الفصل الثانىً العشرون
- مساء الخير
كان يدخل و هو ينظر اليها بابتسامه
- عاصم مساء الخير ازيك يا باشمهندس
-انا عرفت انك هنا و قلت اجى اشوف ايه الاخبار ها الديكورات و التصميم عجبك ولا فيه حاجه تحبى تغيريها
لتنظر حولها بابتسامه ثم تدخل الى الشرفه لتنظر الى ما فعله فيها و الى البحر كان كل شىء يبدو بمنتهى الرقه و الإبداع و كانه قد رسم بريشه فنان لتنظر له و هى تقول
- بالعكس كل حاجه زى ما حلمت بيها وزياده يا عاصم شكرًا ليك ليبتسم لها و هو يقول
- على ايه دا شغلى
- لا انت فعلاً موهوب يا عاصم
- شهاده اعتز بيها و خصوصاً منك انتى بالذات طيب ايه ؟
لتلتفت له بدهشه
- اسفه مَش فاهمه
- الديكورات و خلصت هاتنقلى فيها امتى عشان نبقى جيران
- لا لسه بدرى شويه على الموضوع ده لان انا لِسَّه ما اخترتش حاجه من الفرش او العفش
- ازاى كان عندك وقت كافى الفتره اللى فاتت
- كنت مشغوله و كان عندى ارتباطات ثانيه و الوقت سرقنى
- طيب قررتى تحبى تفرشيها ازاى
- عندك اقتراحات تفيدنى ليها يا باشمهندس بس انا المره دى مَش هادفع أتعاب ليبتسم لها فى ود و يقول
- تحبى اساعدك لتبتسم له برقه و خجل و هى تجيب
- يا ريت انا مَش عارفه اصلاً ابتدى منين اصل انا بقالى كثير اوى ماشترتش حاجه جديده
- خلاص ولا يهمك انا اعرف اكثر من مكان هيعجبك جدا و هيناسب ذوقك على ما اعتقد تحبى نروح امتى عشان تتفرجى و تاخدى فكره و اذا عجبتك حاجه تحجزيها ؟ لتقول
- انا فاضيه دلوقت و كنت ثم تشعر بالخجل لتسرعها
ليقاطعها
- خلاص تحبى نروح دلوقت ؟
- ايوه بس
- انا هاعمل كام تليفون و نتحرك بعدها علطول
- بس هاتعب حضرتك
- انتى بتقولى ايه يا سما انا
لتتراجع محرجه لينتبه و يجيب بجديه
- دا شغلى و اهم حاجه انك تكونىً مبسوطه
- بس احنا لحد الوقت ماتفقناش على التكاليف الخاصه بالتشطيبات و انت تقريبا خلصت كل الشغل خلاص
- ما بين الخيرين حساب ياستى و بعدين انا عارف اننا مَش هانختلف لتجيبه برسميه هذه المره
- لا يا باشمهندس بس انا برضه احب اعرف عشان اعمل حسابى
- خلاص مفيش مشكله انا هاعمل كشف حساب و ابعته لحضرتك ها مَش يلا بينا بقى عشان منتاخرش
- اذا كان كده ماشى شكرًا لحضرتك ......
- ايوه ازيك عامله ايه ادينى انا اللى بكلمك بنفسى اه يعنى مَش باهرب منك و لا حاجه
.....
- مالك صوتك متغير هو فيه حاجه ؟
....
- بصى بقى انا عايزه منك خدمه و هادفع ليكى كويس اوى القديم و الجديد كمان
....
- لا دى مصلحه كبيره اوى و لازم نتقابل و نتفق عليها لانها محتاجه تنظيم و شغل كثير اوى و ترتيب كمان
....
خلاص اتفقنا هاستناكى نفس الميعاد و نفس المكان .....
