الفصل العشرون
- أنت بتقول ايه يا متر معقول !دا يحصل و من غير ما نعرف طيب ازاىً؟
- انا عرفت بالموضوع بالصدفه لما كنت فى المحكمه و قابلت محامى الدكتور ادهم هناك و هو اللى بلغنى و اول جلسه فى القضيه بعد اسبوع من دلوقت
- طيب ازاى و سما متعرفش حاجه عن الموضوع و محدش بلغها و لا حتى حضرتك
- اللى فهمته ان اعلان القضيه اتبعت على بيتها القديم و طبعا محدش هناك عشان يستلمه يعنى الموضوع فيه لعبه
- طيب ليه ليه هو عمل كده انا مَش فاهم
- اكيد هو عايز ياخد حضانه الاولاد و عارف ان القضيه خسرانه و عشان كده لجا للأسلوب ده
- مَش عارف يا متر بس ده مَش اُسلوب ادهم الا اذا كان
- كان ايه حضرتك ؟
- مَش مهم يا متر المهم احنا هانتصرف ازاى
عادى حضرتك طالما عرفنا بالقضيه يبقى هانروح الجلسه و نتعامل مع الموضوع بالإجراءات القانونيه بس الدكتوره لازم تعرف و تكون موجوده
طبعا هيحصل ثم يسال نفسه فى حيره انا مَش هارف هاتعمل ايه لما تعرف
تحب أبلغها بالموضوع انا قلت اسال حضرتك الاول
- لا انا اللى هابلغ سما باللى حصل و بعدين نكلم حضرتك علطول .....
- يعنى ساكته من ساعتها و مقولتيش حاجه يا سما
- يعنى عايزنى اقول ايه يا حسام لينظر لها فى حيره و يقول
- مَش عارف بس لتنظر له نظره طويله ثم تجيب
- بس ايه يا حسام انت كنت متوقع منى ايه انى اصرخ او انهار و يمكن اعيط
ليرد فى حرج
- سما انا مقصدش بس انا مَش فاهم و مكنتش متوقع انك لتقاطعه
- ايه اخد الموضوع بالبساطه دى كلها بعد كل اللى سمعته ده لتتنهد ثم تكمل
- تعرف يا حسان هاتستغرب انى كنت متوقعه ده و مستنياه كمان من زمان اللى يبيع مراته و أولاده و كل سنين عمره بالرخيص اوى زى ما ادهم عمل و بدون اى سبب و يقول حقى الشرعى كنت متوقعه منه اكثر من كده بس تعرف لما عدى شهر و اثنين و ثلاثه قلت لنفسى انى اكيد ظلمته وأنه لِسَّه باقى على العشره و العلاقه الطيبه ما بينا و الاولاد و انه اذا كان الحب ضاع مع الزمن لِسَّه فاضل بينا احترام و يمكن كان عندى حق لما بعدت و معملتش حاجه و حاولت انسى و ابدا من جديد لان الصراع و الانتقام بيضر صاحبه قبل اى حد و محدش هينجرح منه قدى لكن لما حصل اللى حصل و الموقف اللى كان فى بيتى و قدام الاولاد ووجود شيرى فى النص و الملام و رد الفعل توقعت ان حاجه زى دى ممكن تحصل لا يمكن كنت متاكده بس كان عندى امل ان لا عموماً مَش مشكله
- سما انا مَش عارف اقولك ايه انا
- حسام صدقنى انا كويسه متخافش عليا و اقدر اواجه وقت اللزوم و كويس اوى
- و مين اللى هايسيبك يا سما دا انتى اختى و انا مَش ممكن اسيبك او اتخلى عنك و انتى عارفه و متاكده من ده كويس بصى سيبى ادهم دا عليا انا انا هاعرف اتصرف معاه و اخلص الموضوع ده دا انا ممكن انى لتقاطعه بحزم و قوه
- لا يا حسامً لينظر لها فى صدمه من رفضها القاطع لتكمل بحزم دى مشكلتى انا ودا طليقى انا و انا اللى هاعرف اتصرف معاه و كويس اوى كمان
- انتى متاكده يا سما سامحينى بس انتى
- ايه معرفش اتعامل مع المشاكل و الصراعات دى لا يا حسام سما اتغيرت و هاتعرف تدافع عن حقها و حق اللى معاها كويس اوى يمكن معملتش ده قبل كده بانى كنت عايزه أتجنب المشاكل و الخلاف مَش عشانى لا عشان خاطر اولادى بس خلاص هو اللى بدأ و البادى اظلم . .......
