عايزه تعليق و فوت فصل النهارده طويل و كله مواجهات اما اشوف بقى و ترجعوا تقولوا ليا انى باتاخر
الفصل الخامس و الثلاثون
- ها يا دكتوره شيرين هاتفضلى ساكته كده كثير نظرت الى وكيل النيابه الذى ينظر اليها باستنكار و ضيق لتجيب
- و حضرتك عايزنى اقول ايه بس يا فندم؟ قالتها فى لهجه تحمل الكثير من الاستكانه
- تجاوبى على الاسئله اللى سالتها لحضرتك ما هو قولك فيما هو منسوب إليك بأقوال زوجك الدكتور ادهم من انك كُنتُى المسؤله الاولى عن فحص و استيراد تلك الأجهزه و إنهاء الاجراءات و التخليص الجمركى
- معنديش اى كلام اقوله حضرتك
- يعنى ايه مَش فاهم ؟ لتجيبه فى الم و حزن مصطنع
حضرتك عايزنى ارد بايه اذا كان جوزى قال كده يا فندم و حابب انه يورطنى فى المصيبه دى و انا ماليش اى ذنب و معرفش عنها حاجه يبقى هاقول ايه
انا حتى مَش فاهمه حضرتك بتسألنى عن ايه بالضبط انا هاعمل كل ده ليه انا لا شريكه فى المستشفى و لا بامتلكً اكبر حصه فى الأسهم زى ناس و لا ليا اى علاقه بيها يبقى ايه مصلحتى فى كده و بعدين انا مفهمش فى موضوع الأجهزه دى و لا دا مجال تخصصى و لا عندى اى خبره فى المجال ده يبقى ازاى هايعتمد عليا فى صفقه تساوى بملايين و كمان من غير ما يتابع بس اذا كان جوزى هو اللى قال كده و حابب انه يدخلنى فى موضوع ماليش اى علاقه بيه و يورطنى هاقول ايه حضرتك معنديش اى كلام اقوله ثم تبكى بدموع التماسيح ليسألها مره اخرى
يعنى حضرتك بتنكرى كل الكلام اللى قاله ده و اى علاقه ليكى بالموضوع
و هانكر ايه يا فندم هو فيه حاجه حصلت اصلا انا ايه علاقتى بالموضوع اصلا انا زوجه الدكتور ادهم و بس يعنى علاقه شخصيه لكن ايه علاقتى بالمستشفى و الأجهزه هاستفيد ايه من كل ده حضرتك ممكن تقولى لينظر الى الاوراق و محضر التحريات امامه ثم يسألها
- طيب مثبت فى الاوراق قدامى ان حضرتك سافرتىً لندن فبل الدكتور ادهم بأسبوع و كُنتُى معاه يوم الاستلام هنا فى المينا و دا مثبت فى الكاميرات الموجوده هناك و كُنتُى بتتكلمى مع واحد هناك الدكتور قال انه كان من مندوبين الشركه و المسئول عن التسليم ممكن حضرتك توضحيلى سبب وجودك هناك
- اوضح ايه يا فندم بالضبط و هاقول لحضرتك ايه اقولك انى قلبى الطيب دايما يوقعنى فى المشاكل و ان حسن نيتى سبب اللى انا فيه دلوقت لينظر لها نظره طويله وهى يجيب
- مش فاهم ممكن حضرتك توضحيلى اكثر
- الحقيقه ان سبب وجودى فى لندن كان شخصى بحت يا فندم. مالوش اى علاقه باتفاق او باجهزه دى كانت حاله انسانيه
- حاله انسانيه
- ايوه يا فندمً حمزه الابن الصغير لجوزى الدكتور ادهم كان بيعمل عمليه جراحيه هناك و ابوه مشغول فى تجهيزات المستشفى و الافتتاح و رفض انه يسافر معاه وقتها بحجه الشغل و الالتزامات اللى عليه ووالدته منفصله عن الدكتور بقالها كثير و هى اصلا مَش مهتمه بولادها و لا بتسأل عنهم من سنين و اللى سافرت معاه وقتها سما طليقه جوزى هى بتحب انها تستعرض و تعمل ان قلبها طيب و انها مهتمه بالولاد مهما كان يعنى نوع من انًواع الدعايه لنفسها بس انا عرفت بعدها انها بتسيبه فى المستشفى اوقات طويله و لوحده و الولد محتاج عنايه ورعايه و اهتمام بعد العمليه و ابوه مشغول اضطريت انى اسيب كل التزاماتى و شغلى و اسافر انا له عشان اقعد جنبه و اخد بالى منه نوع من انواع الرحمه و الإنسانيه مَش اكثر يا فندم يبقى غلطت فى ايه دا اناًحتى فضلت معاه لحد ما بقى كويس و صحته اتحسنت ورجعنا مصر كلنا سوا فى يوم واحد و حضرتك ممكن تتاكد من كلامى من مصلحه الجوازات