- ها ايه رايك يا دكتوره
- بصراحه انا مكنتش متوقعه اننا هانختار كل حاجه و بالسرعه دى دى معجزه
- طيب الحمد الله انى قدرت اساعدك و انك مبسوطه
- هى الحاجه هاتوصل امتى يعنى اتفقت معاهم على ايه؟
- متشغليش بالك انا اتفقت معاهم على كل حاجه و على المواعيد الخاصه بالتوريد و التركيب كمان . اسبوع بالكثير و هتلاقى الفيلا جاهزه و مفروشه ان شاء الله
- انا مَش عارفه اشكرك ازاى يا عاصم انت نعم الأخ و الصديق ليعم الصمت للحظه فتغمض عينيها فى ارهاق
- ايه تعبتى يا سما ؟
- بصراحه اه ما هو احنا بقالنا اربع ساعات بنلف
- انا كمان زيك و جعت كمان انا ملاحظ انك انتى كمان ماكلتيش حاجه
- مَش مشكله الحمد لله اننا خلصنا لما أرجع الفندق هابقى اكل
- دا معناه انك مَش قابله انك تعزمينى مع انى كنت بامنى نفسى بعشا لطيف معاكى يعنى اعتبريه جزء من اتعابى
لتنظر له بإحراج و تقول
- اصل انا
- خلاص يا دكتوره انا مقصدتش حاجه و لا انى اضايقك
لا ابدا بس انا مَش متعوده على الخروج كثير و من غير الولاد وًاكيد هما جننوا هدى و...
خلاص مَش مشكله انا كنت بامنى نفسى بس انما مَش ضرورى
لا خلاص هاعمل مكالمه لهدى اطمن بس عليهمً و بعدين نعمل اللى تحبه مهو مَش معقول بعد التعب دا كله معايا ليقاطعها بمرح
يعنى هتدفعى اتعابى المره دى و بالكامل عشوه حلوه
خلاص اتفقنا انا تحت امرك و شكرًا ليك
- متاكده يعنىً مَش هاضايقك او اتطفل عليكى
- لا ابدا يا خبر بتقول كده بعد كل اللى عملته ده
- انا معملتش الا شغلى و مَش مستنى حاجه بالمقابل بس انا فعلا مستنى الدعوه دى من زمان و لو انى انا اللى دعيت نفسى بس اعمل ايه نفسى اتكلم معاكى شويه و من زمان و نتناقش لتنظر له فىً حرج و هى تتشاغل عنه بالتحدث الى هدى ليقود هى السياره الى احد المحال الهادئه
- اتفضلى انا اللى طلبت و سمحت لنفسى اختيار المكان اتمنى انه يعجبك
- شكرًا يا عاصم بس ارجوك منتاخرش
- ان شاء الله و لو انى موعدكيش دا انا مستنى العشا ده من زمان
طيب مش يلا بينا
- اتفضلى ....
- ايوه يا دكتوره انا باكلم حضرتك عشان أوراق الشراكه جاهزه على التوقيع يعنى حضرتك حددى ميعاد مناسب تشرفينا فيه حضرتك و المحامى عشان نوقع و نتمم الاجراءات و الف مبروك
- الله يبارك فى حضرتك
- ان شاء الله هتبقى شراكه خير حضرتك انسانه محترمه و الكل بيقدر حضرتك و يحترمك و بعدين حضرتك فاتحه خير علينا تعرفى بمجرد ما اتفقتى انتى و الدكتور القرض أتوافق عليه و بمنتهى البساطه انا حتى مكنتش متوقع ده ابدا بس الحمد لله
الحمد لله يا متر و حضرتك جهزت كل اللى اتفقت عليه انا و الدكتور ادهم
طبعاً يا دكتوره و ممكن المحامى الخاص بحضرتك يراجع الورق الاول
العفو يا متر دا مجرد سؤال
- طبعاً حضرتك دلوقتى بموجب الاوراق دى هاتكونى مالكه لأغلب اسهم المستشفى و ليكى حق فى الاداره
- لا يا متر انا مَش بافهم فى اداره المستشفيات انا هاسيب الحق ده دلوقت فى أيد الدكتور ادهم انا باثق فيه و هو ممكن يدورها براحته
- طيب خلاص وبمجرد ما نبتدى شغل ان شاء الله انا هاطلب من المحاسب يفتح لحضرتك حساب بنكى جديد عشان الارباح الخاصه بحضرتك اما الجزء الخاص بالدكتور ادهم فاغلبه هيكون للبنك لحساب سداد القرض
- ان شاء الله بس انا ليا عند حضرتك رجاء
- اتفضلى يا فندم تحت امرك
- انا مَش حابه ان اى حد يعرف التفاصيل دى تفاصيل ممكن نخلى الموضوع ده ما بينا لحد حفله الافتتاح
- تحت امرك يا دكتوره طبعا مفيش مشكله ها تحبى تيجى امتى؟
- ممكن بكره ان شاء الله ابلغ حضرتك بالميعاد اكون كلمت المحامى و اتفقنا
- خلاص يا دكتوره مستنى حضرتك و الف مبروك مره ثانيه
- الله يبارك فيك .....