- انتى ازاى تعملى كده و من ورايا يا شيرى نطقها ادهم فى عصبيه بينما نظرت هى له بلامبالاة و هى تقلم أظافرها و تجيبه ببرود
عملت ايه يا ادهم و ضايقك اوى كده مَش فاهمه
- المحامى لِسَّه مكلمنى و بيبلغنى بميعاد اول جلسه فى القضيه مين اللى طلب منك ترفعى قضيه حضانه اصلاً على سما و باسمى و من غير ما تاخدى رأيى كمان
- انا كنت فاكره انك هاتتبسط من اللى عملته ده ايه بأحاول انىًاخد جزء من حقنا و افهمها ان اللى حصل ده و اللى عملته مش هايعدى بالساهل و هاتدفع الثمن و بعدين المحامى معاه منك توكيل من ساعه اجراءات الطلاق و انا قلت له انك مرافقو انك انت اللى طلبت منى ده
- طيب ليه ليه عملتى كده اصلا مَش فاهم سما عمرها ما رفضت انى اشوف الاولاد او عملت مشاكل فى الموضوع ده بالعكس يبقى ليه لتنظر له فى حقد و غضب وترد
- ليه انت كنت عايز تسكت و متعملش حاجه بعد كل اللى حصل ده انا فكرت و ملقتش غير الموضوع ده اللى يضايقها و يعكنن عليها انت ناسى هى عملت ايه كفايه انها اتكلمت معاك بأسلوب محدش يقدر يستحمله لا و طردتنى طردت مراتك و قدامك من بيتك و مَش بس كده و قدام ولادك كنت عايزنى اسكت و معملش اى حاجه دا انا لو اطول كنت ليقاطعها ادهم فى ضيق شيرى كفايه كدهً و بعدين متنسيش انها كانت مراتى و ام ولادى و فيه بينا عشره
- و انا كمان مراتك و لازم تدافع عنى و تجيب ليا حقى
- بس مَش بالاسلوب ده انا مكنتش عايز ولادنا يدخلوا فى الموضوع او يكونوا طوف فى صراع ما بينى و ما بينها
- خلاص اللى حصل حصل ادفع نص عمرى و اشوفها لما ناخد حكم بالحضانة و اخد منها ولادها و غصب عنها و كمان لِسَّه هاعمل لها بلاغ بعدم التعرض بالنسبه للولاد الثانين و اشوف بقى هاتعمل ايه او هاتتصرف ازاى لينظر لها بصدمه ثم يجيبها بحده
- لا يا شيرى انتى مَش هاتعملى اى حاجه ثانى و كفايه اوى اللى عملتيه و المشاكل اللى كانت هاتحصل انا قلت للمحامى انه يروح بكره و يتنازل عن القضيه و الحمد لله ان سما معرفتش حاجه عنها لتنظر له فى غضب و ثوره
- انت بتقول ايه ليه بقى هو انت خايف منها ليرد فى غضب
- شيرى انا مَش عايزك تتدخلى فى علاقتى باولادى او بسما بعد كدهً كفايه اوى اللى عملتيه المساله مَش خوف انا مَش عايز مشاكل و لا شوشره و خصوصا فى الفتره دى انا مقدم على قرض فى البنك عشان اكمل المستشفى الخاص و انتى عارفه ان هايكون فيه استعلام عنى و مشكله زى دى ممكن تعمل كارثه و خصوصا ان سما شخصيه عامه و مشهوره و الصحافه ما هاتصدق
- هيبقى دعايه ليك و شهره
-!لا انا مَش عايز النوع ده من الدعايه الرخيصه و زى ما قولت لك ابعدى عن الموضوع ده خالص يا شيرى و الحمد لله انها خلصت على كده
- ايوه يا دكتور
- مساء الخير يا متر عملت اللى انا قلت لك عليه النهارده ليصمت محرجاً و يجيب
- الصراحه لا
- لا ليه يا متر مَش فاهم انا صاحب القضيه و انت رفعتها باسمى و لا شيرى كلمتك احب اقولك ان ...
