فىً عمرى عمره ما هايحصل عمرى ما هاسامحها على اللى عملته ولا هاسامح نفسى دلوقت هزت راسها فى حزن لتذهب وتفتح الباب لتفاجىء بوجود سما وراءه تنظر لهما فى صدمه و دموعها تتساقط على خديها و قد عجزت عن الكلام فهل هناك يقال بعد ما سمعت ان ان الصمت ابلغ من اى كلام .