- انت بتقول ايه يا ادهم عملت ايه !!!! اتنازلت عن المستشفى بتاعتك و حلمك لسما يعنى بعد كل الصبر و التعب ده هاتيجى هى و تاخد كل حاجه على الجاهز كده
- جرى ايه يا شيرى انتى بتكلمينى كده ازاى و بالعصبيه دى
- امال كنت حابب اعمل ايه بالضبط يا ادهم لما اعرف
- انا اللى غلطان انى قولت لك كان لازم اسمع نصيحه المتر و منتكلمش فى الموضوع ده الا بعد الافتتاح لتجيبه فى ثوره اشد
- و كمان كنت عايز تخبى عليا يا ادهم هو ده جزاتى انى بحبك و باثق فيك
- انتى كُنتُى حابه انى اعمل ايه يعنى ياشيرى سما كان لها عندى ديون كثير ... ملايين أرباح عن السنوات السابقه و الارض اللى انا كنت معتمد عليها تسددالديون طلعت ملكها و من زمان دا غير مستحقاتها عن انفصالنا هى و الاولاد لو كانت بدات طريق المحاكم و الخلافات كان ممكن كل شىء ينتهى سمعتى و المستشفى الجديد و القرض دا غير انى ممكن اتحاسب او اتعرض للحبس و بعدين هى مطلبتش منى ده على فكره انا اللى روحت لحد عندها و اتكلمت معاها و بعدين انا مصدقت انها حكمت صوت العقل و مصلحه الولاد و عملت حساب العشره و السنين و قبلت تحل الموضوع ودى اى ست فى مكانها كان ممكن انها تعمل حاجات كثير او تنتقم و خصوصا انها تقدر بعد اللى عملته معاها
- بس دا مَش معناه انها تاخد كل حاجه و على الجاهز و بعدين عى محتاجه هى عندها شويه
- هى ماخدتش اى حاجه غير حقها و فلوسها يا شيرى
- طيب و تعبك و مجهودك و فلوسك انت فين يا ادهم ؟
- الفلوس اغلبها كانت فلوس سما يا شيرى دفعتها من نصيبها فى ميراث ابوها هى اللىًكانت شريكه فى المستشفى مش انا و كان فيه عقد شراكه بينا و انا كان ليا نسبه عن الاداره طبيعى انها تستلم حقها طالما انفصلنا
يعنى ايه هىتبقى شريكه فى المستشفى القديم و صاحبه اكبر نصيب فى المستشفى الجديده و احنا ايه بقى بنشتغل عندها و الله كويس اوى
لا احنا لينا نصيب فى المستشفى برضه يا شيرى و مَش قليل بس هو هايكون محجوز لفتره لحساب القرض لكن بعد كده
بعد كده....