- لحظه واحده يا دكتور انا بس حابب انى اوضح حاجه أولاً انا اسف طبعا انى رفعت القضيه بالتوكيل من غير ما ارجع لحضرتك بس مدام شيرى قالت ليا ان حضرتك اللى طلبت ده و انك موافق
- طيب و انا بلغتك انك تسحبها و توقف كل الاجراءات
- و أنا روحت النهارده فعلا عشان اعمل ده لكن فوجئت ان محامى مدام سما هناك و استلم صحفيه الدعوى و مَش بس كده لا دا بلغنى ان مدام سما عرفت بالقضيه و اتبلغت بيها و مَش بس كده هى النهارده بعتت المحامى و رفعت على حضرتك اكثر من قضيه
- انت بتقول ايه يا متر سما تعمل كده ازاى ليرد المحامى فى حرج
- واضح جدا طبعا انه رد فعل على القضيه اللى حضرتك رفعتها عليها و انها نصيحه المحامى بتاعها حضرتك رفعت قضيه ضم و هى رفعت قضيه نفقه و مسكّن حضانه و كمان فرز وتجنيب المشكله ان ده هيعمل لنا مشاكل كثير احنا فى غنى عنها دلوقت ليسأله فى صدمه و عدم استيعاب
- مَش فاهم يا متر طيب و هو ده هايضرنا فى ايه طيب ما احنا نديها حقوقها كلها انا اصلا قلت لحضرتك قبل كده ان حضرتك تتفق مع المحامى بتاعها و انها تاخد كل حقوقها الشرعيه و نتفاهم انت عارف انى مَش ممكن اعاند او أجادل فى حاجه زى كده دول مهما كان ولادى و دى كانت مراتى و لها حقوقها الشرعيه
- حضرتك عارف انت بتتكلم فى كام احنا كنّا هاندفع بالتدريج و بالتقسيط لكن دلوقت و كمان مشكله حقها فى المستش
- انا مَش فاهم يا متر المشكله فين
- انا هافهم حضرتك شوف يا دكتور .،،..
- ايوه يا متر الأخبار ايه طيب و المحامى بتاعه عرف و استلم الإعلان كويس اوى طيب و الخطوه الجايه ايه ؟
......
- تمام طيب انا كنت حابه انى اقعد مع المحاسب ده الاول ممكن تحدد ليا ميعاد معاه و فى اقرب وقت ممكن
.....
- خلاص هاستنى حضرتك شكرًا مع السلامه
- سما انتى فاضيه؟
- ايوه يا حبيبتى ادخلى ها ايه الأخبار ؟
- الاخيار عندك انتى انا كنت سامعاكى بتكلمى المحامى
- ايوه يا هدى
-طيب و الخطوه الجايه ايه لتبتسم هى فى غموض و تقول
- الخطوه الجايه عنده هو مَش عندى يا هدى
- مين تقصدى ادهم ؟
- ايوه يا هدى
- يعنى انتى متوقعه هايعمل ايه لما يعرف ؟
- هايحاول طبعا يقابلنى و يأثر عليا متوقع ان سما الضعيفه اللى بتحبه هاعتذر و تسامح كالعاده لكن هو ميعرفش ان سما دى ماتت هو قتلها و موتها بالحيا فى لحظه معينه و مَش هاترجع ثانى ابدا - يعنى ايه هاترفضى تقابليه اذا هو طلب يا سما لتبتسم و هى تقول لها بمرح
بالعكس دا انا مستنيه المواجهه دىًمن زمان يا هدى و براهن نفسى عليها
- مَش فاهمه يا سما انتى تقصدى ايه ؟
- هاتفهمى و تعرفى كل حاجه فى الوقت المناسب يا جميل عموما سيبك منى انا دلوقت و قوليلى تحبى تروحى تشوفى الشقه امتى ؟ لترد الاخرى فىً خجل
- انا كنت فاكره انك نسيتى من كثر مشاغلك و بعدين انا عارفه ان عندك مشاكل و مشاغل لتبتسم الاخرى فى ود و هى تنظر اليها و تقول
- أولاً مفيش اى حاجه تشغلنى عنك يا جميل مهما كان و بعدين انا معنديش اى مشاكل و الحمد لله و حتى لو فيه انا هاقدر أواجهها و احلها ان شاء الله انا لازم اتعلَّم اواجه و اعتمد على نفسى والا ايه
- بجد انا فرحانه بيكى اوى يا سما
- حبيبتى و بعدين دا انتى هاتحلى ليا اكبر مشكله لتنظر لها الاخرى فى عدم فهم
- انا مَش قلت لك يا هدى ان وجودك هناك هايطمنى على الولاد انا مَش مطمنه من وجودهم لوحدهم مهما كان انتى ام و عارفه
- عارفه ومقدره يا حبيبتى
-خلاص يبقى يلا بينا لترد الاخرى فى دهشه
- يلا بينا فين ! دلوقت يا سما ؟
- ايوه وفيها ايه خير البر عاجله يلا بينا ........