و تاريخ الوصول
- طبب و مشوار المينا يا مدام كلن ايه ؟
ادهم قالى وقتها ان عنده شغل مهم هناك و اننا ممكن نتفسح و نقضى وقت حلو بعدها و نتغدى و نرجع بدل ما يروح لوحده وافقت طبعا انا كنت محتاجه انى اسافر و أغير جو
طيب و كلامك مع المندوب وقتها و الفلوس اللى ادتيها له كانت ايه؟
- عادى يا فندم الفلوس أدهم أداها ليا احطها فى شنطتى ووقت ما روحنا كنت زهقانه من الاجراءات و الاوراق و حابه اننا نخلص بسرعه قلت لادهم انى هاطلع اقف بره قدام البحر لحد ما هو. يخلص شغله والراجل ده هو اللى جه ورايا و عرفنى بنفسه و قالى ان الدكتور ادهم طالب الفلوس عشان يدفع الرسوم أدتها له لانها كانت امانه بس دا كل اللى حصل
- عندك أقوال اخرى لتصمت للحظه و هى تنظر له بخبث ثم تقول
- لا بس
- بس ايه يا مدام لو عندك حاجه قوليها
- انا مكنتش ناويه اتكلم او انطق بحرف يا فندم مهما كان دا كان جوزى و بينا عيش و ملح بس بعد كل اللى حصل و كلامه عنى و محاولته انه يورطنى فى المرضوع و يدمر مستقبلى المهنى و الوظيفى انا
- انتى ايه يا مدامً اتكلمى لوًحضرتك عندك معلومات واجبك انك تقوليها لينا و احنا هانتحقق من كل كلمه هاتقوليها
- انا بس عندى سؤال يا فندم
- ايه هو اتفضلى
- هو ليه ادهم حاول يورطنى انا بس و مجبش سيره الدكتوره سما زوجته السابقه و طليقته فى الموضوع مع انها تمتلك اكثر من نصف أسهم المستشفى دى و ارباحها و بعدين انا سمعتهم بوادنى بيتفقوا اكثر من مره على حاجات تخص التجهيزات و الاداره بما انها شريكته
- بس هو نفى ان يكون لها علاقه و قال انها غير مسؤلة و انها متعرفش حاجه
- ازاى يا فندم هو حد بيتنازل عن فلوسه و بمنتهى البساطه كده وًده مبلغ مَش قليل ملايين و . بعدين ادهم و طليقته ايه اللى بقى يربطهم غير المصلحه و الشغل و البيزنس و خصوصا بعد انفصالهم عن بعض و ارتباطه بيا يعنى حضرتك مَش هايكون بينهم الا مصلحه و كبيره كمان وربح مادى
- يعنى حضرتك بتتهمى الدكتور ادهم و طليقته الدكتوره سما بالاتفاق مع بعض و تسهيل الحصول على رشوه و تقديم مستندات مزوره
يا فندم انا مَش بقول حاجه انا بس بسال اشمعنى انا و مَش هى طيب ما انا كمان معنديش خبره و مفهمش فى الأجهزه و مع ذلك قال انى اعرف و انى المسؤله طيب ازاى و عموما حضرتك اللى تسال و تتحقق من كلامى ده ولا ايه
عندك اى أقوال اخرى تحبى تضيفيها ؟
لا شكرًا اقدر اتفضل دلوقت يا فندم
لا مَش هاينفع دلوقت
- طيب ليه
التحقيق لسه مخلصش و لِسَّه هواجه حضرتك بالدكتور ادهم يعنى كل واحد بأقواله قدام الثانى لتنظر له بقلق و هى تساله
هو ده ضرورى يعنى يا فندم اقصد يعنى انه مهما كان جوزى و انا محرجه انى لينظر لها فى سخريه
- محرجه من ايه يا دكتوره بالضبط دا على اقوللك انه حاول انه يورطك فى جريمه مخله بالشرف و يضيع مستقبلك و يرفدك من النقابه يبقى انتى ايه عموما يا دكتوره حضرتك ممكن تنتظرى شويه بره لترد بضيق
- طيب اللى تشوفه حضرتك ليلتفت الى كاتبه و يقول
- ليقفل المحضر فى ساعته و تاريخه و توقع على أقوالها
- اتفضلى يا دكتوره امضى لتمسك بالقلم و توقع وكانها تكتب و بمنتهى الثقه وثيقه الإعدام. على زوجها و بكل سهوله ......