امتى يا ادهم يعنى احنا نتعب و نشقى لغيرنا
- شيرى انتى عايزه ايه بالضبط انا مَش فاهم
- لا حاجه يا ادهم و لا حاجه بس متضايقه و هاطق و باخفف عن نفسى بالكلام فيها حاجه دى
- لا ابدا اعملى اللى انتى حباه بس اعرفى إن انا فى الاخر عملت الصح واللى فى مصلحتنا
- طبعا يا حبيبى و هى دى فيها كلام انا و انت واحد و انا اذا كنت اتضايقت فعشانك مَش عشانى انا
- وانا مش زعلان او متضايق
- خلاص يا ادهم ممكن نقفل على الموضوع ده دلوقت فيه ورانا حاجات اهم نفكر فيها
- خلاص يا شيرى اللى تحبيه ليتركها و يدخل الى الغرفه لتنظر له بحقد و هى تحدث نفسها
- بقى كده يا ادهم تعمل كل ده و من ورايا و هى فى الاخر اللى تكسب و تاخد كل الفلوس دى و بمنتهى البساطه طيب و انا دا انا استحملت كل حاجه لحد الوقت بس معلش عموما انا و هى و الزمن طويل و الشاطر هو اللى يضحك فى الاخر
- ها ايه رايك يا هدى
- بصراحه يا سما الفيلا تحفه انا مَش مصدقه ان كل ده تم و فى اسبوع بس
- الصراحهً البركه فى عاصم لولاه مكنتش هاقدر اعمل حاجه خالص و فى الوقت البسيط ده و كمان تعرفى دا طلع كاتب و شاعر ممتاز انا نفسى انبهرت لما قريت مجموعه من مقالاته و القصايد الخاصه بيه مكنتش متصوره انه موهوب و بالشكل ده
- عاصم قولتلى و انا بقول دا واضح جدا
- هو ايه ده سالتها سما فى دهشه و غضب
- انه موهوب طبعا انتى فهمتى ايه
- اه باحسب طيب تعالى بقى اتفرجى على فوق الديكور هايعجبك جداً لتتبعها و هى تقول
- و ماله و لو انى واثقه انه هيكون تحفه ربنا يبارك لك يا حبيبتى
- الله يبارك فيكى يا هدى
- ها و قررتى ايه ؟
- ولا حاجه تقصدى ايه ؟
- اقصد الولاد هاتكلميهم امتى يعنى اقصد هما هايفضلوا فى الشقه و لا هايتنقلوا معاكى هنا
- مَش عارفه
- انتى قررتى ايه يا سما ؟
- انا مقرره من زمان مش هاسيب اولادى لوحدهم يا هدى مهما كانت المشاكل و الصراعات اللى هاتحصل دا انا حتى جهزت لهم الاوض كمان بس مَش المهم انا المهم هما
- طيب ما تكلميهم و تشوفى
- ان شاء الله هاعمل كده و فى اقرب فرصه ....
- ايوه يا ماما
- حمزه ازيك يا حبيبى عامل ايه ؟
- انا الحمد لله
- وحشتونى اوى يا حبيبى انا اسفه كنت مشغوله عنكم الأسبوع اللى فات بس خلاص الحمد للهً
- ولا يهمك يا ماما
- امال فين اخواتك؟
- قاعدين جوه
- طيب انا كنت عايزه اتكلم معاكم عندى لكم مفاجاه
ليصمت هو و لا يجيب
- مالك يا حمزه فيه ايه ساكت و مَش مبسوط ؟
- ابدا يا ماما بس اصلى
- اصلك ايه فيه ايه يا حبيبى ؟
- اصلى انا كمان كنت عايز اكلم حضرتك فى موضوع و مَش عارف ابتدى منين
لتصمت للحظه ثم تساله
- موضوع ايه يا حمزه اتكلم علطول و بعدين من امتى و انت بتخبى عليا حاجه
- اصل انا
- حمزه فيه ايه ؟
ليصمت ثم يتنهد و يقول بتردد
- حضرتك عارفه انى مَش باعمل جلسات علاج طبيعى الجلسات كلها خلصت خلاص من اسبوعين و الدكتور بلغنى المره اللى فاتت ان لازم بابا او حد كبير يكون معايا المره الجايه لانه حابب انه يتكلم معاه انا قلت له ان بابا مشغول و مَش هايقدر ييجى ستل على حضرتك و قلتله انك كمان مشغوله فاضطر انه يتكلم معايا انا لما طلبت منه اعرف