- مين يا مازن ؟
لم يرد عليها و تجاهل سؤالها و هو يغلق الخط و يعض على شفتيه بغضب
- دى ماما مَش كده؟
- انتى لِسَّه بتقولى ماما يا لارا بعد كل اللى سمعتيه و اللى حصل لتعض الاخرى على شفتيها فى الم و هى تخفض راْسها فى خجل و تجيب
- غصب عنى يا مازن اصل انا
- خلاص يا لار ا انا فاهم
- يعنى هى كانت عايزه ايه ؟
- زى العاده بتحاول انها تكلمنا و تاثر علينا ثانى بس لا مَش هايحصل
- طيب ما نسمع لها يمكن ليقاطعها فى غضب
-انتى بتقولى ايه يا لارا عايزه تسمعى منها ثانى و تصدقيها مَش كفايه كل اللى عملته و الجريمه اللى هى ارتكبتها فى حق واحده ملهاش ذنب خربت بيتها و شردت اخواتنا لا و خلتنا نشترك معاها و نساعدها انا لحد دلوقت مَش قادر انى اسامح نفسى او اغفرلها كل اللىًحصل هاتقول ايه تبرر بيه اللى عملته ده ويا ريت هى هاتستفاد حاجه لا بالعكس دى ساعدت واحده أسوا منها بمراحل و على حسابنا هى بس كانت عايزه تأذى و تنتقم مَش هاتقدر تقول حاجه و حتى لو قالت عمرها ما هاتقدر انها تبرا نفسها و انا عمرى ما هاسامحها و لا اسامح نفسى انى صدقتها
- خلاص يا مازن انا اسفه و الله انا ما قصدت انى اضايقك بس
- انتى ملكيش ذنب بالعكس انا اللى أقنعتك و اثرت عليكى بس كان غصب عنى سامحينى
- خلاص يا مازن اقولك احنا نحاول ننسى كل حاجه و نبدا من ثانى هنا مع بعض
- ما هى اللى مَش عايزه انها تسيبنا فى حالنا رغم كل اللى حصل انا مَش فاهم قلبها دا ايه
- ربنا يغفر لها و يسامحها بقى انسى عندى لك خبر حلو ماما سما زمانها جايه و بتقول ان طنط هدى هاتيجى تقعد معانا هنا فى الشقه اللى فوق
- بجد يا لارا
- ايوه
- و حمزه فين ؟
- قاعد بره مستنى من الصبح طبعا
- طيب يلا بينا احنا كمان اصلها وحشتنى اوى
- انت بتقول ايه يا متر ؟
- هو ده اللى حصل حضرتك محامى الدكتوره سما لِسَّه قافل معايا دلوقت و هو اللى طلب منى انى ابلغ حضرتك بالكلام ده
- يعنى ايه مَش فاهم ؟
- حضرتك عارف ان الدكتوره بعتت محاسب البنك و المستشفى من يومين و راجع كل الحسابات و عمل تقرير
- و بعدين مَش فاهم ليصمت المحامى فى حرج ليرد ادهم فى عصبيه
- ماتتكلم يا متر
- حضرتك المحاسب راجع كل الحسابات و الدفاتر و حساب الارباح و الخسائر و نصيب مدام سما فى الارباح من المستشفى فى السنوات السابقه و سجله
- و بعدين ؟
هو حضرتك بعد ما حصر كل أرباح مدام سما من نصيبها فى المستشفى و قدره طبقا للدفاتر و خصم نصيب حضرتك من الاداره حدد قيمه المستحق من أرباح للدكتوره و دلوقت بيطالب بيه كله
ليصمت ادهم ولا يجيب
- حضرتك عارف ان كل الا باح سواء نصيب حضرتك او نصيب مدام سما من فتره طويله كانت بتتوجه للمستشفى الجديده كانشاءات و مبانى و تجهيزات و غيرها يعنى بقالنا سنين على الحال ده و الدكتوره لها مبلغ كبير جدا تقريبا كل ارباحها عن السنوات السابقه حضرتك مسددتش منها حاجه تقريبا و كان لازم يتم ايداعها فى حسابها الخاص بالبنك زىُما كان بيحصل و ده محصلش
- ايوه انا عارف ده كويس لاننا كنّا بنبنى المستشفى و كنت محتاج المبلغ كله و هى وافقت على ده و رحبت كمان
- مفيش اى اتفاق كتابى او تنازل منها عن الارباح دى او ما يفيد باستلامها يا دكتور و المحامى طلب منى ان حضرتك تورد المبلغ كله بحسابها فى البنك بأقرب وقت ممكن و الا هايضطر انه ياخد إجراءاته القانونيه .
- طيب و الحل
- الحل ان حضرتك تدفع الفلوس دى طبعا دا يعتبر دين على حضرتك واجب السداد وعدم سداده يعتبر نصب و تبديد و
انت بتقول ايه يا متر و بعدين اسدد المبلغ ده كله الوقت ازاى حضرتك عارف ان انا مقدم على قرض عشان اجهز المستشفى و انه لِسَّه حتى قدامه اجراءات كثير عشان يتوافق عليه و حتى اذا سددت منه الفلوس دى البنك مَش هيوافق لانى وقتها هاتعسر فى توريد الأجهزه و سداد القرض نفسه يبقى اسدد لها منين
- حضرتك هى كمان لها النفقه و باقى مستحقاتها الماليه و دى هايتحكم لها بيهم من اول جلسه طبعا و برضه واجبه السداد بحكم القانون و دى تقريبا هاتستهلكً اغلب السيوله الموجوده بحساب حضرتك دلوقت بالبنك يعنى مَش هايفضل الا حاجات بسيطه ليصمت و قد شعر كانه فأر وقع فى مصيده لا فكاك له منها
- و حضرتك شايف ايه يا متر ؟
- دكتور ادهم انا شايف ان حضرتك تحاول انك تقابل الدكتوره و تتفاهم معاها و تحاول تلاقى طريقه تقنعها بيها انها تصبر على حضرتك شويه او تستنى على حقوقها دى وتسددها بالتدريج يعنى على اقساط مع كل الضمانات القانونيه طبعا
- لا يا متر مَش هايحصل انا مَش هاروح أتحايل عليها او اطلب منها ده انا عندى باقى ارض امى ممكن نبيعها و نسدد كل الديون اللى علينا انا كنت مخلى الارض دى للتوسعات المستقبلية فى المستشفى بس انا دلوقت مضطر انى اتصرف فيها او حتى فىًجزء منها
- يعنى حضرتك قررت ايه ؟
شفلى مشترى كويس و بأقرب وقت ممكن لازم اننا نخلص من المشكله دى و بأسرع وقت
تحت امرك يا دكتور اللى تشوفه بس انا محتاج عقود الملكيه و أوراق تقسيم الارض
هيكونوا عند حضرتك بأقرب وقت ممكن ......
- ها يا متر عملت ايه ؟
- زى ما اتفقنا حضرتك يا دكتوره كله تمام انا بلغت محامى الدكتور بكل حاجه و سلمته نسخه من تقرير المحاسب
- كويس اوى و هو قالك هايرد على حضرتك امتى ؟
هو طلب منى مهله عشان يبلغ الدكتور ادهم و يتفاهم معاه
طيب كويس اوى و بعدين؟
- زى ما حضرتك توقعتى بالضبط انا عرفت انه ناوى يبيع باقى الارض عشان يسدد الديون و بيدور على مشترى كمان
- و انت عرفت ده منين ؟
- اصل المحامى كلم السمسار و طلب منه يشوف مشترى بأسرع وقت ممكن و بسعر معقول لتصمت للحظه ثم تجيبه هو لِسَّه معرفش ان الارض دى ملكىً و من سنين .....
لا يا دكتوره و هو هايعرف منين والدته سجلت اغلب الارض دى باسم حضرتك و حتى نصيب الاولاد كلهم انتى الوصيه عليه و بموجب عقد مسجل بالشهر العقارى من وقتها و مَش هايقدر يتصرف فيها دلوقت حتى لو حب دا هاياخد وقت و اجراءات فى المحكمه و يمكن ياخد شهور و جايز سنين و ساعتها يمكن مازن يكون وصل للسن القانونيه و يستلم ميراثه و الباقى اذا حصل و كان فيه قسمه او فرز و تجنيب هايكون تحت وصايه المحكمه الحسبيه دا غير نصيب حضرتك طبعا ....يعنى مَش هايستفيد دلوقت حاجه الا المشاكل و الشوشره و تكاليف القضيه يمكن كل اللى يقدر عليه انه يوقف البيع و التعامل على الارض لحين حل النزاع القضائي و دا مَش هايضر حضرتك فى حاجه لان حضرتك رفضتى انك تبيعيها اصلاً لتشرد و هى تحدث نفسها بشجن
- الله يرحمك يا ماما زوزو زى ما يكون قلبك كان حاسس ببكره و اللى هايحصل ثم تلتفت الى المحامى وتقول له
- ادهم لازم يعرف بده و النهارده بلغ المحامى بتاعه يا متر بلغه بده رسمى و خد إجراءاتك القانونيه
لينظر لها فى تردد ويسألها
- و تفتكرى الموضوع ده هايعدى بالساهل كده يا دكتوره دى اكيد هتبقى صدمه كبيره له تفتكرى رد فعله هايكون ايه لما يعرف؟ لتجيبه فى غموض
و انا مستنيه رد فعله ده انا كمان يا متر ....