- كده يا حمزه اولا انا مَش مشغوله و لا يمكن انشغل عنك و انت عارف كده كويس طيب ليه مقولتش ليا حاجه او طلبت منى
- انتى كُنتُى بتعرفى من غير ما اطلب او اقول قالها فى حرج و بصوت خفيض يقطر ألماً لتصمت هى للحظه فقد المها قلبها ثم تقول
- تعرف انت عندك حق انا اسفه كان المفروض انى اتابع معاك و مع الدكتور و خصوصا انى عارفه ان ده هايحصل قريب بس سامحنى ترتيب الفيلا و التشطيبات و المجله و اخواتك و المشاكل اللى حصلت خلونى ....ليقاطعها بهدوء
- انا عارف يا ماما ومقدر كمان و مَش متضايق و الله بس
- من غير بس يا حمزه الدكتور قالك ايه طيب
- قالى انى دى كانا اخر جلسه علاج طبيعى و انى كده مستعد و لازم احدد معاكم ميعاد العمليه و انى لازم اسافر لندن عشان المرحله الاخيره و ان قدامى اسبوعين أكلمكم و اقرر فيهم هاعمل ايه و ان لو و لم يكمل
- لو ايه يا حمزه .....كمل
- لو معملتش العمليه هأفضل كده طول عمرى او هاضطر انى ابدا كورس العلاج الطبيعى بعد فتره من جديد مره ثانيه وًمن البدايه حمزه انا عايزه اقابل الدكتور و اتكلم معاه بنفسى حدد ليا ميعاد معاه فى اقرب وقت ممكن ......
ازيك يا هايدى عاش من شافك مالك كده شكلك مَش عاجبنى عامله فى نفسك كده ليه كل ده عشان اللى حصل مع الولاد دا انا كنت فاكره انك اجمد من كده
ابداً انا كنت تعبانه اوى الفتره اللى فاتت و بقالى حتى كثير مخرجتش خير يا شيرى عايزه ايه
ايه يا هايدى دا مكنش عشره و عيش و ملح بقى دى مقابله تقابلينى بيها بعد المده دى كلها دا انا كنت متخيله انك .....
- شيرى انتى عايزه ايه بالضبط و هاتى من الاخر لانى زى ما قولت لك تعبانه و مَش هاقعد كثير
- طيب براحتك بس انا كان عندى سؤال مهم ليكى و عايزه إجابته دلوقت
- سؤال ايه ؟
- ايه رايك فى مليون جنيه يتحطوا فى حسابك انتى بالبنك و مَش كده و بس و كمان تنتقمى من الكل الدكتور ادهم طليقك و سما مراته اللى خطفتهً منك
- تقصدى طليقته
- و هى هاتفرق معاكى ها قولتى ايه ؟
- فى ايه هو انا فهمت حاجه و بعدين دا انتى لحد دلوقت مدفعتيش كل اللى عليكى و اللى اتفقنا عليه هاتجيبى الفلوس دى منين بقى ان شاء الله
- هو انتى ليكى اكل ولا بحلقه يا هايدى لتنظر الاخرى لها بغضب و تقوم من مكانها
- شيرى اتكلمى كويس و الا و بعدين انا اللى غلطانه انى جيت اصلا لتمسك الاخرى يدها و هى تنظر لها بمكرر تقول
-،طيب اقعدى بس و متزعليش دا احنا بينا كلام كثير و مصلحه و صدقينى مَش هانختلف مَش هانقوم من هنا الا و انتى راضيه و مبسوطه دا انتى عشره قديمه
انتى عايزه ايه بالضبط يا شيرى لتبتسم الاخرى بمكر و تقول
كل خير يا حبيبتى كل خير هو احنا ورانا الا الخير فتحى بقى ودانك كويس و اسمعينى دى فرصه العمر و مَش هاتتكرر ثانى ليا او ليكى لتبتسم لها الاخرى و هى تقول
سامعاكى يا شيرى اتفضلى عايزه تقولى ايه ليبدا فصل جديد من الشر لم يكن احد يتوقعه ......
